சிங்க‌ப்பூர்

தேசிய சுற்றுப்புற வாரியத்தால், நீரின் தரம் மேம்படுத்தப்பட்ட தால், பாசிர் ரிஸ் கடற்கரை பொதுமக்களின் பயன்பாட்டிற்காக நேற்று முதல் திறந்துவிடப்பட்டது. அந்தக் கடற்பகுதியில் உள்ள நீரின் தரம், ‘சுமார்’ நிலையில் இருந்து ‘நல்ல’ நிலைக்கு உயர்த்தப்பட்டது.

‘நல்ல’ மற்றும் ‘மிக நல்ல’ நிலைகளைப் பெற்ற கடற்கரைப் பகுதிகள் மட்டுமே, நீச்சல், வேக்போர்டிங் போன்ற உடலை நனைக்கும் நீர் விளையாட்டுகளுக்கு உகந்தவை என உலக சுகாதார நிறுவனம் வழிமுறை களை நிர்ணயித்துள்ளது.

பழைய மதகுகளில் இருந்து கசியும் நீர், அருகாமையில் உள்ள கப்பல்கள் மற்றும் கழிவுநீர் சுத்திகரிப்பு ஆலைகளில் இருந்து வெளியாகும் நீர் ஆகியவற்றால், முன்னர் ‘சுமார்’ தரத்தை பாசிர் ரிஸ் கடற்கரை பெற்றிருந்தது.

முழு விவரம் 28.1.2012 தமிழ் முரசில்

சமூகமும் மக்கள் தொகையும் நிலையாக இருக்காது. ஆகையால் சிங்கப்பூரர்களும் அதன் தலைவர்களும் இணைந்து பணியாற்றி, சிங்கப்பூரை ஆட்சி புரிய புதிய வழிகளைக் கண்டறி வேண்டும் என்று பிரதமர் லீ சியன் லூங் தெரிவித்துள்ளார்.
சுவிட்சர்லாந்தின் டாவோஸ் நகரில் நடைபெறும் உலக பொரு ளியல் மாநாட்டுக்குச் சென்றிருக்
கும் திரு லீ, அங்கு நடந்த ஒரு பேட்டியில் இவ்வாறு கருத் துரைத்தார்.
சிங்கப்பூர் சமூகத்தில் ஏற்பட்டு உள்ள பற்பல மாற்றங்கள் மக்கள் தொகையின் சில பிரிவினரிடையே அதிருப்தியையும் வருத்தத்தையும் ஏற்படுத்தின. அவை கடந்த ஆண்டு பொதுத் தேர்தலில் தெளிவாக வெளிப்பட்டன என்றும் திரு லீ கூறினார்.
சிங்கப்பூரில் அடுத்த ஐந்து ஆண்டுகளில் குறிப்பிடத்தக்க அரசியல் மாற்றங்கள் நிகழுமா என்று கேட்கப்பட்டதற்கு, “அரசியல் நிலைமை மாறக்கூடும். அதற்கு ஏற்றவாறு முன்னோக்கிச் செல்ல புதிய வழிகளை சிங்கப்பூர் கண்டறிவேண்டும் என்று பதிலளித் தார்.

முழு விவரம் 28.1.2012 தமிழ் முரசில்

தம் மனைவியிடமிருந்து விவாகரத்து கோரி பேச வந்த கணவரின் பேச்சைக் கேட்க மனைவி விரும்பவில்லை. அவரைக் கேட்க வைப்பதற்காக கணவர் மனைவியைக் கட்டிப் போட்டார். தங்கள் பெற்றோர் உரக்கக் கத்தி பேசிக் கொண்டிருந்ததைப் பார்த்த அவர்களின் மூத்த மகள் போலிசை அழைத்தார்.
கடந்த ஆண்டு மே மாதம் தமக்கு எதிராக மனைவி பெற்றிருந்த சுய பாதுகாப்பு ஆணையை மதிக்காமல் அவருக்குத் தொந்தரவு கொடுத்ததற்காக கணவர் திரு முகம்மது ஹனிஃப் அப்துல்லாவுக்கு நேற்று கீழ்நீதிமன்றம் $2,000 அபராதம் விதித்தது.
மனைவியைக் கட்டிப்போட்டு அவருக்குப் பயத்தை ஏற்படுத்தியதை 46 வயது கணவர் ஒப்புக்கொண்டார்.

முழு விவரம் 28.1.2012 தமிழ் முரசில்

- இளவரசி மகேந்திரன் -

சிங்கப்பூரின் முன்னாள் வெளியுறவு அமைச்சர் ஜார்ஜ் இயோ இந்திய அரசால் வழங்கப்படும் உயரிய விருதான ‘பத்ம பூஷண்’ விருதுக்கு  தேர்வு பெற்றுள்ளார்.
விருது குறித்த தகவல் கிடைத்தபோது  திரு இயோ உலக பொருளியல் மாநாட்டில் பங்கேற் பதற்காக சுவிட்சர்லாந்தின் டாவோஸ் நகரில் இருந்தார்.

விருது கிடைத்திருப்பது பற்றி தெரிவித்த அவர் மிகவும் கௌர வமாக உள்ளது என்று கூறினார்.
இதன் மூலம் இந்திய அரசின் மூன்றாவது மிக உயரிய விருதான பத்ம பூஷண் விருதைப் பெறும் முதல் சிங்கப்பூரர் என்ற பெருமையைப் பெறுகிறார் 57 வயது திரு இயோ. மேலும்  இந்த ஆண்டு பத்ம பூஷண் விருதுக்கு தேர்வாகியுள்ள 27 பேரில் திரு இயோவைத் தவிர மற்ற அனைவருமே இந்தியர்கள் என்பது குறிப்பிடத்தக்கது.

இந்த ஆண்டிற்கான பத்ம விபூஷன், பத்ம பூஷண், பத்மஸ்ரீ ஆகிய விருதுகளைப் பெறுவோரின் பட்டியலை இந்திய அரசு அண்மையில் வெளியிட்டது.

‘பொது உறவு’ பிரிவிற்கான பத்ம பூஷண் விருது சிங்கப்பூரின் முன்னாள் அமைச்சர் திரு ஜார்ஜ் இயோவிற்கு வழங்கப்படுகிறது.

அதேபோல் ‘வர்த்தகம் மற்றும் தொழிற்துறை’ பிரிவிற்கான ‘பத்ம {’ விருது சிங்கப்பூரின் பொதுத் தூதரும், பிரபல வர்த்தகரும், தெற்காசிய ஆய்வுக் கழகத்தின் இயக்குநருமான திரு கோபிநாத் பிள்ளைக்கு வழங்கப்பட்டுள்ளது.

முழு விவரம் 28.1.2012 தமிழ் முரசில்