You are here

உல‌க‌ம்

மலேசிய ஐஎஸ் போராளி மராவியில் கொல்லப்பட்டிருக்கலாம்

மணிலா மராவியின் தெற்குப் பகுதியில் நேற்று முன்தினம் இரவு நடைபெற்ற தாக்குதலில் உயிரிழந்த ஐஎஸ் இயக்கத்தைச் சேர்ந்த 13 போராளிகளில் மலேசியாவைச் சேர்ந்த முக்கிய போராளியான மஹ்முட் அகமதும் (படம்) ஒருவராக இருக்கக்கூடும் என்று பிலிப்பீன்ஸ் பாதுகாப்புத் துறை அதிகாரிகள் கூறியுள்ளனர்.
மஹ்முட் அந்தப் பகுதியில் இருந்ததாக நம்பப்படுகிறது என்றும் அந்தப் பகுதியில் இருந்து விடுவிக்கப்பட்ட பிணைக் கைதிகளும் அவ்வாறு கூறியதாக ரனாவ் படையின் தலைவர் கர்னல் ரோமியோ °பரான்வர் கூறியுள்ளார்.

சந்தேகப் பேர்வழி வெடிகுண்டு தயாரிப்பதில் கைதேர்ந்தவன்

கோலாலம்பூர் மலேசியாவில் பீர் திருவிழாவில் தாக்குதல் நடத்தத் திட்டமிட்டதற்காக கைது செய்யப்பட்ட 19 வயது சந்தேகப் பேர்வழி வெடிகுண்டு தயாரிப்பதில் இதே திறன் படைத்த இறந்த மற்றொரு மலேசிய போராளியுடன் போட்டி போடக்கூடியவன் என்று கூறப்படுகிறது. அந்த சந்தேகப் பேர்வழி சென்ற வாரம் கைது செய்யப்பட்டார். கோலாலம்பூரில் நடைபெறவிருந்த பீர் திருவிழாவிலும் கிள்ளான் பள்ளத்தாக்கிலும் தாக்குதல் நடத்தத் திட்டமிட்டதற்காக இவன் கைது செய்யப்பட்டிருப்பதாக தி ஸ்டார் செய்தித் தகவல் தெரிவிக்கிறது.

நியூசிலாந்தின் புதிய பிரதமராக ஜசின்டா ஆர்டன்

வெல்லிங்டன் நியூசிலாந்தின் மூன்றாவது பெண் பிரதமராக பொறுப்பேற்கவுள்ளார். தொழிற் கட்சியின் ஜசின்டா ஆர்டன், சென்ற மாதம் 23ஆம் தேதி நடைபெற்ற அந்நாட்டின் பொதுத் தேர்தலில் எந்தக் கட்சிக்கும் பெரும்பான்மை வெற்றி கிடைக்கவில்லை. நியூசிலாந்தின் இரு பெரிய கட்சிகளான தேசிய கட்சி 56 இடங்களிலும் தொழிற் கட்சி 54 இடங்களிலும் வெற்றி பெற்றன. இரு கட்சிகளில் எந்தக் கட்சியும் ஆட்சி அமைப்பதற்குப் போதுமான இடங்களைக் கைப்பற்றவில்லை. மூன்றாவது நிலையில் ஒன்பதே இடங்களில் வெற்றி பெற்ற வின்ஸ்டன் பீட்டர்சின் நியூசிலாந்து ஃபர்ஸ்ட் கட்சியே ஆட்சி அமைப்பது யார் என்பதைத் தீர்மானிக்கும் அதிகாரத்தை வைத்திருந்தது.

மேரிலேண்ட் துப்பாக்கிச்சூடு: சந்தேக நபர் கைது

வா‌ஷிங்டன்: மூவரின் உயிர்களைப் பறித்த அமெரிக்காவின் மேரிலேண்ட் துப்பாக்கிச்சூட்டை நடத்தியதாகச் சந்தேகிக்கப்படும் 37 வயது ஆடவர் ரடீ பிரின்ஸ் கைது செய்யப்பட்டுள்ளார். அந்தச் சம்பவத்தில் மேலும் இருவர் காயமடைந்துள்ளனர். தனித்தனியே இரண்டு இடங்களில் அவர் அந்தத் துப்பாக்கிச்சூட்டை நடத்தியதாகவும் அந்த ஒரு நாளில் மட்டுமே அவர் ஆறு முறை சுட்டதாகவும் கூறப்படுகிறது. பிரின்ஸ் பயங்கரமான ஆடவர் என்றும் திட்டமிட்டு துப்பாக்கிச்சூட்டை நடத்தியுள்ளதாகவும் வில்மிங்டன் போலிஸ் தலைவர் ராபர்ட் டிரேசி கூறியிருக்கிறார்.

‘நைஜரில் வீழ்த்தப்பட்ட அமெரிக்க ராணுவ வீரரை டிரம்ப் அவமதித்தார்’

வா‌ஷிங்டன்: நைஜரில் ஐஎஸ் இயக்கத்திற்கு எதிரான போராட்டத்தில் கொல்லப்பட்ட அமெரிக்க ராணுவ வீரர் சார்ஜண்ட் லா டேவிட் ஜான்சனை அமெரிக்க அதிபர் டோனல்ட் டிரம்ப் அவமதித்ததாக மறைந்த வீரரின் தாயார் கொவான்டா ஜோன்ஸ் ஜான்சன் வா‌ஷிங்டன் போஸ்ட் செய்தி நிறுவனத்திடம் தெரிவித்துள்ளார். துக்கம் விசாரிப்பதற்குத் தொலைபேசி மூலம் தொடர்புகொண்ட அதிபர் டிரம்ப், மறைந்த வீரரின் கர்ப்பிணி மனைவியிடம் பேசுகையில், அவரது கணவர் “இது போன்ற முடிவுக்குத் தயாராகத் தான் இந்தப் பணியில் ஈடுபட்டுள்ளார்” என்று தெரிவித்தார்.

சோமாலியா குண்டுவெடிப்புக்கு பாதுகாப்பு குறைபாடுதான் காரணம்

மொகாடி‌ஷு: சோமாலியாவின் தலைநகர் மொகாடி‌ஷுவில் கடந்த சனிக்கிழமை நடந்த மோசமான குண்டுவெடிப்பு தாக்குதலுக்கு அரசாங்கத்தின் பாதுகாப்பு குறைபாடுதான் காரணம் என்று அந்நாட்டு மக்கள் கூறிவருகின்றனர். சோமாலியாவில் பயங்கரவாத தாக்குதல்கள் புதிதல்ல என்றாலும் 270 உயிர்களைப் பறித்த இந்தக் குண்டு வெடிப்பு தாக்குதல் அந்நாட்டில் நடந்துள்ள மிக மோசமான தாக்குதலாக வகைப்படுத்தப்பட்டுள்ளது. வழக்கமாக அங்கு நடக்கும் தாக்குதல்களுக்கு அல் ஷபாப் இயக்கமே காரணமாக இருந்தாலும் இம்முறை அந்த இயக்கம் இன்னும் பொறுப்பேற்கவில்லை.

வெள்ளை இனவாத கூட்டம்: ஃபுளோரிடாவில் அவசர நிலை

ஃபுளோரிடா: ஃபுளோரிடா பல்கலைக்கழகத்தில் வரும் வியாழக்கிழமை நடக்கவிருக்கும் வெள்ளை இனவாதத் தலைவரின் உரைக்கு முன்னதாக சென்ற திங்கட்கிழமை ஃபுளோரிடா ஆளுநர் ரிக் ஸ்காட் மாநிலம் முழுவதும் அவசர நிலையை அறிவித்துள்ளார். தாக்குதல்கள் நிகழக் கூடும் என்பதால் அதற்குத் தயாராகும் விதமாக அந்த முடிவை அவர் எடுத்துள்ளதாகத் தெரிவிக்கப்பட்டுள்ளது. ஃபுளோரிடா பல்கலைக்கழகமும் ஒட்டுமொத்த சமூகமும் எந்த ஒரு சம்பவத்திற்கும் தயாராக இருக்க வேண்டும் என்பதாலும் அப்படி இருந்தால்தான் அனைவரும் பாதுகாப்பாக இருக்க முடியும் என்பதாலும்தான் இந்த அவசர நிலையை அறிவித்திருப்பதாக ஸ்காட் கூறியுள்ளார்.

கியூபாவிலுள்ள அமெரிக்கத் தூதரகத்தில் மர்ம தாக்குதல்

வா‌ஷிங்டன்: கியூபா தலைநகர் ஹவானாவில் அமைந்துள்ள அமெரிக்கத் தூதரகத்தில் 22 அமெரிக்கர்களை நோய் பாதித்துள்ளது. காது கேளாமை, மயக்கம், நிலையின்றி போவது, கண் பார்வை குன்றுவது, தலைவலி, சிந்தனை குன்றி யிருப்பது போன்ற நோய்களால் அவர்கள் பாதிப்படைந்துள்ளனர். இந்த மர்ம தாக்குதலுக்கு கியூபாதான் காரணம் என்று அமெரிக்க அதிபர் டோனல்ட் டிரம்ப் சாடியுள்ளார். உடனே அனைத்துத் தூதரக அதிகாரி களையும் ஹவானாவைவிட்டு வெளியேறும்படியும் அவர் உத்தர விட்டுள்ளார்.

வடகொரியா: எந்த நேரத்திலும் அணுவாயுதப் போர்

சோல்: அமெரிக்காவும் தென் கொரியாவும் இணைந்து கொரிய தீபகற்பத்தில் கிழக்கு, மேற்குக் கடலோரப் பகுதிகளில் பெரிய அளவில் கடற்படைப் பயிற்சியைத் தொடங்கி இருக்கும் நிலையில் எந்த நேரத்திலும் அணுவாயுதப் போர் வெடிக்கலாம் என்று வட கொரியா எச்சரிக்கை விடுத் துள்ளது. இலக்கு எவ்வளவு தூரத்தில் இருந்தாலும் அதைத் தாக்கி அழிக்கும் வகையில் பலதரப்பட்ட அணுவாயுதங்களைத் தமது நாடு கொண்டுள்ளது என்றும் அமெரிக் காவின் மையப்பகுதி முழுவதையும் தங்களால் தாக்க முடியும் என்றும் ஐக்கிய நாடுகள் மன்றத்திற்கான வடகொரியத் துணைத் தூதர் கிம் இன் ரையோங் தெரிவித்துள்ளார்.

டுட்டர்டே: போராளிகளிடமிருந்து மராவி நகரை மீட்டு விட்டோம்

மணிலா: கிட்டத்தட்ட ஐந்து மாதங்களாக போராளிகளின் வசம் இருந்த மராவி நகரை மீட்டுவிட்டோம் என்று பிலிப்பீன்ஸ் அதிபர் ரோட்ரிகோ டுட்டர்டே பிரகடனம் செய்துள்ளார். ஐஎஸ் ஆதரவு பெற்ற போராளி களிடமிருந்து மராவி விடுவிக்கப் பட்டதாக திரு டுட்டர்டே அறி வித்துள்ளார். பிலிப்பீன்சின் மராவி நகரில் ராணுவம் மேற்கொண்ட கடும் தாக்குதலில் இஸ்னிலான் ஹஃபிலான், ஒமர் மவுட் ஆகிய இரு போராளிகள் கொல்லப்பட்ட மறுநாள் மராவி நகருக்கு சென்றிருந்த திரு டுட்டர்டே அந்நகரில் உள்ள வீரர்களிடம் மராவி மீட்கப்பட்டது பற்றி அறிவித்தார்.

Pages