You are here

உல‌க‌ம்

முதியோர் இல்லத்தில் தீ; 21 பேருக்கு சிறைத் தண்டனை

ஷாங்ஹாய்: சீனாவில் ஈராண்டுகளுக்கு முன்பு ஹெனான் மாநிலத்தில் 39 முதியோர்களின் உயிரைப் பறித்த கங்லேயுவான் தனியார் தாதிமை இல்லத் தீ விபத்து தொடர்பில் 21 பேருக்குச் சிறைத்தண்டனை விதிக்கப் பட்டுள்ளது என சீன நாட்டு செய்தி நிறுவனம் தெரிவித்துள்ளது. தீப்பற்றக்கூடிய பொருள்களைக்கொண்டு சட்டவிரோதமாக அந்த முதியோர் இல்லத்தின் கட்டடம் விரிவுபடுத்தப்பட்டதால் விபத்து ஏற்படக் காரணமாக இருந்தது என்று அந்தச் செய்தி நிறுவனம் கூறுகிறது. அந்தத் தாதிமை இல்லத்தின் சட்டப் பிரதிநிதியும் சிறைத்தண்டனை விதிக்கப்பட்ட 21 பேரில் அடங்குவார். அவருக்கு ஒன்பது ஆண்டுகள் சிறைத்தண்டனை விதிக்கப்பட்டது.

பணம் திருடியதற்காக இளைஞரை அடித்துக்கொன்ற கும்பல்

மலாக்கா: மலேசியாவில் உறவினர் உட்பட மேலும் சிலரால் கொடூரமான முறையில் 16 வயது மாணவரான எம்.அருணாசலத்தை அடித்துக் கொன்ற சம்பவம் பெரும் பரபரப்பை ஏற்படுத்தியுள்ளது. ஜோகூர் மாநிலம் தங்காக் பகுதியைச் சேர்ந்த இந்திய இளைஞர் ஒருவர், ரப்பர் குழாயைக் கொண்டு சிலரால் கொடூரமாகத் தாக்கப்படும் காணொளி சில நாட்களுக்கு முன்பு சமூக வலைத்தளங்களில் பகிரப்பட்டு வந்தது. தன் தாத்தாவின் 4,000 ரிங்கிட் பணத்தைத் திருடியதற்காக அந்த இளைஞர் தாக்கப்பட்டதாகக் கூறப்படுகிறது. அந்த இளைஞர் மலாக்கா மருத்துவமனையில் கடந்த புதன்கிழமை இறந்ததாக தகவல்கள் கூறின.

கோலாலம்பூர், ஜகார்த்தாவில் பெரும் ஆர்ப்பாட்டம்

கோலாலம்பூர்: இஸ்ரேலின் தலைநகராக ஜெருசலத்தை அமெரிக்க அதிபர் டோனல்ட் டிரம்ப் அங்கீகரித்ததற்கு எதிர்ப்பு தெரிவிக்கும் வகையில் கோலாலம்பூரிலும் ஜகார்த்தா விலும் நேற்று ஆர்ப்பாட்டங்கள் நடந்தன. அவ்விரு நகரங் களிலும் உள்ள அமெரிக்கத் தூதரகத்திற்கு முன்பு ஒன்று கூடிய முஸ்லிம் ஆர்ப்பாட்டக் காரர்கள், பாலஸ்தீனர்களுக்கு ஆதரவாக குரல் எழுப்பினர். கோலாலம்பூரில் அம்னோ மற்றும் பாஸ் கட்சி தலைமையில் ஒன்றுகூடிய 1,000 பேர் திரு டிரம்ப் அவரது முடிவை திரும்பப் பெற வேண்டும் என்று வலியுறுத் தினர். இதே போல ஜகார்த்தாவில் உள்ள அமெரிக்கத் தூதரகத் திற்கு முன்பும் பலர் ஆர்ப் பாட்டத்தில் ஈடுபட்டனர்.

இஸ்ரேலின் தலைநகராக ஜெருசலத்தை அங்கீகரித்த அமெரிக்க அதிபர் டிரம்ப்

இஸ்ரேலின் தலைநகராக ஜெரு சலத்தை அமெரிக்க அதிபர் டோனல்ட் டிரம்ப் அங்கீ கரித்ததை அடுத்து, உலக நாடுகள் கடும் எதிர்ப்பு தெரிவித்து வருகின்றன. கிழக்கு ஜெருசலம் நகரை தங்கள் தலைநகராக்கிக் கொள்ள பாலஸ்தீனர்கள் விரும்புகின்றனர். அவர்களிடம் கலந்துரையாடிய பிறகு ஜெரு சலத்தின் அந்தஸ்து குறித்து முடிவு எடுப்பதே அமெரிக் காவின் நீண்டகால நிலைப் பாடாக இருந்து வந்தது. இந்நிலையில், அதிபர் டிரம்ப் எடுத்துள்ள முடிவால் முஸ்லிம் நாடுகள் அதிருப்தி அடைந் துள்ளன. டெல் அவிவ்வில் இருக்கும் அமெரிக்கத் தூதரகம் ஜெருசலத்துக்கு இடம் மாறும் என்று அதிபர் டிரம்ப் அறிவித்தார்.

‘அமெரிக்கா மிரட்டுவதால் போரைத் தவிர்க்க முடியாது’

சோல்: அமெரிக்காவும் தென்கொரி யாவும் மேற்கொண்டுள்ள ஆகப் பெரிய ராணுவப் பயிற்சியும் போருக்கு இட்டுச் செல்லும் அமெரிக்காவின் மிரட்டலும் நிச் சயம் போர் மூளும் என்பதை உறுதிப்படுத்துகிறது என்று வட கொரியாவின் வெளியுறவு அமைச்சு கூறியுள்ளது. வடகொரிய வெளியுறவு அமைச்சின் பேச்சாளர், போரின் விளிம்புக்குத் தள்ளும் அமெரிக்க அதிகாரிகளின் பேச்சு வம்புக்கு இழுப்பதாகவும் உள்ளது என்றும் சாடினார்.

மலேசிய பிரதமர் நஜிப்: எதிர்க்கட்சிகள் ஆட்சிக்கு வந்தால் நாட்டுக்கு ஆபத்து

கோலாலம்பூர்: அம்னோ பொதுக் கூட்டத்தில் கொள்கை உரை யாற்றிய மலேசிய பிரதமர் நஜிப் ரசாக், முன்னாள் பிரதமர் டாக்டர் மகாதீருக்கு எதிராக போர் தொடுக்கும் வகையில் முழக்க மிட்டுள்ளார். அடுத்த ஆண்டு ஆகஸ்ட் மாதத்திற்குள் நடைபெறும் பொதுத்தேர்தலில் நாட்டின் தலை விதி நிர்ணயிக்கப்படவிருக்கிறது என்றும் அம்னோ கட்சியினரிடம் அவர் தெரிவித்தார். ஆளும் அம்னோ கட்சியின் தலைவருமான திரு நஜிப், “எதிர்க் கட்சிகள் ஆட்சிக்கு வந்தால் மலேசியாவின் பொருளியல், மலாய், இஸ்லாமுக்கு ஆதரவான கொள்கைகள் பாதிக்கப்படும்,” என்றார்.

மலேசியாவில் மீண்டும் பேருந்து விபத்து; ஆறு பேர் காயம்

கோலா கங்சார்: வடக்கு கிழக்கு விரைவுச் சாலை 249வது கிலோ மீட்டரில் நேற்று டிரெய்லர் மீது பேருந்து மோதியதில் பேருந்தில் இருந்த ஆறு பயணிகள் காயம் அடைந்தனர். சுங்கை பேராக்கி லிருந்து வெளியேறியபோது இரட்டை மாடி பேருந்தின் ஓட்டுநர், சாலையோரம் நிறுத்தி வைக்கப் பட்டிருந்த 25 டன் எடையுள்ள டிரெய்லரைக் கவனிக்கத் தவறி விட்டார் என்று தீ அணைப்பு, மீட்பு பிரிவின் பேச் சாளர் ஒருவர் தெரிவித்தார். இதற்கு முன்பு கடந்த புதன் கிழமை பேராக்கின் கோபெங்குக்கு அருகே வடக்கு-தெற்கு விரைவுச் சாலையில் நிகழ்ந்த விபத்தில் ஒருவர் கொல்லப்பட்ட சம்பவத்தில் 41 வயது பேருந்து ஓட்டுநர் என்.

குண்டு வீச்சு பயிற்சியில் ஈடுபடும் தென்கொரியா, அமெரிக்கா

படம்: தென்கொரிய தற்காப்பு அமைச்சு

சோல்: தென்கொரியாவுடன் 230 போர் விமானங்கள் பங்கேற்கும் ராணுவப் பயிற்சியில் அமெரிக்கா ஈடுபட்டு வருகிறது. இதில் ஒலி வேகத்தில் பறக்கும் ‘பி-1பி’ குண்டு வீச்சு விமானங் களையும் அமெரிக்கா ஈடுபடுத்து கிறது என்று அடையாளம் தெரி யாத தகவலை சுட்டிக்காட்டி யோன் ஹாப் செய்தி நிறுவனம் தெரிவித்தது. கடந்த செப்டம்பர் மாதம் இதே ‘பி-1பி’ விமானம்தான் வடகொரி யாவுக்கு மிரட்டல் விடுக்கும் வகையில் ராணுவமில்லாத பகுதி யில் பறந்துசென்றது.

கலிஃபோர்னியா காட்டுத் தீயில் வீடுகள் நாசம், மக்கள் ஓட்டம்

படம்: ஏஎஃப்பி

சான்டியாகோ: அமெரிக்காவின் கலிஃபோர்னியா மாநிலத்தில் அதிவேகத்தில் பரவும் காட்டுத் தீயால் நூற்றுக்கணக்கான வீடு கள் நாசமடைந்துள்ளன. மேலும் அனல்பறக்கும் தீப்பிழம்புகளால் ஆயிரக்கணக்கான குடியிருப் பாளர்கள் வீட்டைவிட்டு தப்பி யோடி வருகின்றனர். சென்ற திங்கட்கிழமையன்று வென்டுராவில் ‘தாமஸ் ஃபயர்’ என்று பெயரிடப்பட்ட காட்டுத் தீ மூண்டது. மறுநாள் மாலைக் குள் 50,000 ஏக்கருக்கு மேற் பட்ட நிலப்பகுதிகளை அழித்து விட்டது என்று அதிகாரி ஒருவர் தெரிவித்தார்.

இஸ்ரேல் தலைநகர் ஜெருசலம்: எந்த நேரத்திலும் அறிவிப்பு

படம்: ஏஎஃப்பி

இஸ்ரேலின் தலைநகராக ஜெரு சலத்தை அறிவிக்கும் அமெரிக்க அதிபர் டோனல்ட் டிரம்ப்பின் வரலாற்று உரை இடம்பெறவிருப் பதாக அமெரிக்க அதிகாரிகள் கூறினர். அத்துடன் டெல் அவிவ் நகரிலிருந்து அமெரிக்கத் தூதர கத்தை ஜெருசலத்திற்கு மாற்று வதற்கான திட்டத்தை வரையத் தொடங்குமாறு தாம் உத்தரவிட் டிருப்பது குறித்து அந்த உரை யில் குறிப்பிடுவார் என அந்த அதி காரிகள் கூறியதாக ‘ராய்ட்டர்ஸ்’ தெரிவித்தது. தூதரகத்தை இடம் மாற்றம் செய்யும் பணி மூன்று ஆண்டு முதல் நான்காண்டுகள் வரை நீடிக்கலாம் என்று எதிர்பார்க்கப் படுகிறது.

Pages