You are here

சிங்க‌ப்பூர்

செங்காங் ஈஸ்ட் பாலர்பள்ளி பிள்ளைகளுக்கு காசநோய் சோதனை

செங்காங் ஈஸ்ட்டில் இருக்கும் ‘அகாபி லிட்டில் யூனி’ என்ற குழந்தை பராமரிப்பு நிலையம் மற்றும் பாலர்பள்ளியில் உள்ள எல்லா பிள்ளைகளுக்கும் காசநோய் சோதனை நடத்தப்பட்டு இருக்கிறது. அந்தப் பள்ளியில் பணிபுரியும் ஒருவருக்கு இந்த நோய் இருப்பது கண்டறியப்பட்டதையடுத்து எல்லா பிள்ளைகளுக்கும் சோதனை நடத்தப்பட்டது. இரண்டு முதல் ஆறு வயதுள்ள அந்தப் பிள்ளைகள் டிசம்பர் 4ஆம் தேதி முதல் சோதிக்கப்பட்டனர். டான் டோக் செங் மருத்துவமனையைச் சேர்ந்த காசநோய் கட்டுப்பாட்டுப் பிரிவின் தாதி ஒருவர், அந்த பாலர்பள்ளிக்குச் சென்று பிள்ளைகளைச் சோதித்தார்.

நிரந்தரவாச விண்ணப்பத்தில் தவறான தகவல்: ஆடவருக்கு சிறை

மூன்று பிள்ளைகளின் சிங்கப்பூர் நிரந்தரவாச விண்ணப்பப் படிவத் தில் அவர்கள் மூவரும் தனது சொந்த பிள்ளைகள் என்று கடை உதவியாளரான 44 வயது நூர் ஷாஹுல் ஹமீது நூர்சுல்தான் என்ற இந்திய நாட்டவர் தெரிவித்துள்ளார். சிங்கப்பூர் நிரந்தரவாசியான திரு நூர்சுல்தானுக்கு 2008ஆம் ஆண்டு அக்டோபர் 14ஆம் தேதி விண்ணப்பப் படிவத்தில் தவறான தகவல் அளித்த குற்றத்திற்காக இரண்டு வாரச் சிறை தண்டனை நேற்று விதிக்கப்பட்டது. அவரது குற்றம் பல ஆண்டு களுக்குப் பிறகு அறியப்பட்டது. அந்த மூன்று பிள்ளைகளும் அவ ரது சகோதரியின் குழந்தைகள் என்றும் அவர்களைத் தான் தத்து எடுத்துள்ளார் என்பதும் தெரிய வந்தது.

சிங்கப்பூர்=கோலாலம்பூர் அதிவேக ரயில் சேவையில் 30 நிமிடத்துக்கு ஒரு ரயில்

சிங்கப்பூருக்கும் கோலாலம்பூருக் கும் இடையிலான அதிவேக ரயில் சேவை அறிமுகம் காணும்போது 30 நிமிடங்களுக்கு ஒரு ரயில் வந்து செல்லும் என்று தெரிவிக் கப்பட்டு உள்ளது. இச்சேவை குறித்த விவரங் களை MyHSR Corp நிறுவ னத்தின் திட்ட ஒப்படைப்பு இயக் குநர் மார்க் லோடர் நேற்றுக் காலை மலேசியாவின் சிரம்பா னில் செய்தியாளர்களிடம் விளக் கினார். “மலேசியாவின் பண்டார் மலே சியா ரயில் நிலையத்திலிருந்து சிங்கப்பூரின் ஜூரோங் ஈஸ்ட் வரையிலான அந்த ரயில் சேவை யில் இடைநிறுத்தம் இருக்காது. மொத்த பயண நேரம் 90 நிமிடங் களாக இருக்கும்.

ஆளில்லா வானூர்தியை பறக்கவிட 4.5ஜி அதிவேக இணையக் கட்டமைப்பு

ஆளில்லா வானூர்தியைப் பாதுகாப் பான புதிய முறையில் பறக்கவிடு வதற்கு நம்பகமான அதிவேக இணையக் கட்டமைப்பைப் பயன் படுத்துவது குறித்து ஆய்வு மேற்கொள்ளப்படவிருக்கிறது. நன்யாங் தொழில்நுட்பப் பல் கலைக் கழகமும் எம்1 தொலைத் தொடர்பு நிறுவனமும் இணைந்து இந்த ஆய்வை முதன்முதலாக மேற்கொள்ளவிருக்கின்றன. ஆளில்லா வானூர்தியைப் பறக்கவிடுவதற்கு வழக்கமாகப் ‘வயர்லெஸ்’ என்னும் கம்பியில்லா இணைப்புக் கட்டமைப்பு பயன்படுத்தப் படுகிறது. இப்போது அதற்குப் பதிலாக ‘ஹெட்நெட்’ என்னும் புதிய அதிவேக இணை யக் கட்டமைப்பைப் பயன் படுத்துவ தன் சாத்தியம் குறித்து இந்த ஆய்வு மேற்கொள்ளப்படும்.

‘ஓபைக்’ செயலியின் பாதுகாப்பு மறுஆய்வு

மிதிவண்டி பகிர்வு நிறுவனமான ‘ஓபைக்’, அதன் செயலியின் பாதுகாப்பை மறுஆய்வு செய் கிறது. மொத்தம் 14 நாடுகளிலுள்ள ஓபைக் பயன்பாட்டாளர்களின் விவரங்கள் இணையத்தில் வெளியானதைத் தொடர்ந்து நிறு வனம் இந்நடவடிக்கையை மேற் கொண்டுள்ளது. பயன்பாட்டாளர்களின் பெயர், மிதிவண்டி ஓட்டப்படும் இடம் போன்ற மறைக்குறியீடற்ற விவ ரங்கள் இணையத்தில் கிடைப்ப தாக ‘பிஆர்24’ எனும் பவேரிய செய்தி நிறுவனம் சென்ற வாரம் செய்தி வெளியிட்டது.

அரசு நீதிமன்றத்தில் பயங்கரவாத எதிர்ப்பு பயிற்சி

அரசு நீதிமன்றத்தில் நேற்று முதல் முறையாக பயங்கரவாத எதிர்ப்பு பயிற்சி நடைபெற்றது. இந்தப் பயிற்சி நேற்று நண்பகல் 12 மணியிலிருந்து பிற்பகல் 2 மணி வரை இடம்பெற்றது. அரசு நீதிமன்ற வளாகத்தில் பயங்கரவாதத் தாக்குதல் நிகழ்ந்தால் எப்படி பதில் நடவடிக்கை எடுப்பது என்பதில் சிங்கப்பூர் போலிஸ் படைக் கும் அரசு நீதிமன்றத்துக்கும் இடையி லான ஒருங்கிணைப்பைச் சோதிப்பதற் காக இந்தப் பயிற்சி நடத்தப்பட்டது என்று சிங்கப்பூர் போலிஸ் படை நேற்று மாலை வெளியிட்ட அறிக்கை யில் கூறியது.

பிரதமர் லீ: ஊடகச் சுற்றுச்சூழலில் ‘எஸ்பிஎச்’க்கு உள்ள கடும் சவால்

சரியும் வருமானம், மின்னிலக்க இடையூறுகள், பொய்யான செய்திகள் ஆகியவற்றைக் கொண்ட சவால்மிக்க ஊடகச் சுற்றுச்சூழலைச் சமாளிக்க சிங்கப்பூர் பிரஸ் ஹோல்டிங்ஸ் (எஸ்பிஎச்) நிறுவனம் கடுமையாக உழைக்க வேண்டியிருக்கும் என்று பிரதமர் லீ சியன் லூங் தனது ஃபேஸ்புக் பக்கத்தில் கூறியுள்ளார். நேற்று தோ பாயோ நார்த்தில் உள்ள எஸ்பிஎச் தலைமை யகத்துக்கு வருமையளித்த திரு லீ, “எஸ்பிஎச் நிறுவனத் தின் செய்திப் பிரிவுகள் நம்பகமான, தேவையான செய்தி களைத் தொடர்ந்து மக்களுக்கு வழங்கும்,” என்று நம்பிக்கை தெரிவித்தார்.

சிறப்புக் கண்காட்சியுடன் இந்திய கலாசார விழா

படம்: இந்திய மரபுடைமை நிலையம்

வில்சன் சைலஸ்

அரிய கலைபொருட்களைக் காட்சிக்கு வைத்துள்ள கேம்பல் லேனின் இந்திய மரபுடைமை நிலையத்தின் இரண்டாவது சிறப்பு கண்காட்சியுடன் கலாசார விழாவும் அதிகாரபூர்வமாக நேற்று தொடங்கியது. ‘சின்னங்களும் வரி வடிவங் களும்- கைவினையின் மொழி’ என்ற கருப்பொருளில் ஏற்பாடு செய்யப்பட்டுள்ள இக்கண்காட்சி யில் 5,000 ஆண்டுகள் தொன் மையான பிராமி எழுத்துகள் பொறிக்கப்பட்ட மட்கல ஓடு களும் பொன் ஆபரணங்களும் இடம்பெறுகின்றன.

ஆஸ்திரேலியருக்கு 11 மாதச் சிறை, 3 பிரம்படி

தண்டனை விதிக்கப்பட்ட வேட் ஜேம்ஸ் புரிட்ஜ். படம்: ஸ்ட்ரெய்ட்ஸ் டைம்ஸ்

இரண்டு மணி நேரத்திற்குள் தனித்தனியான இரண்டு சம் பவங்களில் இரு பெண்களை மானபங்கப்படுத்திய ஆஸ்தி ரேலிய ஆடவரான வேட் ஜேம்ஸ் புரிட்ஜ், 34, என்பவருக்கு 11 மாதச் சிறைத்தண்டனையும் மூன்று பிரம்படித் தண்டனையும் விதிக்கப்பட்டது. புரிட்ஜ் மேல்முறையீடு செய் திருக்கிறார். அவருக்கு $40,000 பிணை அனுமதிக்கப்பட்டு இருக் கிறது. ஆறு நாள் நடந்த விசா ரணைக்குப் பிறகு அக்டோபர் 25ஆம் தேதி புரிட்ஜ் குற்றவாளி என்று தீர்ப்பளிக்கப்பட்டது. பந்தயக் குதிரை தொழிலில் ஈடுபடும் சொந்த நிறுவனம் ஒன்றின் இயக்குநராக இருக்கும் புரிட்ஜ், மானபங்கம் தொடர்பான இரு குற்றச்சாட்டுகளின் பேரில் குற்றவாளி என்று தீர்ப்பளிக்கப்பட் டது.

சுகாதாரப் பராமரிப்புக்கான அரசின் செலவு கூடுகிறது

நிதி அமைச்சர் ஹெங் சுவீ கியட், அரசாங்கத்தின் சுகாதாரப் பராமரிப்புச் செலவு அடுத்த மூன்று முதல் ஐந்து ஆண்டு களிலும் அதற்குப் பிறகும் வெகு வாக அதிகரிக்கும் என எதிர் பார்க்கிறார். சாங்கி பொது மருத்துவமனை யையும் செயின்ட் ஆண்ட்ருஸ் சமூக மருத்துவமனையையும் புதன்கிழமை சுற்றிப்பார்த்த பிறகு அவர் செய்தியாளர்களிடம் பேசி னார். எதிர்வரும் 2020ம் ஆண்டுக் குள், அரசாங்கத்தின் சுகாதாரப் பராமரிப்புச் செலவு ஆண்டுக்குக் குறைந்தது $3 பில்லியன் அதி கரிக்கும் என எதிர்பார்ப்பதாக அவர் கூறினார்.

Pages