You are here

உல‌க‌ம்

ரஷ்ய விமானத் தாக்குதலில் ஐஎஸ் தலைவன் கொல்லப்பட்டிருக்கலாம்

மாஸ்கோ: சிரியாவில் ரஷ்ய விமானங்கள் குண்டுகளை வீசித் தாக்கியதில் ஐஎஸ் குழுவின் தலைவன் அபு பக்கர் அல் பாக்டாடி கொல்லப்பட்டிருக்கலாம் என்று ரஷ்ய தற்காப்பு அமைச்சு தெரிவித்துள்ளது. சிரியாவின் வடக்குப் பகுதியில் உள்ள ராக்கா நகரில் சிரியா மற்றும் ஈராக்கில் உள்ள ஐஎஸ் குழுவின் தலைவர்கள் கூடியிருந்தபோது அவர்களைக் குறிவைத்து ரஷ்ய விமானங்கள் சென்ற மாதம் 28ஆம் தேதி தாக்குதல் நடத்தின. தாக்குதலில் பாக்டாடி கொல்லப்பட்டதாக இதற்கு முன்பும் பல தடவை செய்திகள் வெளிவந்திருப்பதால் இந்தத் தகவலை அமெரிக்காவால் உறுதிப்படுத்த முடியவில்லை. சிரியா அரசாங்கமும் இது தொடர்பில் தகவல் எதுவும் வெளியிடவில்லை.

மராவி: சில போராளிகள் தப்பியிருக்கலாம்

மணிலா: பிலிப்பீன்சின் மராவி நகரில் போராளிகளுக்கும் ராணுவத்தினருக்கும் இடையே சண்டை நீடிக்கும் வேளையில் போராளிகளில் சிலர் அங்கிருந்து தப்பிச் சென்றிருக்கலாம் என்று ராணுவம் கூறுகிறது. இரு தரப்பினருக்கும் இடையே கடந்த நான்கு வாரங்களாக அங்கு கடும் சண்டை நீடிக்கிறது. சண்டைக்குப் பயந்து அங்கிருந்து தப்பிச் செல்லும் மக்களோடு மக்களாக போராளிகளில் சிலர் தப்பிச் சென்றிருக்கலாம் என்று ராணுவ உயர் அதிகாரி ஒருவர் கூறினார். மராவி நகருக்குள் ஊடுருவியுள்ள போராளிகளை துடைத்தொழிக்க ராணுவம் கடுமையாகச் சண்டையிட்டு வருகிறது.

1MDB நிதியில் நஜிப்பின் மனைவி நகைகள் வாங்கியதாக அமெரிக்கா குற்றச்சாட்டு

பெட்டாலிங் ஜெயா: மலேசிய அரசாங்கத்திற்குச் சொந்தமான 1எம்டிபி நிறுவனத்தின் களவு போனதாகக் கூறப்படும் நிதியில் கிட்டத்தட்ட 30 மில்லியன் அமெரிக்க டாலர் (S$41.5 மில்லியன்) பணத்தை நகைகள் வாங்குவதற்கு மலேசியப் பிரதமர் நஜிப் ரசாக்கின் மனைவி ரோஸ்மா மன்சூர் பயன்படுத்தி யதாக அமெரிக்க நீதித்துறை ஆகக்கடைசியாக தாக்கல் செய்துள்ள மனுவில் கூறப் பட்டுள்ளது. திரு நஜிப்பின் பெயரோ அல்லது அவரது மனைவியின் பெயரோ அந்த மனுவில் நேரடியாக குறிப்பிடப்படவில்லை. “மலேசிய அதிகாரி 1” யின் மனைவி நகைகள் வாங்குவதற்கு அந்தப் பணத்தைப் பயன்படுத்தி யதாக அந்த மனுவில் கூறப்பட்டுள்ளது.

லண்டனில் தீ: இறந்தவர்களை அடையாளம் காண்பதில் சிரமம்

லண்டன்: லண்டனில் உள்ள அடுக்குமாடி குடியிருப்புக் கட்ட டத்தில் மூண்ட தீயைத் தொடர்ந்து இன்னும் 65 பேரைக் காணவில்லை என்று சன் பத்திரிகைத் தகவல் தெரிவித் தது. அவர்கள் உயிரிழந்திருக் கலாம் என்று அஞ்சப்படுவதாகவும் பத்திரிகை தகவல் தெரிவித்தது. வடக்கு கென்சிங்டனில் உள்ள 24 மாடிக் கட்டடத்தில் புதன்கிழமை காலை மூண்ட தீயில் இதுவரை 30 பேர் உயிரிழந்ததாகவும் பலர் காயம் அடைந்ததாகவும் போலிசார் தெரிவித்துள்ளனர்.

லண்டனில் தீ: பலி எண்ணிக்கை உயரக்கூடும்

படம்: ராய்ட்டர்ஸ்

லண்டன்: லண்டனில் அடுக்குமாடி குடியிருப்புக் கட்டடத்தில் மூண்ட தீக்கு இதுவரை 17 பேர் பலியான தாக போலிசார் தெரிவித்துள்ளனர். வடக்கு கென்சிங்டனில் உள்ள 24 மாடிக் கட்டடத்தில் மூண்ட தீயை அணைக்க தீயணைப் பாளர்கள் போராடி வரும் நிலையில் பலி எண்ணிக்கை அதிகரிக்கக் கூடும் என்று அஞ்சப்படுகிறது. தீ மூண்டபோது அக்கட்ட டத்தினுள் சிக்கியிருந்தவர்களில் சுமார் 65 பேர் மீட்கப்பட்டு, மருத்துவமனையில் சேர்க்கப் பட்டனர். அவர்களில் சுமார் 34 பேர் இன்னமும் சிகிச்சை பெற்று வருவதாகவும் காயம் அடைந்தவர் களில் 17 பேரின் நிலைமை கவலைக்கிடமாக இருப்பதாகவும் மருத்துவமனைத் தகவல்கள் கூறின.

பேங்காக் மருத்துவமனை தாக்குதல்: சந்தேகப் பேர்வழி கைது

பேங்காக்: தாய்லாந்து தலைநகர் பேங்காக்கில் உள்ள ராணுவ மருத்துவமனையில் 24 பேர் காயம் அடையக் காரணமாக இருந்த குண்டுவெடிப்பு தாக்கு தல் தொடர்பில் 62 வயது சந்தேகப் பேர்வழியை அதிகாரிகள் கைது செய்துள்ளதாக அந்நாட்டு தற்காப்பு அமைச்சர் கூறியுள்ளார். மே 22ஆம் தேதி நடந்த தாக்குதலுக்கு, ராணுவ ஆட்சி எதிர்ப்பாளர்களே காரணம் என்று தாய்லாந்து அரசங்கம் கூறி வந்தது. இந்நிலையில் கைது செய்யப்பட்ட அந்த சந்தேக நபரிடம் போலிசார் விசாரணை மேற்கொண்டுள்ளதாக தற்காப்பு அமைச்சர் பிரவிட் வோங்சுவான் கூறினார். அத்தாக்குதலுக்கு இதுவரை யாரும் பொறுப்பேற்கவில்லை.

பயங்கரவாத எதிர்ப்பு மசோதாவை நிறைவேற்றியது ஜப்பான்

தோக்கியோ: சர்ச்சைக்குரிய பயங்கரவாத எதிர்ப்பு மசோதா ஒன்றை ஜப்பானிய நாடாளுமன்றம் நிறைவேற்றியுள்ளது. பயங்கரவாதத்திலிருந்து பல் வேறு வகையான திட்டமிடப்பட்ட குற்றச்செயல்களுக்கு கடுமை யான தண்டனை விதிக்க புதிய சட்டம் வகை செய்கிறது. ஜப்பானிய நாடாளுமன்றத்தில் மேலவை உறுப்பினர்கள் நேற்று அந்த மசோதாவை நிறைவேற்றி னர். இந்த மசோதாவுக்கு எதிர்ப்பு இருந்துவந்த நிலையில் 4-வது முயற்சியில் இந்த மசோதா நிறைவேற்றப்பட்டுள்ளது.

கோபியின் சட்டவிரோதச் செயல்கள் பற்றி தெரியாது

மலேசிய தலைமை போலிஸ் அதிகாரி காலிட் அபு பக்கர்

கோலாலம்பூர்: மலாக்காவில் கைது செய்யப்பட்ட முக்கிய சந்தேக நபர் தமக்கும் தமது குடும்பத்துக் கும் நன்கு தெரிந்தவர் என்றும் ஆனால் சந்தேகத்துக்குரிய அவ ரது குற்ற நடவடிக்கைகள் பற்றி தாங்கள் அறிந்திருக்கவில்லை என்றும் மலேசிய தலைமை போலிஸ் அதிகாரி காலிட் அபு பக்கர் (படம்) கூறியுள்ளார். மலாக்காவில் கடந்த மாதம் அதிகாரிகள் நடத்திய வேட்டை யில் 13 சந்தேகப் பேர்வழிகள் சிக்கினர். அவர்களில் பெரும்பாலானவர்கள் காவல் துறையைச் சேர்ந்தவர்கள்.

தனவல்லி மீது குழந்தை கொடுமை குற்றச்சாட்டு

நீதிமன்றத்துக்குக் கொண்டு செல்லப்பட்ட வி.தனவல்லி, 62. படம்: மலேசிய ஊடகம்

கோலாலம்பூர்: ஆறு வயது குழந் தையைக் கொடுமைப்படுத்தியதாக மூதாட்டி ஒருவர் மீது கோலாலம்பூர் மாவட்ட நீதிமன்றம் ஒன்றில் நேற்று குற்றம் சாட்டப்பட்டது. வி.தனவல்லி, 62, எனப்படும் அவர் கடந்த செப்டம்பர் மாதம் புக்கிட் பூச்சோங்கிலுள்ள தாமான் பூச்சோங் பெர்தானாவிலுள்ள வீட் டில் சிறுமியை குச்சியால் தாக்கி யதாகத் தெரிவிக்கப்பட்டது. குழந் தையின் முகம், கைகள், உடல் பாகங்களில் அவர் தாக்கிய சம்ப வம் காணொளி வடிவில் இம்மாதத் தொடக்கத்தில் சமூக ஊடகங் களில் பரவியது. அதனைத் தொடர்ந்து கடந்த 5ஆம் தேதி தனவல்லி கைது செய்யப்பட்டார்.

அனைவரும் ஒன்றுபட தெரேசா மே அழைப்பு

பிரெஞ்சு அதிபர் இம்மானுவல் மெக்ரோனுடன் பிரதமர் தெரேசா மே. படம்: ஏஎஃப்பி

லண்டன்: கடந்த வாரத்தின் பொதுத் தேர்தலுக்குப் பிறகு செவ்வாய்க்கிழமை பிரிட்டிஷ் நாடாளுமன்றம் கூடியது. நாடாளுமன்ற நாயகராக ஜான் பெர்காவ் மீண்டும் ஒருமன தாகத் தேர்ந்தெடுக்கப்பட்டார். “கடினமான சவால்களை எதிர்நோக்குவதால் நாட்டின் ஒற்றுமை கருதி நாம் அனை வரும் ஓரணியில் நிற்போம்,” என்று பிரதமர் தெரேசா மே நாடாளுமன்றத்தில் தெரிவித் தார். கூட்டணி விவகாரம் இறுதி செய்யப்பட்ட பின்னர் மரபுப்படி அரசாங்கத்தின் கொள்கைத் திட்டங்கள் வெளியிடப்பட வேண்டும். அப்போது எலிசபெத் ராணியார் என்ன பேசுகிறார் என்பதைத் தாம் செவிமடுக்கத் தயாராக இருப்பதாக எதிர்த் தரப்பு தொழிற்கட்சித் தலைவர் ஜெரமி கோர்பின் தெரிவித்தார்.

Pages