You are here

உல‌க‌ம்

‘மேலும் பல ஏவுகணைகளை பாய்ச்ச வடகொரியா திட்டம்’

இம்மாதம் 18ஆம் தேதியன்று சீனாவின் கம்யூனிஸ்ட் கட்சியின் மாநாடு தொடங்கும்போது பல குறுந்தொலைவு ஏவுகணைகளைப் பாய்ச்ச வடகொரியா தயாராகி வருவதாக தென்கொரிய நாளிதழ் ஒன்று தெரிவித்துள்ளது. வடகொரியத் தலைநகர் பியோங்யாங்கிற்குத் தெற்கே உள்ள ஹுவாங்ஜுவிலிருந்து கடலோர நகரமான நாம்போவுக்கு 30 ஏவுகணைகள் கொண்டு செல்லப்பட்டதை தென்கொரிய, அமெரிக்க அதிகாரிகள் கண்டு பிடித்துள்ளதாகத் தெரிவிக்கப் படுகிறது.

சீனா கண்டனம்: தென்சீனக் கடல் பகுதியில் அமெரிக்கக் கப்பல்

பெய்ஜிங்: சீனா உரிமை கொண்டாடும் தென்சீனக் கடல் பகுதிக்குள் அமெரிக்கக் கடற்படைக் கப்பல் வந்ததால் சீனா கடும் கண்டனம் தெரிவித்துள்ளது. அமெரிக்கா சீனாவின் எல்லையை மதித்து செயல்பட வேண்டும் என்று சீன வெளியுறவு அமைச்சு நேற்று குறிப்பிட்டுள்ளது. அடுத்த மாதம், அமெரிக்க அதிபர் டோனல்ட் டிரம்ப் அதிபராக பதவி ஏற்றபின் தனது முதல் ஆசிய பயணத்தை மேற்கொள்ள இருக்கிறார். சீனாவுக்கும் செல்ல இருக்கும் நிலையில் அமெரிக்கக் கடற்படையின் இத்தகைய செயல் பெரும் பரபரப்பை ஏற்படுத்தி உள்ளது. அந்த கடற்பகுதி மற்ற பல ஆசியான் நாடுகளால் உரிமை கோரப்படுகிறது.

மறைந்த மன்னருக்கு பிரியாவிடை அளிக்க தயாராகும் தாய்லாந்து

பேங்காக்: தாய்லாந்தின் மறைந்த மன்னர் பூமிபோல் அதுல் யதேஜின் இறுதிச் சடங்கு இம்மாதம் இறுதியில் நடைபெற இருக்கிறது. சென்ற ஆண்டு அக்டோபர் மாதம் 13ஆம் தேதி காலமான மன்னருக்கு ஐந்து நாட்களுக்குக் கோலாக லமான இறுதிச் சடங்குகளுடன் அவரது உடல் இம்மாதம் 26ஆம் தேதி தகனம் செய்யப்படவிருக்கிறது. 70 ஆண்டு கள் தாய்லாந்தின் மன்னராக இருந்த பூமிபோலின் உடல் தங்கத் தேரில் ஏற்றி செல்லப்பட்டு பேங்காக்கில் 10 மாதங்க ளாக கட்டப்பட்டு வரும் தகனக்கூடத்தில் தகனம் செய்யப்ப டும். ஆயிரக்கணக்கானோர் இவரது இறுதிச் சடங்கில் கலந்துகொள்வார்கள் என்று எதிர்பார்க்கப்படுகிறது.

ஹாங்காங் தலைவரின் முதல் சட்டமன்ற உரை: நலத் திட்டங்கள் அறிமுகம்

ஹாங்காங்: சமூக நலன், கல்வி, வீடமைப்பு போன்ற துறைகளில் அடுத்த ஐந்தாண்டுகளுக்கான பல்வேறு மக்கள் நலத் திட்டங் களை ஹாங்காங்கின் தலைமை நிர்வாகி கெர்ரி லாம் தனது முதல் சட்டமன்ற உரையில் அறிமுகம் செய்துள்ளார். நேற்று நடைபெற்ற சட்டமன்றக் கூட்டத்தில் திருமதி லாம் தலைமை நிர்வாகியாக கடந்த ஜூலை மாதம் 1ஆம் தேதி பதவி ஏற்றபின் முதன்முறையாக உரை யாற்றினார். அவரது 40 நிமிட உரையில், வீடமைப்புப் பற்றிய அங்கமே மக்களிடம் பெரும் வரவேற்பைப் பெற்றது. நடுத்தர வர்க்கத்தைச் சேர்ந்தவர்கள் உலகின் விலை உயர்ந்த சொத்துச்சந்தையுடைய ஹாங்காங்கில் வீடு வாங்குவதற் கான புதிய திட்டத்தை அவர் அறிமுகப்படுத்தினார்.

கொரிய தீபகற்பத்தின் மீது பறந்த அமெரிக்க போர் விமானங்கள்

வா‌ஷிங்டன்: அமெரிக்க ராணுவத் தின் இரண்டு போர் விமானங்கள் கொரிய தீபகற்பத்தின் மீது நேற்று முன்தினம் பறந்தன. ராணுவ பலத்தைக் காட்டும் செயலாக அது கருதப்படுகிறது. அதே வேளையில், வடகொரிய அச்சுறுத்தல்களுக்கு எவ்வாறு பதிலடி கொடுப்பது என்பதைப் பற்றி பேச அமெரிக்க அதிபர் டோனல்ட் டிரம்ப் உயர் ராணுவ அதிகாரிகளைச் சந்தித்துப் பேசியுள்ளார். வடகொரியாவின் தொடர் ஆயுதச் சோதனைகளாலும் இரு நாட்டுத் தலைவர்கள் ஒருவருக் கொருவர் தாக்கி பேசி வருவதாலும் அமெரிக்கவுக்கும் வடகொரியா வுக்கும் இடையில் பிரச்சினைகள் மோசமாகி வந்துள்ளன.

துருக்கியில் ஆர்ப்பாட்டத்தைத் தடுக்கும் போலிசார்

படம் ஏஎஃப்பி

துருக்கியின் அங்காரா நகரில் 2015ஆம் ஆண்டு அக்டோபர் 10ஆம் தேதி முக்கிய ரயில் நிலையத்திற்கு அருகே தற்கொலைப் படையைச் சேர்ந்த பயங்கரவாதிகள் தாக்குதல் நடத்தியதில் பலர் கொல்லப்பட்டனர். அந்த துயர நாளை நினைவுகூரும் வகையில் துருக்கியில் மிகப்பெரிய பேரணிக்கு சிலர் ஏற்பாடு செய்திருந்தனர். அந்தப் பேரணியில் கலந்துகொள்ள பலர் திரளாகச் சென்றபோது அவர்களைக் கலைக்கும் முயற்சியில் போலிசார் ஈடுபட்டுள்ளனர். 2015ஆம் ஆண்டு ஐஎஸ் பயங்கரவாதிகள் அங்காராவில் நடத்திய தற்கொலைத் தாக்குதலில் 103 பேர் கொல்லப்பட்டனர். சுமார் 500 பேர் காயம் அடைந்தனர். படம் ஏஎஃப்பி

கலிஃபோர்னியாவில் பரவும் காட்டுத் தீ; பெரும் சேதம்

படம்: ஏஎஃப்பி

சான்பிரான்சிஸ்கோ: கலிஃபோர் னியா மாநிலத்தின் திராட்சை தோட்டப் பகுதிகள் கொழுந்து விட்டு எரியும் காட்டுத் தீயில் எரிந்து சாம்பலானதாகவும் ஏராளமான சொத்துகள் நாசமான தாகவும் அதிகாரிகள் தெரிவித் துள்ளனர். காட்டுத்தீயில் 100,000 ஏக்கர் நிலம் எரிந்து சாம்பலானதாகக் கூறப்படுகிறது. கட்டுப்படுத்த முடியாத அளவுக்கு மிக வேகமாகப் பரவும் காட்டுத் தீயில் சிக்கி இதுவரை குறைந்தது 11 பேர் உயிரிழந்த தாகவும் 100க்கும் அதிகமானோ ரைக் காணவில்லை என்றும் மாநில உயர் அதிகாரி ஒருவர் தெரிவித்துள்ளார். கலிஃபோர்னியாவின் நஃபா, சோனோமா, யூபா, மென்டோசினோ உள்ளிட்ட பல பகுதிகளில் காட்டுத் தீ வேகமாகப் பரவி வருகிறது.

சொல்ல முடியாத துயரத்தில் மூழ்கியுள்ள ரோஹிங்யா மக்கள்

படம்: ஏஎஃப்பி

மியன்மாரிலிருந்து பங்ளாதேஷ் நாட்டில் தஞ்சம் புகுவதற்காக நேற்று முன்தினம் வாய்க்கியாங் என்ற இடத்தில் நாஃப் ஆற்றைக் கடந்த அவரால் தமது மகனை பிணமாகத்தான் பார்க்க முடிந்தது. இந்நிலையில் 800,000க்கும் மேற்பட்ட ரோஹிங்யா முஸ்லிம்களுக்காக உலகின் ஆகப் பெரிய அகதிகள் முகாமை அமைக்க பங்ளாதேஷ் திட்டமிட்டு வருவதாக ஐநா உயர் அதிகாரி ஒருவர் தெரிவித்துள்ளார். தற்போதுள்ள அகதிகள் முகாமில் நெருக்கடி அதிகரித்துள்ளதால் அதிவேகத்தில் நோய் பரவக்கூடிய அபாயமும் ஏற்பட்டுள்ளது. படம்: ஏஎஃப்பி

‘US$1.4 பி. பண விவகாரம்: இந்தோனீசிய அரசு அதிகாரிகளுக்குத் தொடர்பில்லை’

இங்கிலீஷ் கால்வாயில் இருக்கும் குவான்சே தீவிலிருந்து சிங்கப் பூருக்கு US$1.4 பில்லியன் (S$1.9 பில்லியன்) தொகையைச் சட்ட விரோதமாக மாற்றிய செயலில் தொடர்புடையவர்கள் என்று கூறப்படும் 81 பேரில் இந்தோனீசிய அரசாங்க அதிகாரிகள் யாரும் இல்லை என்று அந்த நாட்டின் நிதி அமைச்சு தெரிவித்துள்ளது. பிரச்சினைக்குள்ளாகி இருக் கும் அந்தத் தொகை, வர்த்தகர் களுக்குச் சொந்தமானது என்று இந்தோனீசியாவின் வரித் துறை தலைமை இயக்குநர் கென் விஜுஜியாஸ்டெடி திங்கட்கிழமை இரவு கூறினார்.

மலேசியாவில் ஒற்றுமை, நல்லிணக்கம் குறித்து மலாய் ஆட்சியாளர்கள் கவலை

கோலாலம்பூர்: இன அடிப் படையிலான சர்ச்சைக்குரிய விவகாரங்கள் தலையெடுத்து வரும் மலேசியாவில் ஒற்றுமையும் நல்லிணக்கமும் சிதைவதாக மலாய் ஆட்சியாளர்கள் கவலை அடைந்துள்ளனர். “கடந்த சில வாரங்களில், தனிப்பட்ட சிலரின் செய்கைகள் ஏற்புடைய ஒழுக்கத் தரங்களை மீறி, நமது பல சமய, பல இன சமுதாயத்தில் நிலவிவரும் நல் லிணக்கத்திற்கு ஆபத்தை ஏற்படுத்தியுள்ளன,” என்று ஆட்சியாளரின் முத்திரை காப்பாளர் சையது டேனியல் சையது அகமது நேற்று வெளி யிட்ட அறிக்கையில் குறிப்பிட்டார்.

Pages