மாணவர் முரசு
இ-பேப்பர்
ஓஸ்லோ: யூரோ 2024 காற்பந்து தகுதிச்சுற்றில் செவ்வாய்க்கிழமை நடைபெற்ற ஆட்டத்தில் ஜார்ஜியா அணியை 2-1 எனும் கோல் கணக்கில் நார்வே வீழ்த்தியது.
நட்சத்திர ஆட்டக்காரரான எர்லிங் ஹாலண்ட் (படம்), நார்வேக்காக விளையாடியுள்ள 26 அனைத்துலக ஆட்டங்களில் 25வது கோலைப் போட்டார்.
ஆட்டத்தின் 25வது நிமிடத்தில் அவர் முதல் கோலைப் போட்டார். எட்டு நிமிடங்கள் கழித்து அணித் தலைவர் மார்டின் ஒடிகார்ட் கோல் எண்ணிக்கையை இரட்டிப்பாக்கினார்.
ஆட்டம் முடிவடையும் தருணத்தில் ஜார்ஜியாவுக்காக புடு ஸிவ்ஸிவாட்ஸே ஒரு கோலைப் போட்டார்.
‘ஏ’ பிரிவில் ஐந்து ஆட்டங்களில் விளையாடியுள்ள நார்வே மூன்றாம் இடத்தில் உள்ளது. முதலிடத்தில் ஸ்காட்லாந்தும் இரண்டாம் இடத்தில் ஸ்பெயினும் உள்ளன.
மற்றொரு தகுதிச்சுற்று ஆட்டத்தில் உக்ரேனை 2-1 எனும் கோல் கணக்கில் வீழ்த்தியது இத்தாலி. இண்டர் மிலானின் மத்தியத்திடல் ஆட்டக்காரரான டாவிட் ஃபிரட்டேசி, ஆட்டத்தின் முதல் 30 நிமிடங்களில் இரு கோல்களை போட்டு இத்தாலியின் வெற்றிக்கு வித்திட்டார். இந்த வெற்றியின் மூலம் ‘சி’ பிரிவில் ஏழு புள்ளிகளுடன் இரண்டாம் இடத்தைப் பிடித்துள்ளது இத்தாலி. உக்ரேன், வட மேஸ்டோனியா அணிகளும் அதே ஏழு புள்ளிகளைப் பெற்றுள்ளன.
