You are here

திரைச்செய்தி

தனு‌ஷின் பேச்சுக்கு மயங்கிய நடிகைகள்

மலையாளத்தில் இரண்டு ஆண்டுகளுக்கு முன்பாக வெளியான படம் ‘பிரேமம்’. இந்தப் படம் மிகப் பெரிய அளவில் வெற்றி பெற்றது. அதற்குக் காரணம் அந்தப் படத்தில் நடித்திருந்த மூன்று நடிகைகள்தான் என்பது அனைவருக்கும் தெரிந்த விஷயம். இந்த மூன்று நடிகைகளையும் தமிழில் நடிக்க வைக்க தமிழ்த் திரையுலகம் முயன்று பார்த்து தோற்றது. ஆனால் அந்த மூன்று நடிகைகளில் இருவரை ஏற்கெனவே தன்னுடைய படங்களில் நடிக்க வைத்துவிட்டார் நடிகர் தனுஷ். மூவரில் ஒருவருக்கு இயக்குநர் மணிரத்னம் படத்தில் நடிக்கும் வாய்ப்பு கிடைத்தும் கதை சரியில்லை என்று கூறி நடிக்க மறுத்து வெளியேறினார்.

கும்பகோணம் குணாவான கிஷோர்

தோழர் அரங்கன் இயக்கத்தில் கும்பகோணம் குணாவாக கிஷோர் நடிக்கும் படம் ‘கதிர்’. இந்தப் படம் உண்மைச் சம்பவத்தை மையமாக வைத்து உருவாகி வருகிறது. கும்பகோணத்தில் பேருந்து ‘ஸ்டாண்ட்’ குணா என்பவரை அனைவருக்கும் தெரியும். அவருடைய வாழ்க்கையைப் படமாக எடுக்கிறார்கள். குணாவாக கிஷோர் நடிக்கிறார். இவரை எதிர்த்து மோதும் சங்கிலி வாத்தியார் என்ற கதாபாத்திரத்தில் எட்டு முறை குங்ஃபுவில் ‘பிளாக் பெல்ட்’ வாங்கிய மாஸ்டர் ராஜநாயகம் நடிக்கிறார். இப்படத்தின் கதை, திரைக்கதை, வசனம் எழுதி இயக்கும் தோழர் அரங்கன், தமிழ்ச் சினிமாவில் முன்னணி இயக்குநர்கள் பலரிடம் இணை இயக்குநராக பணியாற்றியவர்.

ஓவியா தீபாவளி

ஓவியா

விஜய் தொலைக்காட்சி ஒளிபரப்பும் ‘பிக்பாஸ்’ வீட்டிற்குள் தனது தனித்துத் தெரியும் நற்குணங்களால் சக போட்டியாளர்களால் அவமானப்படுத்தப்பட்டாலும் ஓவியாவுக்கு மக்கள் மத்தியில் வரவேற்பு கிடைத்திருக்கிறது. அதனால் சமூக வலைத்தளங்களில் ‘ஓவியா ஆர்மி’ என்ற பெயரில் ஒரு ரசிகர் படையே உருவானது. ‘பிக்பாஸ்’ நிகழ்ச்சியிலிருந்து வெளியே வந்த பிறகு மக்கள் மத்தியில் தனக்கு உள்ள வரவேற்பைப் புரிந்துகொண்டார் ஓவியா. அவர் முன்பு நடித்த படங்களை எல்லாம் இந்த நேரத்தில் வெளியிட்டு லாபம் பார்க்க நினைக்கிறார்கள் தயாரிப்பாளர்கள். ஆகவே ஓவியாவும் மக்கள் ஆதரவைப் பயன்படுத்தி சம்பாதிக்கும் முடிவுக்கு வந்துவிட்டார்.

படப்பிடிப்பிற்கு முன்பே படம் விலை போனது

விஜய் சேதுபதி

விஜய் சேதுபதி அடுத்து நடிக்க இருக்கும் படம் ‘ஜுங்கா’. ‘வனமகன்’ படத்தில் அறிமுகமான சாயிஷா நாயகியாக நடிக்கிறார். இதன் படப்பிடிப்புகள் அடுத்த வாரம் பிரான்சில் தொடங்குகிறது. இதற்காக வருகிற 3ஆம் தேதி படப்பிடிப்புக் குழுவினர் பிரான்ஸ் நாட்டுக்குச் செல்கிறார்கள். இந்தப் படத்தை 20 கோடி ரூபாய் வரவு செலவுத் திட்டத்தில் விஜய் சேதுபதியே தயாரிக்கிறார். படப்பிடிப்பு ஆரம்பிப்பதற்கு முன்பாகவே படத்தை அருண் பாண்டியனின் ‘ஏ அண்ட் பி நிறுவனம்’ முதல் காப்பி அடிப்படையில் தயாரித்து வெளியிடும் உரிமையைப் பெற்றிருக்கிறது. இதற்கான ஒப்பந்தம் நேற்று கையெழுத்தானது.

கருப்பனால் நம்பிக்கை

தன்யா.

ஆயுத பூஜைக்கு வெளி வந்திருக்கும் ‘கருப்பன்’ படத்தில் தனக்கு நல்ல பெயர் கிடைத்திருப்பதாகவும் நல்ல எதிர்காலம் இருப்பதாகவும் கூறுகிறார் மறைந்த நடிகர் ரவிச்சந்திரனின் பேத்தி தன்யா. “இந்தப் படத்தில் நடிக்கும்போது சிறு தவறுகள் கூட இல்லாமல் இயக்குநர் பன்னீர்செல்வமும் நாயகன் விஜய் சேதுபதியும் கற்றுக் கொடுத்தனர். அவர்களின் ஒத்துழைப்பால் இந்தப் படத்தில் நன்றாக நடிக்க முடிந்தது. தமிழ்த் திரையில் தமிழ் நடிகைகள் அதிகமாக இல்லை என்கிற ஆதங்கம் அனைவருக்குமே இருக்கிறது. குறிப்பாக ‘கருப்பன்’ படத்திற்குப் பிறகு தான்யா எந்த மாதிரியான வேடம் கொடுத்தாலும் நடிப்பார் என்கிற நம்பிக்கை இயக்குநர் களுக்கு ஏற்படும்.

விஜய் சேதுபதி: நடிகருக்காக எந்தவொரு படமும் ஓடாது

‘கருப்பன்’ படக்காட்சியில் விஜய் சேதுபதி, தன்யா.

தமது படங்கள் மட்டுமே தரமானவை, அவை மட்டுமே ரசிகர்களால் வரவேற்கப்பட வேண்டும் என்கிற எண்ணம் தமக்கு அறவே இல்லை என விஜய் சேதுபதி கூறியுள்ளார். அனைத்து படங்களும் ரசிகர்களால் கொண்டாடப்பட வேண்டும் என்பதே தமது விருப்பம் என அவர் தெரிவித் துள்ளார். “என்னிடம் வரும் கதை சுவாரசி யமாக சொல்லப்பட்டு இருக்கிறதா? என்றுதான் பார்க்கிறேன். நடிகருக்காக மட்டுமே எந்தவொரு படமும் ஓடாது என்பதை முழுமையாக நம்புகிறேன். “முதல் நாள், முதல் காட்சியில் திரையில் வரும் முதல் 10 நிமிட காட் சிகள் மட்டுமே நடிகருக்காக இருக்கும். அதற்குப் பிறகு கதை என்ன சொல் கிறது என்றுதான் ரசிகர்கள் பார்ப் பார்கள்.

தங்கைக்கு எதிர்ப்பு தெரிவிக்கும் அஞ்சலி

நடிகை அஞ்சலியின் தங்கையும் திரை யுலகில் அறிமுகமாக உள்ளார். நல்ல பாத்திரங்களிலும் தேவைப்பட்டால் கவர்ச்சி யாகவும் நடிக்கத் தயார் என அவர் தெரிவித்துள்ளார். சில ஆண்டுகளுக்கு முன்பு நடிகை அஞ்சலி, அவரது சித்தி பாரதி தேவி இடையே வெளிப்படையாக மோதல் மூண் டது. இதையடுத்து சித்தியின் உறவை முறித்துக்கொண்டார் அஞ்சலி. தற்போது வரை தனியாகவே இருந்து வருகிறார். இந்நிலையில், அஞ்சலியின் சித்தி பாரதி தேவியின் மகள் ஆராத்யா தெலுங்கில் நாயகியாக அறிமுகமாகிறார். இதையடுத்து ஹைதராபாத்தில் செய்தியாளர்களைச் சந்தித்த அவர், அஞ்சலி எனது பாசத்துக்குரிய சகோதரி எனக் குறிப்பிட்டார்.

‘ஸ்கெட்ச்’ படத்திற்காக 1,500 நடனமணிகளுடன் நடனமாடிய விக்ரம்

விஜய் சந்தர் இயக்கத்தில் விக்ரம், தமன்னா நடிப்பில் உருவாகி இருக்கும் படம் ‘ஸ்கெட்ச்’. இந்தப் படத்திற்காக சென்னையில் மிக பிரம்மாண்டமான அரங்குகள் அமைக்கப்பட்டு ‘அச்சி புச்சி ஸ்கெட்சு’ என்ற பாடல் காட்சி படமாக்கப்பட்டது. இதில் விக்ரமுடன் 150 நடன அழகிகளும் 1,500க்கும் மேற்பட்ட துணை நடிகர்களும் பங்கேற்றனர். பிரபல நடன இயக்குநர் தஸ்தாகீர் நடன அமைப்பில் இப்பாடல் படமாக்கப்பட்டது. வட சென்னையைப் பின்னணியாகக் கொண்டு உருவாகும் இந்தப் படத்தின் பாடல் வெளியீட்டு விழா விரைவில் நடைபெற இருக்கிறது.

இரு பேய்ப் படங்களில் நடிக்கும் ஓவியா

ஓவியா

‘பிக் பாஸ்’ தேவதையாக வலம்வந்த ஓவியா, அடுத்தடுத்து இரண்டு பேய்ப் படங்களில் நடிக்க ஒப்பந்தமாகி உள்ளார். இயக்குநர் டி.கே கைவண்ணத்தில் கடந்த 2014ஆம் ஆண்டு வெளியான படம் ‘யாமிருக்க பயமே’. இதன் இரண்டாம் பாகத்தை ‘காட்டேரி’ என்ற பெயரில் அவர் படமாக்க உள்ளார். இதில் ஓவியா கதாநாயகியாக நடிக்க, கிருஷ்ணா, ரூபா, கருணாகரன் ஆகியோர் முக்கிய கதாபாத்திரங்களை ஏற்றுள்ளனர். இது நகைச்சுவை கலந்த திரைப்படமாக உருவாக உள்ளது. ஏற்கெனவே சந்தோஷ் ஜெயக்குமார் இயக்கத்தில் கவுதம் கார்த்திக், ஓவியா இணைந்து `இருட்டு அறையில் முரட்டு குத்து’ என்ற பேய் கதையில் நடிக்க இருப்பதாக அறிவிக்கப்பட்டுள்ளது.

‘நீங்க ஷட்டப் பண்ணுங்க’ பாடல்

சினிஷ் இயக்கத்தில் உருவாகியுள்ள ‘பலூன்’ படத்திற்கு யுவன்சங்கர் ராஜா இசையமைத்துள்ளார். இதில் ‘நீங்க ஷட்டப் பண்ணுங்க’ என்ற பாடல் இடம்பெற்றுள்ளது. யுவன் இசையில், சக இசையமைப்பாளரான அனிருத் பாடியுள்ள இந்தப் பாடலுக்கு பலத்த வரவேற்பு கிடைத்துள்ளது. அருண் ராஜா காமராஜ் பாடலை இயற்றியுள்ளார். ‘பிக்பாஸ்’ நிகழ்ச்சியில் சக போட்டியாளரை நோக்கி ‘நீங்க ஷட்டப் பண்ணுங்க’ என ஓவியா கூறி இருந்தார் என்பது குறிப்பிடத்தக்கது. இந்தப் பாடல் படத்துக்கு நல்ல விளம்பரமாக அமைந்துவிட்டதாம். அதே சமயம் இப்பாடல் ரசிகர்களின் எதிர்பார்ப்புக்கு ஏற்ப அமையவில்லை என்றும் சிலர் சமூக வலைத்தளங் களில் பதிவிட்டு வருகின்றனர்.

Pages