You are here

இந்தியா

பெண்களிடம் குறும்பு; டெல்லியில் ஓம் சுவாமி திடீர் கைது

ஓம் சுவாமி கைது. கோப்புப் படம்

புதுடெல்லியில் தம்மைத் தாமே கடவுளாக அறிவித்துக் கொண்ட பிரச்சினைக்குரிய சாமியார்களில் ஒருவரான ‘ஓம் சுவாமி’ நேற்று கைது செய்யப்பட்டார். டெல்லியில் உள்ள பஜன்புரா பகுதியில் அவர் கைது செய்யப் பட்டதாக காவல்துறை தெரிவித் தது. ஆனால் ‘ஓம் சுவாமி’ கைது செய்யப்பட்டதற்கான காரணம் தெரிவிக்கப்படவில்லை. கடந்த ஜனவரியில் பிரபல ‘பிக் பாஸ்’ தொலைக்காட்சி நிகழ்ச்சியில் பங்கேற்றுப் பெண் ணிடம் தகாத முறையில் நடந்து கொண்டதற்காக ஓம் சுவாமி அந்நிகழ்ச்சியிலிருந்து வெளி யேற்றப்பட்டார்.

மின்சாரம் பாய்ந்து இந்திய மல்யுத்த வீரர் உயிரிழப்பு

மின்சாரம் பாய்ந்து இந்திய மல்யுத்த வீரர் உயிரிழப்பு லிவர்பூல் பிடிவாதம் பார்சிலோனா: பிரபல பிரேசில் காற்பந்து வீரர் நெய்மார் பிஎஸ்ஜி குழுவுக்குச் சென்று விட்ட நிலையில் அவருக்கு மாற்றாக இன்னொரு பிரேசில் வீரர் கொட்டீனியோவை ஒப்பந்தம் செய்ய பார்சிலோனா குழு முயன்று வருகிறது. ஆனால், அவரை விற்கும் எண்ணம் தங்களுக்கு இல்லை என்று லிவர்பூல் குழு தொடர்ந்து மறுத்து வருகிறது. கொட்டீனியோவுக்காக 80 மில்லியன் யூரோவைத் தரத் தயாராக இருந்த பார்சிலோனா, இப்போது அந்தத் தொகையை 100 மி. யூரோவாக உயர்த்தி இருக்கிறது. ஆனாலும், லிவர்பூல் மசியவில்லை என்று பிரிட்டிஷ் ஊடகத் தகவல்கள் தெரிவிக்கின்றன.

‘தமிழருக்கு சிகிச்சையளிக்க மறுத்தது கேரளாவிற்கே அவமானம்’

திருவனந்தபுரம்: கேரளாவில் தமி ழக வாலிபருக்கு சிகிச்சையளிக்க மறுத்த விவகாரம் தொடர்பாக பலியான வாலிபர் முருகனின் குடும்பத்தினரிடம் நான் மன்னிப்பு கேட்டுக்கொள்கிறேன் என்று அம்மாநில முதல்வர் பினராயி விஜயன் தெரிவித்துள்ளார். இதுதொடர்பாக நேற்று அம்மாநில முதல்வர் பினராயி விஜயன் சட்டமன்றத்தில் விளக்கம் அளித்து பேசினார். “உரிய நேரத்தில் சிகிச்சை அளிக்காததால் முருகன் என்ற தொழிலாளி மரணம் அடைந்தார் என்ற தகவல் மிகவும் வேதனை அளிப்பதாக உள்ளது.

கோடீஸ்வரர் ஏழையானார்; மகனால் வீதிக்கு வந்தார்

மும்பை: மிகப்பெரும் கோடீஸ்வர ராக வாழ்ந்த ரேமண்ட்ஸ் நிறு வனத்தின் உரிமையாளரை அவ ரது மகன் வீட்டை விட்டு துரத்தி அடித்ததால் பண வசதியின்றி அவர் வறுமையில் வாடுவதாக தகவல்கள் தெரிவிக்கின்றன. இந்தியாவின் மிகப்பெரும் கோடீஸ்வரர்களில் ஒருவராக விளங்கியவர் ரேமண்ட்ஸ் நிறு வனத்தின் உரிமையாளர் விஜய் சிங்கானியா. முதுமை, ஓய்வை கருத்தில் கொண்டு தனது வணிகப் பொறுப்புகளை மகன் கவுதமிடம் கொடுத்திருந்தார். இந்நிலையில் விஜய் சிங் கானியா மும்பை உயர் நீதி மன்றத்தில் மனுத்தாக்கல் செய் துள்ளார்.

குழந்தைகள் முகத்தில் முத்திரை குத்திய சிறை அதிகாரிகளுக்கு கண்டனம்

முகத்தில் முத்திரையுடன் குழந்தைகள். படம்: இணையம்

போபால்: மத்திய பிரதேசத்தில் ரக்ஷா பந்தன் திருவிழாவை முன்னிட்டு, சிறையில் இருக்கும் தந்தையைப் பார்க்க வந்த குழந்தைகள் முகத்தில் சிறை அதிகாரிகள் முத்திரை குத்திய சம்பவம் சர்ச்சையைக் கிளப்பியுள்ளது. அந்தப் படங்கள் பத்திரிகைகளில் வெளியானதைத் தொடர்ந்து பலரும் கண்டனம் தெரிவித்து வருகின்றனர். சிறைத்துறை அதிகாரிகளுக்கு மாநில மனித உரிமை ஆணையம் நோட்டீஸ் அனுப்பியுள்ளது. சிறைக்கு அதிகளவு பார்வையாளர்கள் வந்ததால் தவறுதலாக குழந்தைகள் முகத்தில் முத்திரை குத்தப்பட்டது என சம்பவம் தொடர்பாக சிறைத்துறை அதிகாரி கூறியுள்ளார்.

கதிராமங்கலம்: பேராசிரியர் ஜெயராமனுக்குப் பிணை

பேராசிரியர் ஜெயராமன்

மதுரை: கதிராமங்கலம் போராட் டத்தில் கைதான பேராசிரியர் ஜெயராமனுக்கு (படம்) நிபந்தனை யுடன் கூடிய பிணை வழங்கி உள்ளது மதுரை உயர் நீதிமன்றம். தஞ்சாவூர் மாவட்டம் கதிரா மங்கலத்தில் விவசாய நிலங்களை அழித்து ஓஎன்ஜிசி நிறுவனத் தின் மீத்தேன் எடுக்கும் திட்டத் துக்கு எதிராகவும் காவல்துறை அடக்குமுறையைக் கண்டித்தும் போராட்டங்களை நடத்தி வந்த பேராசிரியர் ஜெயராமன் உட்பட 10 பேரைக் கைது செய்து சிறை யில் அடைத்தது தமிழக அரசு. அவர்கள் மீது குண்டர் சட்டத்தின்கீழ் வழக்கு பதிவு செய்யப்பட்டது.

கொசு ஒழிப்பு பணிக்கு லஞ்சம்: பிடிபட்டார் மாநகராட்சி ஆணையர்

குமார். படம்: ஊடகம்

வேலூர்: டெங்கி கொசு ஒழிப்புப் பணியை மேற்கொண்ட ஒப்பந்த தாரரிடம் ரூ.20 ஆயிரம் லஞ்சம் பெற்ற மாநகராட்சி ஆணையர் வேலூர் காவல்துறையினரால் கைது செய்யப்பட்டார். லஞ்சப் பணத்தைப் பெற்றபோது அவர் கையும் களவுமாகச் சிக்கினார். வேலூர் மாநகராட்சி ஆணை யராக இருக்கும் குமார் மீது ஏற்கெனவே பல்வேறு லஞ்சப் புகார்கள் நிலுவையில் உள்ளன. தற்போது அவர் வசமாக சிக்கியுள்ள நிலையில், பழைய புகார்கள் குறித்து அவரிடம் போலிசார் கிடுக்கிப்பிடி விசாரணை நடத்தி வருவதாகக் கூறப்படுகிறது. தமிழகம் முழுவதும் தற்போது டெங்கி கொசு ஒழிப்புப் பணி தீவிரமாக நடைபெற்று வருகிறது.

கள்ளநோட்டு: குஜராத் முதலிடம்

புதுடெல்லி: இந்தியாவில் பண மதிப்பிழப்பு நடவடிக்கைக்குப் பிறகு நாட்டின் பல்வேறு அனைத்துலக எல்லைப் பகுதிகளில் இருந்து கைப்பற்றப்பட்ட கள்ள ரூபாய் நோட்டுகளில் ஆக அதிகமாக ரூ.1.37 கோடி ($292,416) அளவுக்கு குஜராத்தில் கைப்பற்றப்பட்டதாக நாடாளுமன்றத்தில் நேற்று தெரிவிக்கப்பட்டது. சென்ற ஆண்டு நவம்பர் மாதம் முதல் இவ்வாண்டு ஜூலை மாதம் வரையிலான காலகட்டத்தில் தேசிய குற்றப் பதிவுப் பிரிவால் சேகரிக்கப்பட்ட தகவல் இது என உள்துறை துணை அமைச்சர் ஹன்சர்ஜ் ஜி அஹிர் எழுத்து மூலம் அளித்த பதில் ஒன்றில் குறிப்பிட்டுள்ளார்.

ரக்‌‌‌ஷாபந்தன் பரிசாக சகோதரனுக்கு சிறுநீரகம் வழங்கிய பெண்

ஆக்ரா: உத்தரப்பிரேதச மாநிலம் ஆக்ரா மாவட்டத்தில் ரக்ஷாபந்தன் பரிசாக தனது தம்பிக்குச் சிறுநீரகத்தைத் தானமாக வழங்கி சகோதரி ஒருவர் தனது பாசத்தை வெளிப்படுத்தியுள்ளார். ரக்ஷா பந்தன் தினத்தன்று உடன்பிறந்த, உடன்பிறவா சகோதர, சகோதரிகள் பணத்தையோ அல்லது பரிசையோ தங்களது வசதிக்கேற்ப கொடுத்து மகிழ்வர். ஆனால் உத்தரப்பிரதேச மாநிலத்தில் சிறுநீரகக் கோளாறால் அவதிப்பட்டு வந்த சகோதரருக்குத் தனது சிறுநீரத்தையே தானமாக கொடுத்துள்ளார் ஒரு சகோதரி. ஆக்ரா மாவட்டத்தைச் சேர்ந்தவர் விவேக் சாராபாய், 38. இவருடைய இரண்டு சிறுநீரகங்களும் செயலிழந்துவிட்டதால் சிறுநீரக மாற்று அறுவை சிகிச்சை செய்ய வேண்டியிருந்தது.

4,000 ஆண்டுகள் பழமையான ஆபரணங்கள் கண்டுபிடிப்பு

ஹைதராபாத்: நர்மெட்டா பகுதி யில் நான்காயிரம் ஆண்டுகள் பழமையான எலும்பு ஆபரணங் களை தொல்பொருள் ஆராய்ச்சி யாளர்கள் கண்டுபிடித்துள்ளனர். இது குறித்து தொல்லியல் துறை இயக்குநர் என்.ஆர்.விசாலாட்சி, “கடந்த 100 ஆண்டுகளில் இது போன்ற சரியாக, சமமாக வெட்டி செய்யப்பட்ட ஆபரணங்களைக் கண்டுபிடித்ததில்லை. மனித உணர்வுகளை வெளிப்படுத்தும் வகையில் உருவங்கள் பதிக்கப் பட்ட கற்கள் கண்டுபிடிக்கப் பட்டுள்ளன,” என்று கூறி உள்ளார்.

Pages