You are here

இந்தியா

‘பனாரஸ் பல்கலையில் கட்டுப்பாடுகள் இராது’

வாரணாசி: உத்தரப் பிரதேசத்தில் செயல்படும் பனாரஸ் இந்து பல்கலைக் கழகத்தில் புதிய ஒழுங்கு முறை தலைமை அதிகாரியாக ரோயோனா சிங் என்ற பெண் நியமிக்கப்பட்டு இருக்கிறார். இந்தப் பல்கலைக்கழகத் தின் 101 ஆண்டு வரலாற்றில் இந்தப் பதவிக்கு முதன் முதலாக இப்போது ஒரு பெண் பொறுப்பேற்று இருக்கிறார். பனாரஸ் பல்கலைக்கழக வளாகத்தில் படிக்கும் மாணவி களுக்கு உடை கட்டுப்பாடு இருக்காது. மதுபான கட்டுப்பாடும் இருக்காது. அசைவ சாப்பாட்டையும் உணவுவிடுதியில் அவர்கள் பெறலாம் என்று அந்தப் பெண்மணி அறிவித்தார். “இந்தப் பல்கலைக்கழகம் பெண்களுக்குக் கடந்த காலத்தில் எந்த கட்டுப் பாட்டையும் விதிக்கவில்லை.

தேசிய அடையாள அட்டை: மாணவனுக்கு அடி, ஆசிரியர் கைது

மும்பை: மும்பையின் காட்கோப் பகுதியில் செயல்படும் ஆக்ஸ் போர்டு இங்கிலிஷ் உயர்நிலைப் பள்ளியில் படிக்கும் சுகைல் அன்சாரி என்ற பையனிடம் ஆதார் அட்டை இல்லை என்பதற்காக அந்தப் பையனின் ஆசிரியர் பையனைக் கொடூரமாகத் தாக்கி விட்டார். இதனையடுத்து போலிசிடம் புகார் தெரிவிக்கப்பட்டது. பள் ளிக்கூடத்தின் பிரத்தியேக படச் சாதனம் மூலம் ஷயாம் விஷ்வ கர்மா என்ற அந்த ஆசிரியர் கைதானார் என்று போலிஸ் தெரிவித்துள்ளது. மேல்விசாரணை நடக்கிறது. இந்த விவகாரத்தை தாங்கள் கடைசி வரை விடப்போவதில்லை என்று பையனின் பெற்றோர்கள் திட்டவட்டமாகத் தெரிவித்து உள்ளனர். என்றாலும் குற்றச் சாட்டுகளை ஆசிரியர் அறவே மறுக்கிறார்.

ஜிஎஸ்டியால் சிறிய, நடுத்தர வர்த்தகர்கள் பாதிப்பு

இந்தியாவில் அமல்படுத்தபட்டு இருக்கும் சரக்கு மற்றும் சேவை வரி (ஜிஎஸ்டி) காரணமாக இந்த காய்கறி வியாபாரிகள் போன்ற சிறிய, நடுத்தர நிறுவனங்கள் பெரிய அளவில் பாதிக்கப்பட்டுவிட்டதாகவும் இவர்களுக்கு உடனடியாக அரசாங்கம் உதவ வேண்டும் என்றும் ஆர்எஸ்எஸ் இயக்கம் பரபரப்பாக வேண்டுகோள் விடுத்திருக்கிறது. அக்டோபர் முதல் வாரத்தில் ஜிஎஸ்டி மன்றம் கூடும்போது சிறிய, நடுத்தர நிறுவனங்களுக்கு நிவாரண நடவடிக்கைகள் அறிவிக்கப்படும் என்று தான் எதிர்பார்ப்பதாகவும் ஆர்எஸ்எஸ் தெரிவித்துள்ளது. படம்: இந்திய ஊடகம்

தேமுதிக புதிய கட்டுப்பாடுகள்

சென்னை: தேமுதிகவின் செயற் குழு மற்றும் பொதுக்குழு கூட்டம் சிவகங்கை மாவட்டம் காரைக்குடி யில் இன்று நடைபெற உள்ளது. பொதுக்குழுவில் கட்சிப்பணிகள் குறித்து தேமுதிக தலைவர் விஜயகாந்த் பேச உள்ளார். இதுகுறித்து தேமுதிக விடுத் துள்ள அறிக்கையில், “மாவட்டச் செயலாளர்களிடம் அடையாள அட்டை பெற்று நிர்வாகிகள் பொதுக்குழுவில் பங்கேற்கவேண் டும். அடையாள அட்டை இல்லா மல் அனுமதிக்கப்பட மாட்டார்கள். “கைபேசி, கேமரா போன்ற சாத னங்களை பொதுக்குழுவில் கொண்டுவர அனுமதி இல்லை. கூட்டத்தில் கலந்துகொள்ளும் நிர்வாகிகள் யாரும் விஜயகாந் துக்கு சால்வையோ மாலையோ அளிக்க வேண்டாம்,” என்று கூறப்பட்டுள்ளது.

அசுத்த நீரை குடிக்குமாறு ரயில் நிலைய அதிகாரியை வற்புறுத்திய பாஜகவினர்

படம்: தமிழக ஊடகம்

திருச்சி: தூய்மை இல்லாத தண்ணீரைக் குடிக்கச் சொல்லி திருச்சி ரயில் நிலைய ஸ்டேஷன் மாஸ்டரை ஹெச்.ராஜா தலைமையிலான குழு கட்டாயப்படுத்தி யுள்ளது. இந்தச் சம்பவம் பெரும் பரபரப்பை ஏற்படுத்தியுள்ளது. ரயில் பயணிகள் வசதி மேம் பாட்டுக் குழுத் தலைவரான ஹெச்.ராஜா தலைமையில் குழு உறுப்பினர் ஆசிர்வாதம் ஆச்சாரி மற்றும் ரயில் பயணிகளின் வசதிகள் மேம்பாட்டு வாரியத்தின் 13 உறுப்பினர்களைக் கொண்ட குழு திருச்சி ரயில் நிலைய உட் கட்டமைப்பு வசதிகளை ஆய்வு செய்தது. 6ஆவது நடைமேடை யில் பயணிகளுக்கான குடிநீர்க் குழாயில் வந்த நீரை அவர்கள் ஆய்வு செய்தனர்.

பள்ளிகளுக்கு அருகிலுள்ள மதுக்கடைகளை மூடல்

புதுடெல்லி: டெல்லியில் பள்ளி களுக்கு அருகிலுள்ள மதுக் கடைகளை மூடுவது என முதல்வர் அரவிந்த் கெஜ்ரிவால் தலைமையிலான ஆம் ஆத்மி அரசு முடிவு செய்துள்ளது. டெல்லியின் குருகிராமில் உள்ள ரயான் அனைத்துலகப் பள்ளியில் 7 வயது சிறுவன் கடந்த செப்டம்பர் 8ஆம் தேதி கொலை செய்யப்பட்டான். இதில் கைது செய்யப்பட்ட பள்ளியின் உதவியாளர் அருகிலுள்ள மதுக்கடையில் மது அருந்தி இருந்ததாகப் புகார் எழுந்தது. இதையடுத்துப் பள்ளி களுக்கு அருகிலுள்ள மதுக் கடைகளை மூட கெஜ்ரிவால் அரசு முடிவு செய்துள்ளது. இதற்காகப் பள்ளி நிர்வாகங்கள் தங்களுக்கு அருகில் உள்ள மதுக்கடைகள் பற்றிய தகவல் அளிக்குமாறு உத்தரவிடப்பட்டுள்ளது.

தெருவில் குப்பை கொட்டுபவருக்கு 50 ஆயிரம் ரூபாய் அபராதம்

லக்னோ: உத்தரப் பிரதேச தலைநகர் லக்னோவில் தெருக்கள் மற்றும் சாலைகளைத் தூய்மையாகப் பராமரிக் கவும் குப்பை கொட்டுவதைத் தடுக்கவும் மாநகராட்சி நிர்வாகம் பல்வேறு நடவடிக்கைகளை எடுத்து வருகிறது. இதுகுறித்து மாநகராட்சி நிர்வாக அதிகாரி உதயராஜ்சிங், “சாலைகளில் குப்பைகளைத் தேக்கி வைப்பவர்களுக்கு அதிகபட்சமாக ரூ.50 ஆயிரம் வரை அபராதமாக விதிக்கப்படும். கழிவுகளை பொது இடங்கள், நதி, கால்வாய் மற்றும் குளங்களில் கொட்டுவோருக்கு ரூ.10 ஆயிரம் அபராதம் விதிக்கப்படும்.

சல்வார் கமீஸ் அணிந்த மாணவிகளுக்கு அபராதம்

திருவனந்தபுரம்: கேரளாவில் உள்ள ஒரு மருத்துவ கல்லூரியில் உடை கட்டுப்பாடு விதிகளை மீறி சல்வார் கமீஸ் அணிந்த 19 மாணவியருக்குத் தலா 5,000 ரூபாய் அபராதம் விதிக்கப்பட்டது. கேரள மாநிலம் பத்தினம்திட்டா மாவட்டம் அடூர் அருகே சாய லோடே என்ற இடத்தில் மவுன்ட் ஜியான் மருத்துவக் கல்லூரி உள்ளது. இந்தக் கல்லூரியில் நான்காம் ஆண்டு மாணவியர் 19 பேர் செப்டம்பர் 19ஆம் தேதி கல்லூரி வளாகத்திற்கு வெளியே நடந்த ஒரு நிகழ்ச்சியில் பங்கேற்றனர். அனைவரும் உடை கட்டுப் பாடான சேலை அணியாமல் சல்வார் கமீஸ் அணிந்து சென்று இருந்தனர். இதனால் 19 பேருக்கும் தலா 5,000 ரூபாய் அபராதம் விதிக்கப் பட்டு எச்சரிக்கை கடிதம் அனுப்பப் பட்டது.

காஷ்மீர் சண்டையில் அதிரடி படை வீரர்கள் இருவர் மரணம்

ஸ்ரீநகர்: இந்தியாவின் ஜம்மு காஷ்மீர் மாநிலத்தில் நடைபெற்ற துப்பாக்கிச் சூட்டில் விமானப் படையைச் சேர்ந்த இரண்டு அதிரடி படை வீரர்கள் மரண மடைந்தனர். இதே மோதலில் இரண்டு தீவிரவாதிகளும் சுட்டுக் கொல்லப் பட்டனர். இது குறித்து விளக்கம் அளித்த பாதுகாப்பு அமைச்சின் பொதுத் தொடர்பு அதிகாரி கர்னல் ராஜேஷ் கலியா, “விமானப் படையின் முக்கியப் பிரிவான ‘கருட் கமாண்டோ’ பிரிவைச் சேர்ந்த இரண்டு அதிரடி வீரர்கள் இந்தத் தாக்குதலில் இறந்தனர்,” என்றார். நேற்று அதிகாலை பந்திபோரா மாவட்டத்தில் துப்பாக்கிச் சூடு நடைபெற்றதாகவும் அவர் சொன் னார். “ஹஜின் வட்டாரத்தில் தீவிர வாதிகள் பதுங்கியிருப்பதாகத் தகவல் கிடைத்தது.

இந்திய பொருளியல் வளர்ச்சி மந்தம்

வா‌ஷிங்டன்: இந்தியப் பொருளியலின் உத்வேகம் இரு நடவடிக்கைகளால் பாதிக்கப்பட்டது என்று அண்மையில் வெளியிட்ட அறிக்கையில் உலக வங்கி தெரிவித்துள்ளது. பண மதிப்பு இழப்பு, பொருள் சேவை வரியால் ஏற்பட்ட நிச்சயமற்ற சூழ்நிலை ஆகிய இரு நடவடிக்கைகள் இந்திய பொருளியலை மந்தமடையச் செய்துள்ளது என்று அறிக்கை குறிப்பிட்டது.

Pages