You are here

இந்தியா

சுதந்திர தினம்: அணிவகுப்பு மரியாதையை ஏற்றுக் கொண்ட முதல்வர்

முதல்வர் பழனிசாமி

நாட்டின் 71ஆவது சுதந்திர தினத்தையொட்டி சென்னை கோட்டையில் முதல்வர் பழனிசாமி தேசியக் கொடியை ஏற்றி வைத்தார். பின்னர் அப்துல் கலாம், கல்பனா சாவ்லா பெயரில் வழங்கப்படும் விருதுகளை அவர் வழங்கினார். முன்னதாக முப்படைகள் சார்பில் அளிக்கப்பட்ட அணிவகுப்பு மரியாதையை முதல்வர் ஏற்றுக் கொண்டார். இந்த விழாவில் தமிழக அமைச்சர்கள், எம்எல்ஏக்கள், காவல்துறை உயரதிகாரிகள், உயர் நீதிமன்றத் தலைமை நீதிபதி, ஐஏஎஸ், ஐபிஎஸ் அதிகாரிகள் என ஏராளமானோர் கலந்து கொண்டனர். படம்: சதீஷ்

தமிழகத்தில் 5,000 பேருக்கு டெங்கி: அமைச்சர் சி.விஜயபாஸ்கர்

மக்கள் நல்வாழ்வுத்துறை அமைச்சர் சி.விஜயபாஸ்கர்,

புதுக்கோட்டை: தமிழகத்தில் டெங்கி காய்ச்சல் வேகமாகப் பரவி வருவதாக எதிர்க்கட்சிகள் தொடர்ந்து குற்றம்சாட்டி வந்த நிலையில், தமிழக அரசு அதை அறவே மறுத்து வந்தது. இந்நிலையில் மாநிலம் முழுவதும் ஐந்தா யிரம் பேருக்கு டெங்கி காய்ச்சல் பாதிப்பு இருப்பதாக அரசே அறிவித்துள்ளது.

ஆட்சியைக் கவிழ்ப்பது ஜெயாவுக்குச் செய்யும் துரோகம், : ஜெயகுமார்

சென்னை: அதிமுகவின் இரு அணிகள் இணைவது தொடர்பில் விரைவில் நல்ல முடிவு எட்டப்படும் என அமைச்சர் ஜெயகுமார் தெரிவித்துள்ளார். சென்னையில் செய்தியாளர்க ளிடம் பேசிய அவர், டிடிவி தினகரன் நிதானமில்லாமல் பேசி வருவதாகக் குற்றம்சாட்டினார். அதிமுக அணிகள் இணைப்பு தொடர்பாக, பல கட்டங்களில் பேச்சு நடத்தப்பட்டதாகக் குறிப் பிட்ட அவர், அம்முயற்சி தற்போது செயல் வடிவம் பெற்றுள்ளதாகக் கூறினார். இதையடுத்து இணைப்பு முயற்சி இறுதி வடிவம் பெற உள்ளதாகவும் ஜெயகுமார் தெரி வித்தார். “டெல்லியில் முன்னாள் முதல் வர் பன்னீர்செல்வம், பிரதமரை சந்தித்த பின் சாதகமான பதிலை தெரிவித்துள்ளார்.

அனைத்துத் துறையிலும் முன்னேறும் தமிழகம்: முதல்வர் பெருமிதம்

சென்னை: விடுதலைப் போராட்ட தியாகிகளுக்காகப் பல்வேறு திட்டங்களைத் தமிழக அரசு செயல்படுத்தி வருவதாக முதல்வர் பழனிசாமி தெரிவித்துள்ளார். சுதந்திர தினத்தையொட்டி நேற்று சென்னை, கோட்டை கொத்தளத்தில் தேசியக் கொடியை ஏற்றிவைத்துப் பேசிய அவர், இந்தியாவில் முன்னோடி மாநிலமாகத் தமிழகம் திகழ்வதாகக் குறிப்பிட்டார். “அனைத்துத் துறைகளிலும் தமிழக அரசு வேகமாக முன்னேறி வருகிறது. முதல்வரின் மருத்துவக் காப்பீட்டுத் திட்டத்தின் மூலம் 20 லட்சத்துக்கும் மேற்பட்டோர் பயனடைந்துள்ளனர்.

காவிரி ஆற்றில் குளித்தபோது புதை மணலில் சிக்கி 2 மாணவர்கள் பலி

கரூர்: நண்பர்களுடன் குளிக்கச் சென்ற பொறியியல் கல்லூரி மாணவர்கள் மூவர் காவிரி ஆற்றில் மூழ்கி பரிதாபமாக உயிரி ழந்தனர். கரூரைச் சேர்ந்த 20 வயதான ராம்குமார், 21 வயதான முரளிதரன் இருவரும் பொறியியல் படித்து வந்தனர். நேற்று முன்தினம் நண்பர்கள் சிலருடன் இருவரும் நெரூர் அக்ரகாரம் பகுதி காவிரி ஆற்றில் குளிக்கச் சென்றனர். முரளிதரன், ராம் குமார் இருவரும் ஆற்றில் குளித்தபோது புதை மணலில் சிக்கினர். இதனைக் கண்ட அவரது நண்பர்கள் உதவி கேட்டு குரல் எழுப்பினர். அப்பகுதி இளையர்கள் சிலர் ஓடி வந்து புதை மணலில் சிக்கிய 2 பேரையும் மீட்கப் போராடினர். எனினும் இருவரையும் சடலமாகவே மீட்க முடிந்தது.

மூக்கணாங்கயிறு போட்டு அடக்குவோம்: தினகரன்

அதிமுக துணைப் பொதுச்செயலாளர் டிடிவி தினகரன்

மதுரை: அதிமுகவில் சிலர் தற்போது தறிகெட்ட நிலையில் உள்ளனர் என்றும் அவ்வாறு அடங்காமல் செல்லும் காளைகளை மூக்கணாங்கயிறு போட்டு அடக் கப் போவதாகவும் அதிமுக துணைப் பொதுச்செயலாளர் டிடிவி தினகரன் தெரிவித்துள்ளார். யாருடைய மிரட்டலுக்கும் பயப்படப் போவதில்லை என மேலூ ரில் செய்தியாளர்களிடம் பேசுகை யில் அவர் குறிப்பிட்டார். நடப்பு அதிமுக ஆட்சி ஜெயலலிதா வகுத்த பாதையில் செல்லும்வரை ஆபத்தில்லை என்று தெரிவித்த அவர், பாதையை விட்டு மாறிச் சென்றால் அது ஆட்சிக்கு ஆபத்தாகத்தான் முடி யும் என எச்சரிக்கை விடுத்தார். “அதிமுகவை ஒன்றுபடுத்தி, இரட்டை இலை சின்னத்தை கண் டிப்பாக பெறுவோம்.

கஞ்சிக் கலயம் சுமந்த பெண்கள்: மழைக்காக பிரார்த்தனை

படம்: தமிழக ஊடகம்

நெல்லை: தமிழத்தில் கடந்த ஆண்டு பருவ மழை பொய்த்ததால் வறட்சி அதிகரித்தது. இந்நிலை யில் நெல்லை மாவட்டத்தில் மழை பெய்ய வேண்டி பெண்கள் கஞ்சிக் கலயம் சுமந்து பிரார்த்தனை மேற் கொண்டனர். நெல்லையில் இந்த ஆண்டும் பரவலாக மழை பெய்யவில்லை. இதனால் நிலத்தடி நீர்மட்டம் வெகுவாகக் குறைந்துள்ளது. ஆழ்துளைக் கிணறுகள் வறண்டு கிடப்பதால் அம்மாவட்டத்தில் குடிநீர் பஞ்சம் நிலவுகிறது. மழை பெய்ய வேண்டி பலரும் பல்வேறு பிரார்த்தனைகளில் ஈடு பட்டு வருகின்றனர். அந்த வகை யில் ராதாபுரத்தைச் சேர்ந்த ஆதி பராசக்தி வழிபாட்டு மன்றத்தின் உறுப்பினர்கள் நேற்று முன்தினம் சிறப்பு யாகத்துக்கு ஏற்பாடு செய்திருந்தனர்.

தமிழகத்தில் முதலீடு செய்ய தொழில் முதலீட்டாளர்கள் யோசிக்கிறார்கள்: அமைச்சர் நிர்மலா சீதாராமன்

மத்திய அமைச்சர் நிர்மலா சீதாராமன் படம்: இணையம்

சென்னை: தமிழகம் முன்னேற்றம் கண்டுள்ள போதிலும், திறமை யான இளைஞர்கள் இருந்தும் கூட தொழில் முதலீட்டார்கள் முதலீடு செய்வது குறித்து யோசிப்பதாக மத்திய தொழில், வர்த்தகத் துறை அமைச்சர் நிர்மலா சீதாராமன் தெரிவித் துள்ளார். சென்னையில் நடைபெற்ற விருது வழங்கும் நிகழ்ச்சி ஒன்றில் கலந்து கொண்டு பேசிய அவர், தற்போது தமிழகத்தை நோக்கி வரும் முதலீடுகள் வேறு மாநிலங்களுக்குச் செல்வதாக கவலை தெரிவித்தார்.

நதிகள் இணைப்புக்கு மத்திய அரசு குழு அமைக்க வாசன் வலியுறுத்து

சென்னை: கடந்த 2 ஆண்டுகளாக பருவ மழை பொய்த்துவிட்ட தால் தமிழகத்தில் விவசாயம் அடியோடு அழிந்துவிட்டதாக தமாகா தலைவர் வாசன் தெரிவித்துள்ளார். அவர் வெளியிட்ட அறிக்கையில் விவசாயிகளின் பிரச்சினை தீர தேசிய அளவில் நதிகளை இணைப்பதே ஒரே வழி என கூறியுள்ளார். “நதிகளை இணைப்பதற்கு மத்திய அரசு ஒரு குழு அமைத்து, அனைத்து மாநிலங்களுக்கும் பாதுகாப்பான முறையில் திட்டத்தை வகுத்து நடைமுறைப்படுத்த வேண்டும்,” என்று வாசன் வலியுறுத்தினார்.

ஜிஎஸ்டி எதிரொலி: தங்க விற்பனை சரிவு

கோவை: ஜிஎஸ்டி வரிவிதிப்பு காரணமாக நாட்டில் தங்க நகை களின் உற்பத்தியும் விற்பனையும் பெரும் சரிவு கண்டுள்ளதாக கோயம்புத்தூர் தங்க ஆபரண உற்பத்தியாளர் சங்கத்தின் தலை வர் முத்து வெங்கட்ராமன் தெரிவித்துள்ளார். நாளொன்றுக்கு நூறு கிலோ என்று இருந்த தங்க நகை உற்பத்தியானது, தற்போது 50 கிலோ எனப் பாதியாக குறைந்துள் ளது என்றும் நகை விற்பனை 30 விழுக்காடு அளவுக்கு குறைந்துள் ளது என்றும் அவர் கூறுகிறார்.

Pages