You are here

சிங்க‌ப்பூர்

உட்லண்ட்ஸில் பௌத்த மடாலயம் திறப்பு

படம்: சாவ் பாவ்

சிங்கப்பூரின் வடக்குவாழ் மக்க ளுக்கு சேவையாற்றும் பௌத்த மடாலயம் ஒன்று நேற்று அதி காரபூர்வமாகத் திறக்கப்பட்டது. ஒரு காற்பந்துத் திடலைவிடச் சற்று சிறிய அளவில் அமைந் துள்ள பி.டபிள்யூ. மடாலயத் தில் மொத்தம் 1,200 பேர் ஒரே சமயத்தில் பிரார்த்தனை மேற் கொள்ளலாம். பிரதான வழி பாட்டு மண்டபத்தைத் தவிர, 400 பேர் அமரக்கூடிய பலபயன் மண்டபம், ஒரு நூலகம், வகுப்ப றைகள், ஓர் அரும்பொருளகம் ஆகியவை அந்த மடாலயத்தில் உள்ளன. உட்லண்ட்ஸ் டிரைவ் 16ல் உள்ள இந்த ஆலயம் தீவெங்கும் உள்ள ஐந்து பௌத்த நிலையங் களுக்குத் தலைமையகமாக விளங்கும். அதற்கு 3,500 உறுப்பினர்கள் உள்ளனர்.

ரொக்கமில்லா பொதுப் போக்குவரத்து முறை

வரும் 2020ஆம் ஆண்டிலிருந்து சிங்கப்பூரின் பொதுப் போக்குவரத்து கட்டமைப்பு முழுமையாக ரொக்கம் இல்லா முறைக்கு மாற இருக்கிறது. பேருந்து, ரயில் பயணங்களுக் கான கட்டணங்கள் பயண அட்டை மூலம் மட்டுமே செலுத்தப்படும். அதேபோல, பயண அட்டையில் பணம் நிரப்பவும் பணத்தாட்களைப் பயன்படுத்த முடியாது. 2019ஆம் ஆண்டு செயல்பாட் டிற்கு வரவிருக்கும் தாம்சன்-ஈஸ்ட் கோஸ்ட் வழித்தடம், முழுமையாக ரொக்கமில்லா முறையில் செயல்படும் முதல் ரயில் தடமாக இருக்கும்.

வியட்னாமில் டெங்கி காய்ச்சல்; புதிதாக 5,000 பேருக்கு பாதிப்பு

ஹனோய்: வியட்னாமில் டெங்கி காய்ச்சல் மிக வேகமாகப் பரவி வருவதாக அதிகாரிகள் கூறியுள்ளனர். ஹனோய் நகரில் மட்டும் கடந்த இரு வாரங்களில் 5,000 பேருக்கு இக்காய்ச்சல் தொற்றியிருப்பது கண்டுபிடிக்கப்பட்டுள்ளது. இக்காய்ச்சலால் பாதிக்கப்பட்டிருப்பவர்களின் எண்ணிக்கை 45 விழுக்காடு அதிகரித்திருப்பதாக சுகாதார அதிகாரிகள் கூறியுள்ளனர். வியட்னாமில் இந்த ஆண்டின் தொடக்கத் திலிருந்து இதுவரையில் மொத்தம் 13,200 பேர் இக் காய்ச்சலால் பாதிக்கப்பட்டதாக உயர் அதிகாரி ஒருவர் கூறினார். நோய் தடுப்பு நடவடிக்கைகளை அதிகாரிகள் தீவிரப்படுத்தியுள்ளனர்.

கட்டுப்பாட்டை இழந்து கான்கிரீட் தடுப்பில் கார் மோதி 29 வயது ஆடவர் பலியானார்

படம்: ஸ்டோம்ப்

ராபிள்ஸ் புலவார்டில் நேற்றுக் காலை 29 வயது ஆடவர் ஒருவர் தன்னுடைய காரை கான்கிரீட் தடுப்பு ஒன்றில் மோதிவிட்டார். அந்தச் சம்பவத்தில் காயம் அடைந்த ஆடவர், பிறகு மருத்துவ மனையில் மாண்டார். இங் பிங் கீன் என்று அடை யாளம் காணப்பட்டுள்ள அந்த ஆடவர், தன்னுடைய ஹோண்டா சிவிக் காரை ஓட்டிச்சென்ற தாகவும் வழியில் கட்டுப்பாட்டை இழந்ததால் கார் சறுக்கிக்கொண்டு கான்கிரீட் தடுப்பில் மோதியதாக வும் தெரிகிறது. சம்பவம் நிகழ்ந்ததையடுத்து தீயணைப்பு வாகனம், மருத்துவ வண்டி, ஆதரவு வாகனம் உள்ளிட்ட பலவற்றையும் சிங்கப்பூர் குடிமைத் தற்காப்புப் படை அங்கு அனுப்பியது.

வனவிலங்கு பாலத்தில் பொது மக்கள் உலாவுக்கு அனுமதியில்லை

படம்: சாவ்பாவ்

தேசிய பூங்கா வாரியம், வன விலங்கு பாலம் ஒன்றில் ஏற்பாடு செய்த வழிகாட்டியுடன் கூடிய உலாவை முடித்துக்கொண்டு விட்டது. அந்தப் உலா மறு அறிவிப்பு வரும் வரை ஒத்திவைக்கப்பட்டு இருக்கிறது என்று வாரியத்தின் இணையத்தளத்தில் இடம் பெற்றிருக்கும் ஓர் அறிவிப்பு தெரிவித்துள்ளது. இந்த வனவிலங்கு பாலத்தில் உலா நிகழ்ச்சி மறுபடியும் தொடங்கினால் அது பற்றி அறி விக்கப்படும் என்று வாரியம் குறிப்பிட்டுள்ளது. வனவிலங்கு பாலம் புக்கிட் தீமா விரைவுச்சாலை நெடுகிலும் செல்கிறது. [email protected] என்ற அந்தப் பாலம் சுற்றுப்புற வியல் பாலமாகும்.

இழிவான சைகைக்கு மாணவர் மன்னிப்பு

ஹென்ரி பார்க் தொடக்கப் பள்ளி மாணவர் ஒருவர் சிங்கப்பூர் தேசிய தின அணிவகுப்பின்போது தன் நடுவிரலால் இழிவான சைகை காட்டியதற்காக மன்னிப்புக் கேட்டுக்கொண்டார் என்று அப்பள்ளியின் முதல்வர் சியா சூ கெங் தெரிவித்தார். மாணவருக்குப் பள்ளியும் பெற்றோரும் ஆலோசனை வழங்கியதாகவும் அவர் தான் செய்த தவற்றை உணர்ந்து இச்செயலால் பாடம் கற்றிருப்பதாகவும் முதல்வர் கூறினார். அணிவகுப்பு முடிந்தபிறகு பங்கேற்பாளர்கள் மேடையில் கூடியிருந்தபோது கேமரா முன்னால் அந்த மாணவர் நடுவிரலைக் காட்டிய காட்சி சமூக ஊடகங்களில் பரவி வருகிறது.

கத்தார் செல்ல இனி விசா தேவையில்லை

கத்தார் செல்ல விரும்பும் சிங்கப்பூரர்கள் இனி விசா எடுக்கத் தேவையில்லை. இந்தப் புதிய நடைமுறை உடனடியாக செயல்பாட்டுக்கு வருகிறது. தொடக்கத்தில் முப்பது நாட்களுக்குத் தரப்படும் நுழைவு அனுமதி, மேலும் முப்பது நாட்களுக்கு நீட்டிக்கப்படும். ஒருமுறை செல்பவர்களுக்கும் பலமுறை செல்பவர்களுக்கும் இந்தப் புதிய நடைமுறை பொருந்தும். விமானப் போக்குவரத்தையும் சுற்றுலாத் துறையையும் ஊக்குவிப்பதற்கு சிங்கப்பூர் உட்பட 80 நாடுகளுக்கு கத்தார் இந்தப் புதிய திட்டத்தை வழங்கியுள்ளது.

‘டிப்தீரியா’ கட்டுப்படுத்தப்பட்டது பங்ளாதேஷ் கட்டுமான ஊழியர்

ஒருவரின் உயிரைக் குடித்த ‘டிப்தீரியா’ எனும் தொண்டை அழற்சி நோய்த்தொற்று மேலும் பரவாமல் கட்டுப்படுத்தப்பட்டு விட்டதாக சுகாதார அமைச்சு அறிக்கை மூலம் தெரிவித்துள்ளது. அந்த 21 வயது ஊழியர் கடந்த வெள்ளிக்கிழமை மரணம் அடைந்தார். தொண்டை அழற்சி நோயால் சிங்கப்பூரில் ஒருவர் உயிரிழந்தது கடந்த 25 ஆண்டு களில் இதுவே முதன்முறை. இந்த நிலையில், யீ‌ஷுன் அவென்யூ 7ல் அமைந்துள்ள தங்குவிடுதியில் அந்த ஊழிய ருடன் தங்கியிருந்தோர், தேபான் கார்டன்சில் உடன் வேலை செய் தோர் என அவரது நெருங்கிய கூட்டாளிகள் 48 பேரையும் கடந்த செவ்வாய்க்கிழமை சுகாதார அமைச்சு பரிசோதித்தது.

ஆடவருக்கு 18 மாத சிறைத்தண்டனை

முன்னாள் துப்புரவு மேற்பார்வை யாளர் ஒருவருக்கு திருட்டுக் குற்றச்சாட்டுகளின் பேரில் நேற்று இரண்டரை ஆண்டு சிறைத் தண்டனை விதிக்கப்பட்டது. சுந்நா சிங் சிராஜனாம், 46, என்ற அந்த மேற்பார்வையாளர் ஏமாற்றியது தொடர்பான ஆறு குற்றச்சாட்டுகள், திருடியது, ஏமாற்றியது, காயம் விளைவித்தது ஆகியவை தொடர்பான தலா ஒரு குற்றச்சாட்டு ஆகியவற்றின் பேரில் குற்றத்தை ஒப்புக்கொண் டார். இதர 11 குற்றச்சாட்டுகள் தண்டனை விதிக்கப்பட்டபோது கவனத்தில் எடுத்துக்கொள்ளப் பட்டன. குற்றச்செயல்கள் சென்ற ஆண்டிற்கும் இந்த ஆண்டு ஜூன் மாதத்திற்கும் இடையில் நிகழ்ந்ததாக தெரிவிக்கப்பட்டது.

போர்விமான முப்பரிமாண காட்சி கவர்ந்தது

சிங்கப்பூர் குடியரசின் ஆகாயப் படை ‘F15SG’ போர் விமானத்தின் உட்பகுதியை முப்பரிமாணக் காணொளியாகப் பதிவு செய்து அதை நேற்று முன்தினம் தனது ஃபேஸ்புக்கில் பதிவேற்றியது. அதில் “2017ஆம் ஆண்டின் தேசிய நாள் அணிவகுப்பில் நாட்டிற்கு மரியாதை செலுத்தும் வகையில் நமது ‘F15SG’ போர் விமானம் பறந்து சென்றது! இதோ அதன் உட்பகுதி இப்படித் தான் இருக்கும். உல்லாசப் பயணத்திற்கு தயாராகுங்கள்!” என்று குறிப்பிடப்பட்டிருந்தது. அந்த காணொளி இதுநாள் வரை 55,000 பார்வையாளர்களை ஈர்த்துள்ளது. அத்துடன் 1,300 முறை பகிர்ந்துகொள்ளப்பட்டது.

Pages