லண்டன்: இந்தப் பருவத்தின் இங்கிலிஷ் பிரீமியர் லீக் போட்டியில் டோட்டன்ஹாம் ஹாட்ஸ்பர் குழுவின் வெற்றி நடை தொடர்கிறது.
புல்ஹாம் குழுவுக்கு எதிராக திங்கட்கிழமை இரவு நடந்த ஆட்டத்தில் 2-0 என்ற கோல் கணக்கில் அது வெற்றிபெற்றது.
ஆட்டத்தின் 36வது நிமிடத்தில் அணித் தலைவர் சன் ஹூங் மின் முதல் கோலை அடித்தார். அதன் பின்னர் 54வது நிமிடத்தில் ஜேம்ஸ் மேடிசன் இரண்டாவது கோலை அடித்தார்.
இந்தப் பருவத்தில் இதுவரை 9 ஆட்டங்களில் விளையாடியுள்ள ஸ்பர்ஸ் ஏழு ஆட்டங்களில் வெற்றியும் 2 ஆட்டத்தில் சமநிலையும் கண்டுள்ளது.
அதே நேரம் இந்தப் பருவத்தில் ஆர்சனலும் ஸ்பர்சும் இதுவரை தோல்வியடையவில்லை.
தற்போதைய நிலவரப்படி புள்ளிப்பட்டியலில் டோட்டன்ஹாம் ஹாட்ஸ்பர் 23 புள்ளிகளுடன் முதலிடத்தில் உள்ளது. இரண்டாவது இடத்தில் மான்செஸ்டர் சிட்டி (21), மூன்றாவது இடத்தில் ஆர்சனலும் (21) உள்ளன.