மட்ரிட்: பிரபல ஸ்பானிய காற்பந்துக் குழுவான பார்சிலோனா லஞ்ச ஊழல் விவகாரத்தில் சிக்கியுள்ளது. அதையடுத்து அக்குழுமீது விசாரணை நடத்தப்படுகிறது.
ஸ்பெயினின் நடுவர் அமைப்பில் கிட்டத்தட்ட 20 ஆண்டுகளாக ஊழல் இடம்பெற்றுள்ளதாகக் கூறப்பட்டு வருகிறது. அதில் பார்சிலோனா சம்பந்தப்பட்டிரு்பபதாகச் சந்தேகிக்கப்படுகிறது.
ஸ்பெயின் தலைநகர் மட்ரிட்டில் உள்ள ஸ்பானிய காற்பந்துச் சம்மேளன அலுவலகங்களை காவல்துறையினர் சோதனையிட்டதாக பார்சிலோனா நகர நீதிமன்றம் ஒன்று தெரிவித்தது.
ஸ்பானிய காற்பந்து அண்மைக் காலமாகப் பல்வேறு சர்ச்சைகளை எதிர்நோக்கி வந்துள்ளது.
முன்னாள் ஸ்பானிய காற்பந்துச் சம்மேளனத் தலைவர் லூயிஸ் ருபியாலஸ் சில வாரங்களுக்கு முன்பு பதவி விலகினார். ஸ்பெயின் பெண்கள் அணி வீராங்கனை ஜெனி ஹர்மோசோவின் உதட்டில் அவரின் அனுமதியின்றி முத்தமிட்டதாக சர்ச்சை எழுந்ததைத் தொடர்ந்து ருபியாலஸ் பதவி விலக நேரிட்டது.