மாணவர் முரசு
இ-பேப்பர்
பாரிஸ்: பிரான்சின் 21 வயதுக்கு உட்பட்டோருக்கான காற்பந்து அணியின் பயிற்றுவிப்பாளராக தியெரி ஹான்ரி திங்கட்கிழமை அறிவிக்கப்பட்டார்.
பாரிசில் அடுத்த ஆண்டு நடைபெறவிருக்கும் ஒலிம்பிக் விளையாட்டுப் போட்டிகளில் களமிறங்கும் குழுவுக்கு ஹான்ரி பொறுப்பேற்பார் என்று தகவலறிந்த தரப்பு தெரிவித்தது.
ஆர்சனல், பிரான்ஸ் அணிகளின் முன்னாள் ஆட்டக்காரரான ஹான்ரி, 46, கடந்த ஆண்டு நடைபெற்ற உலகக் கிண்ணக் காற்பந்துப் போட்டிக்குப் பிறகு பெல்ஜியம் அணியின் உதவிப் பயிற்றுவிப்பாளர் பொறுப்பிலிருந்து விலகியதைத் தொடர்ந்து நிர்வாகப் பொறுப்புக்குத் திரும்புகிறார்.
பிரான்சுக்காக 123 ஆட்டங்களில் 51 கோல்களைப் போட்ட ஹான்ரி, அண்மைக் காலமாக தொலைக்காட்சி ஆலோசகராகப் பணியாற்றி வந்தார்.
ஒலிம்பிக் போட்டிகளில் கிலியன் இம்பாப்பே உள்ளிட்ட ஆட்டக்காரர்கள் இடம்பெறும் குழுவை ஹான்ரி அமைக்கக்கூடும். அப்போட்டிகளில் விளையாடுவதற்கான தமது விருப்பத்தை இம்பாப்பே முன்னதாகத் தெரிவித்து இருந்தார்.
