ஜோகூர் சுல்தான் FF1 என்ற கார் பதிவு எண்ணை ஏலத்தில் ஆக அதிகமாக 1.2 மில்லியன் ரிங்கிட் விலைக்கு வாங்கினார்.
மலேசியாவின் போக்குவரத்து அமைச்சர் ஆண்டனி லோக் நேற்று சுல்தானிடம் அதை ஒப்படைத்தார். அந்த எண்ணை ஏலத்தில் சுல்தான் RM1.2 மில்லியன் விலைக்குக் கேட்டதாக அமைச்சர் ஃபேஸ்புக்கில் தெரிவித்தார். வேறு யாரும் அந்த விலைக்கு அதை வாங்க முன்வரவில்லை என்றார் அமைச்சர்.
மலேசியாவின் சாலைப் போக்குவரத்துத் துறையின் 77வது ஆண்டைக் குறிக்கும் வகையில் FF எண் தகடு தொடர் விற்பனைக்கு கொடுக்கப்பட்டது.
இதற்கு ஆதரவு அதிகம். 34,032 பேர் ஏலத்தில் அதை வாங்க முன்வந்ததாக அமைச்சர் கூறினார்.
ஜோகூர் சுல்தான் புதுமையான கார் எண்களை வாங்குவதில் விருப்பம் உள்ளவர். ஏற்கெனவே அவர் F1, V1 ஆகிய எண்களை பெரும் விலை கொடுத்து வாங்கி இருக்கிறார்.
FF சிறப்பு வாகனப் பதிவு எண்களை வாங்க மக்களிடயே பெரும் நாட்டம் நிலவுகிறது. இதன் மூலம் RM34 மில்லியனுக்கும் அதிக வருவாய் கிடைத்துள்ளது என்று மே மாதம் அமைச்சர் கூறி இருந்தார்.