You are here

விளையாட்டு

தரவரிசையில் 6வது இடத்தைத் தக்க வைத்துக்கொண்டார் விராத் கோஹ்லி

துபாய்: அனைத்துலகக் கிரிக்கெட் மன்றம் டெஸ்ட் கிரிக்கெட் வீரர்களின் புதிய தரவரிசைப் பட்டியலை நேற்று முன்தினம் வெளியிட்டது. இதில் பந்தடிப்பாளர்களின் முதல் ஆறு பேரில் மாற்றமில்ல. ஆஸ்திரேலிய அ°த் தலைவர் ஸ்டீவன் ஸ்மித் (936 புள்ளி) முதலிடத்திலும் இங்கிலாந்து அணியின் தலைவர் ஜோ ரூட் இரண்டாவது இடத்திலும் (889 புள்ளி), நியூசிலாந்து அணித்தலைவர் வில்லியம்சன் மூன்றாவது இடத்திலும் இந்திய வீரர் புஜாரா நான்காவது இடத்திலும் ஆஸ்திரேலிய அணியின் துணைத் தலைவர் டேவிட் வார்னர் ஐந்தாவது இடத்திலலும் இந்திய அணித் தலைவர் விராத் கோஹ்லி ஆறாவது இடத்திலும் (806 புள்ளி) நீடிக்கிறார்கள்.

பங்ளாதேஷை வீழ்த்திய தென்னாப்பிரிக்க அணி டர்பன்:

பங்ளாதேஷை வீழ்த்திய தென்னாப்பிரிக்க அணி டர்பன்: தென்னாப்பிரிக்காவில் சுற்றுப்பயணம் மேற்கொண்டு வரும் பங்ளாதேஷ் கிரிக்கெட் அணி இரண்டு டெஸ்ட் போட்டிகள், மூன்று ஒருநாள் போட்டிகள், இரண்டு டி20 போட்டிகள் ஆகியவை கொண்ட தொடரில் விளையாடுகிறது. முதல் டெஸ்ட் போட்டி கடந்த 28ஆம் தேதி தொடங்கியது. தென்னாப்பிரிக்கா முதலில் பந்தடித்தது. எல்கர், ஆம்லா ஆகியோர் சதமடித்தனர். 199 ஓட்டங்கள் எடுத்து ஆட்டமிழந்த எல்கர் இரட்டை சதத்தைத் தவறவிட்டார். இதனைத் தொடர்ந்து, 146 ஓவர்களில் 3 விக்கெட்டுகள் இழப்புக்கு 496 ஓட்டங்கள் எடுத்த நிலையில் தென்னாப்பிரிக்க அணி ‘டிக்ளேர்’ செய்தது.

இந்திய டி20 அணியிலிருந்து ரகானே நீக்கம்

மும்பை: இந்தியா-ஆஸ்தி ரேலியா அணிகள் மோதிய ஐந்து ஆட்டங்கள் கொண்ட ஒருநாள் போட்டித் தொடரை இந்தியா 4-1 என்ற கணக்கில் கைப்பற்றியது. இத்தொடரி லிருந்து இந்தியாவின் தொடக்க பந்தடிப்பாளர் ‌ஷிகர் தவான் விலகியிருந்தார். தமது மனைவிக்கு உடல் நிலை சரியில்லாத காரணத்தால் போட்டியில் பங்கேற்க முடியாது என்று தெரிவித்தார். இதையடுத்து, அவருக்கு பதிலாக ரோகித் சர்மாவுடன் ரகானே தொடக்க வீரராகக் களம் இறங்கினார். அவர் ஐந்து ஆட்டங்களில் 244 ஓட்டங்கள் எடுத்தார். தொடர்ச் சியாக நான்கு அரைசதங்கள் அடித்தார்.

வெற்றியைச் சுவைக்க ரேஷ்ஃபர்ட் ஆவல்

காற்பந்துப் போட்டிக்கான தகுதிச் சுற்றில் இங்கிலாந்தும் ஸ்லோவேனி யாவும் நாளை மோதுகின்றன. இந்த ஆட்டம் இங்கிலாந்தின் வெம்பிளி விளையாட்டரங்கத்தில் நடைபெறுகிறது. அதனைத் தொடர்ந்து, வரும் ஞாயிற்றுக்கிழமையன்று லித்து வேனியாவுடன் இங்கிலாந்து மோதுகிறது. இவை இங்கிலாந்தின் கடைசி இரண்டு தகுதிச் சுற்று ஆட்டங்கள். அடுத்த ஆண்டு ரஷ்யாவில் நடைபெறும் உலகக் கிண்ணக் காற்பந்துப் போட்டிக்குத் தகுதி பெற இங்கிலாந்துக்கு இரண்டு புள்ளிகள் மட்டுமே தேவைப்படு கின்றன ‘எஃப்’ பிரிவில் இடம் பெற்றுள்ள இங்கிலாந்து குழு 20 புள்ளிகளுடன் பட்டியலில் முன்னிலை வகிக்கிறது.

பிடிவாதமாக நின்ற நியூகாசல் தற்காப்பு அரண்

படம்: ராய்ட்டர்ஸ்

நியூகாசல்: நேற்று அதிகாலை நடைபெற்ற இங்கிலிஷ் பிரிமியர் லீக் காற்பந்துப் போட்டியில் நியூகாசலும் லிவர்பூலும் தரப்புக்கு ஒரு கோல் போட்டு சமநிலை கண்டன. இந்த ஆட்டம் நியூகாசலின் செயிண்ட் ஜேம்சஸ் பார்க் விளை யாட்டரங்கத்தில் நடைபெற்றது. இதன் விளைவாக லீக் பட்டியலில் முன்னிலை வகிக்கும் மான்செஸ்டர் சிட்டியைவிட லிவர்பூல் ஏழு புள்ளிகள் குறை வாகப் பெற்று 12 புள்ளிகளுடன் ஏழாவது இடத்தில் உள்ளது. நியூகாசல் பத்து புள்ளிகளுடன் ஒன்பதாவது இடத்தில் உள்ளது. ஆட்டம் தொடங்கியதிலிருந்து தொடர்ந்து பல தாக்குதல்களை லிவர்பூல் நடத்தியும் கோல் போட முடியாமல் அது தவித்தது.

தொடரை 4-1 என்ற கணக்கில் வென்ற இந்தியா

படம்: ஏஎஃப்பி

நாக்பூர்: ஆஸ்திரேலியாவுக்கு எதிரான ஐந்து போட்டிகள் கொண்ட ஒருநாள் கிரிக்கெட் தொடரில் 4=1 என்ற கணக்கில் இந்தியா வென்றுள்ளது. சென்னை, கோல்கத்தா, இந்தூர் ஆகிய நகரங்களில் நடைபெற்ற முதல் மூன்று ஆட்டங்களில் இந்திய அணி ஆஸ்திரேலியாவை வீழ்த்தியது. பெங்களூரில் நடைபெற்ற நான்காவது ஆட்டத்தில் ஆஸ்திரேலியா 21 ஓட்டங்கள் வித்தியாசத்தில் வெற்றி பெற்றது. ஐந்தாவது மற்றும் கடைசி ஒருநாள் கிரிக்கெட் போட்டி நாக்பூரில் நேற்று முன்தினம் பகல்=இரவு ஆட்டமாக நடைபெற்றது. ஆஸ்திரேலியா முதலில் பந்தடித்தது 50 ஓவர்கள் முடிவில் 9 விக்கெட்டுகள் இழப்புக்கு 242 ஓட்டங்களை அது குவித்தது.

மலேசிய எஃப்1: வெர்ஸ்டப்பன் வெற்றி

கோலாலம்பூர்: மலேசியாவின் செப்பாங் பந்தயத்தடத்தில் நேற்று நடைபெற்ற எஃப்1 கார் பந்தயத்தில் ரெட் புல் அணியின் மேக்ஸ் வெர்ஸ்டப்பன் வாகை சூடினார். இரண்டாவது இடத்திலிருந்து பந்தயத்தைத் தொடங்கிய 20 வயது வெர்ஸ்டப்பன் முதலிடம் பிடித்தார். எஃப்1 பந்தயத்தை வெர்ஸ் டப்பன் கைப்பற்றுவது இது இரண்டாவது முறை. இரண்டாவது இடத்திலிருந்து பந்தயத்தைத் தொடங்க இருந்த ஃபெராரியின் கிமி ரைக்கோனனின் காரில் ஏற்பட்ட கோளாறு காரணமாக அவருக்குப் பதிலாக மூன்றாவது இடத்திலிருந்து தொடங்க இருந்த வெர்ஸ்டப்பன் இரண்டாவது இடத்திலிருந்து தொடங்கினார். மெர்செடிஸ் அணியின் லுவிஸ் ஹேமில்டன் இரண்டாவதாக வந்தார்.

மலேசிய எஃப்1: முதல் இடத்திலிருந்து தொடங்க இருக்கும் ஹேமில்டன்

கோலாலம்பூர்: இன்று நடைபெறும் மலேசிய எஃப்1 கார் பந்தயத்தை முதல் இடத்திலிருந்து தொடங்க இருக்கிறார் மெர்செடிஸ் அணியின் லுவிஸ் ஹேமில்டன் (நடுவில்). ஃபெராரி அணியின் கிமி ரைக்கோனன் (வலது) இரண்டாவது இடத்திலிருந்து பந்தயத்தைத் தொடங்குவார். ரெட் புல் அணியின் மேக்ஸ் வெர்ஸ்டப்பன் (இடது) மூன்றாவது இடத்திலிருந்து பந்தயத்தைத் தொடங்குவார். தகுதிச் சுற்றில் பந்தயத்தை முடிக்கத் தவறிய செபாஸ்டியன் வெட்டல் இறுதி இடத்திலிருந்து பந்தயத்தைத் தொடங்க இருக்கிறார். இது அவரது வெற்றியாளர் பட்டக் கனவுக்கு ஏற்பட்டுள்ள பின்னடைவாகக் கருதப்படுகிறது.

இங்கிலாந்திடம் வீழ்ந்தது வெஸ்ட் இண்டீஸ் அணி

லண்டன்: வெஸ்ட் இண்டீசுக்கு எதிரான ஐந்தாவது ஒருநாள் போட்டியில் இங்கிலாந்து அணி 9 விக்கெட்டுகள் வித்தியாசத்தில் வெற்றி பெற்றுள்ளது. வெஸ்ட் இண்டீஸ் கிரிக்கெட் அணி இங்கிலாந்தில் சுற்றுப் பயணம் செய்து மூன்று டெஸ்ட், ஒரு டி20, ஐந்து ஒருநாள் போட்டிகள் ஆகியவை கொண்ட தொடரில் விளையாடியது. டெஸ்ட் தொடரில் 2=1 என்ற கணக்கில் இங்கிலாந்தும் டி20ல் வெஸ்ட் இண்டீசும் வெற்றி பெற்றன. முன்னதாக நடைபெற்ற நான்கு ஒருநாள் போட்டிகளில் 3=0 என்ற கணக்கில் இங்கிலாந்து ஏற்கெ னவே தொடரைக் கைப்பற்றி விட்டது. இந்நிலையில், ஐந்தாவது ஒருநாள் போட்டி சவுத்ஹேம்டன் மைதானத்தில் நேற்று முன்தினம் நடைபெற்றது.

ரோனல்ட் கூமனுக்குத் தொடரும் நெருக்குதல்

லண்டன்: இன்றிரவு நடைபெறும் இங்கிலிஷ் பிரிமியர் லீக் காற்பந்துப் போட்டி ஆட்டத்தில் பர்ன்லியைச் சந்திக்கிறது எவர்ட்டன். எவர்ட்டன் இதுவரை ஆறு ஆட்டங்களில் களமிறங்கியுள்ளது. அவற்றில் மூன்று ஆட்டங்களில் தோல்வியைத் தழுவி ஏழு புள்ளிகளை மட்டும் பெற்றுள்ளது. இதனால் லீக் பட்டியலில் 14வது இடத்தில் உள்ளது. இந்நிலையில், எவர்ட்டனின் நிர்வாகியாக ரோனல்ட் கூமன் தொடர்வது சந்தேகம் எனக் கூறப்படுகிறது. கடந்த வியாழக்கிழமையன்று எவர்ட்டனின் குடிசன் பார்க் விளை யாட்டரங்கத்தில் யூரோப்பா லீக் ஆட்டம் ஒன்று நடைபெற்றது. அதில் சைப்ரஸ் குழுவான அப்போலோன் லிமாசோலுடன் 2=2 எனும் கோல் கணக்கில் எவர்ட்டன் சமநிலை கண்டது.

Pages