மும்பை: மும்பை இந்தியன்ஸ், டெல்லி கேபிட்டல்ஸ் கிரிக்கெட் அணிகளுக்கு இடையிலான ஐபிஎல் தொடரின் 20வது லீக் போட்டி ஞாயிற்றுக்கிழமை சிங்கப்பூர் நேரப்படி மாலை 6 மணிக்கு தொடங்குகிறது.
இப்போட்டி மும்பையின் கோட்டையான வான்கடே மைதானத்தில் நடைபெறுகிறது. இதற்கு முன்னதாக இந்த மைதானத்தில் ராஜஸ்தான் ராயல்ஸ் அணிக்கு எதிரான போட்டியில் மும்பை அணி 125 ஓட்டங்களை மட்டுமே எடுத்து 6 விக்கெட்டுகள் வித்தியாசத்தில் தோல்வியைத் தழுவியது.
இந்தப் பருவத்தில் மும்பை விளையாடிய 3 போட்டிகளிலும் தோல்வியடைந்து புள்ளிப்பட்டியலில் 10வது இடத்தில் உள்ளது.
இதேபோன்று டெல்லி விளையாடிய 4 போட்டிகளில் ஒரு போட்டியில் மட்டுமே வெற்றிபெற்று புள்ளிப்பட்டியலில் 9வது இடத்தில் உள்ளது.
இதுவரை இரு அணிகளும் மோதிய 33 போட்டிகளில் மும்பை அணி 18 போட்டிகளில் வெற்றி பெற்றுள்ளது.