லண்டன்: இங்கிலிஷ் பிரிமியர் லீக் அணிகள் தங்கள் அணிகளை வலுப்படுத்தும் நோக்கத்தில் இந்தப் பருவத்தின் தொடக்கத்தில் மட்டும் கிட்டத்தட்ட 4 பில்லியன் வெள்ளி செலவு செய்துள்ளன.
பருவத்தின் தொடக்கத்தில் விளையாட்டு வீரர்களை வாங்கும் நடவடிக்கையில் மட்டும் அந்த 4 பில்லியன் வெள்ளி செலவு செய்யப்பட்டுள்ளது.
ஆண்டிற்கு இரண்டு முறை விளையாட்டு வீரர்களை வாங்கவும் விற்கவும் அனுமதி உண்டு. பருவத்தின் தொடக்கத்தில் முதல் விற்பனை இடம் பெறும், பருவத்தின் நடுப்பகுதியில் இரண்டாவது விற்பனை நடக்கும்.
கடந்த ஆண்டுடன் ஒப்பிடுகையில் இம்முறை முதல் விற்பனைக் காலத்தில் 750 மில்லியன் வெள்ளி கூடுதலாக செலவு செய்யப்பட்டுள்ளது.
முதல் விற்பனைக் காலம் முடியும் நாளான வெள்ளிக்கிழமை மட்டும் 435 மில்லியன் வெள்ளி செலவு செய்துள்ளன இங்கிலிஷ் பிரிமியர் லீக் அணிகள்.
இரண்டாவது விற்பனைக் காலத்திலும் அணிகள் வீரர்களை வாங்கவும் விற்கவும் முயற்சி செய்யும் என்பதால் இந்தப் பருவத்தில் சாதனை அளவாக செலவுகள் செய்யப்படும் என்று எதிர்பார்க்கப்படுகிறது.
இம்முறை ஐரோப்பாவில் நடந்த முதல் விற்பனைக் காலத்தில் நடந்த மொத்த செலவுகளில் 48 விழுக்காடு செலவை இங்கிலிஷ் பிரிமியர் லீக் அணிகள் செய்துள்ளன.