You are here

சிங்க‌ப்பூர்

பேருந்து நிலையத்தில் தாக்குதல்; ஆடவருக்கு சிறை, அபராதம்

பேருந்து நிலையத்தில் புகை பிடிப்பதை நிறுத்தச் சொன்னதால் ஆத்திர மடைந்த ஆடவர் ஒருவர் மூத்த வயதுடைய பாது காவல் அதிகாரியைத் தாக்கினார். முதியவர் கீழே விழுந்த பின்னரும் அந்த ஆடவர் தொடர்நது தாக்கினார். கடந்த ஜனவரி மாதம் 23ஆம் தேதி பாசிர் ரிஸ் பேருந்து நிலையத்தில் நிகழ்ந்த அச்சம்பவத்தில் தலையிட்ட இரு ஆசிரியர்களும் தாக்கப் பட்டனர். குகநாத் பிள்ளை, 25, (படம்) எனப்படும் அந்த ஆடவருக்கு நேற்று இரு வார சிறைத் தண்டனை விதிக்கப் பட்டது. அப்துல் ஹமித் அபு பக்கர், 73, என்பவருக்குக் காயம் ஏற்படுத்தியதற்காகவும் சீ வான் டிங் என்பவரின் தலையில் தாக்கியதற்காகவும் அவருக்கு அந்தத் தண்டனை விதிக்கப்பட்டது.

100,000 சிங்கப்பூரர்களுக்கு மின்னிலக்க திறன் பயிற்சி

மாறிவரும் பணியிடத்துக்கு ஏற்ப சிங்கப்பூரர்கள் தங்களைத் தயார் படுத்திக்கொள்ளும் வகையில் அடுத்த மூன்று ஆண்டுகளில் 100,000க்கும் மேற்பட்ட சிங்கப்பூரர் களுக்கு அடிப்படை மின்னிலக்கத் தொழில்நுட்பத் திறனில் பயிற்சி அளிக்க ‘ஸ்கில்ஸ்ஃபியூச்சர் சிங் கப்பூர்’ இலக்குக் கொண்டுள்ளது. இத்திட்டத்தில் சிங்கப்பூரர்கள் கைத்தொலை பேசி செயலிகளைப் பயன்படுத்தி ரொக்கமற்ற ப ரி வ ர் த் த னை க ளை மேற்கொள்வதற்கான மின்னி லக்கத் தொழில்நுட்பத் திறன் களைக் கற்றுக்கொள்வர்.

பணிமனையை படமெடுத்த வெளிநாட்டினர்

படம்: ஸ்ட்ரெய்ட்ஸ் டைம்ஸ்

பீஷான் எம்ஆர்டி பணிமனையில் பாதுகாப்பான நிலைகளைப் படம் எடுத்த இரண்டு வெளிநாட்டு ஆடவர்களை போலிஸ் தடுத்து நிறுத்தி விசாரித்தது. அந்த இரண்டு பேரும் அந்தப் பணிமனைக்கு ஊழியர்களை ஏற்றிச்செல்லும் இடைவழி பேருந் தில் ஏறிச்சென்றார்கள். ஆனால் அவர்களுக்கு நுழைவு அனுமதி இல்லை என்பது பணிமனையின் பாதுகாப்பு நுழைவாயிலில் தெரிய வந்தது. பணிமனையைப் படம்பிடிக்க அவர்கள் விரும்பினர். நுழைவுக் கதவு அ-ருகே நின்றுகொண்டு புகைப்பட சாதனத்தைப் பயன் படுத்த அவர்கள் தொடங்கினர்.

உயிர்போகும் அளவுக்கு தாக்கியதாக இருவர் குற்றத்தை ஒப்புக்கொண்டனர்

ஆர்ச்சர்ட் டவர்ஸில் சென்ற ஆண்டு ஏப்ரலில், 34 வயது பிரான்ஸ் நாட்டவர் ஒருவரை உயிர்போகும் அளவிற்குத் தாக்கியதாக நேற்று இரண்டு பேர் குற்றத்தை ஒப்புக்கொண்டனர். ராடின் அப்துல்லா ராடின் பாருடின் மற்றும் முகம்மது டேனியல் அப்துல் ஜலில் என்ற 24 வயதுடைய இரண்டு பேர், நவரோ டுரியான் ரெகிஸ் என்ற பிரான்ஸ் நாட்டவருக்குக் கடுமையான காயத்தை விளைவித்ததாகக் கூறும் குறைக்கப்பட்ட குற்றச்சாட்டு ஒன்றின் பேரில் குற்றத்தை ஒப்புக்கொண்டனர். இந்த இருவர் மீதும் தொடக்கத்தில் கொலைகுற்றம் சுமத்தப்பட்டது. இந்தச் சம்பவத்தில் தாக்கப்பட்ட ரெகிஸ் 2016 மே மாதம் மரணம் அடைந்தார்.

புக்கிட் பாத்தோக்கில் எல்லா நீர்க்குழாய்களிலும் சோதனை

புக்கிட் பாத்தோக்கில் தண்ணீர்க் குழாய்களில் உடைப்பு ஏற்பட்டு நீர் வெளியேறியது குறித்து விசா ரணைகள் தொடர்ந்து வருகின் றன. இந்நிலையில், அக்குழாய்களில் துருப்பிடித்திருந்தது முதற்கட்ட ஆய்வுகளில் தெரியவந்துள்ளது என்று பொதுப் பயனீட்டுக் கழகம் தெரிவித்துள்ளது. இதையடுத்து, புக்கிட் பாத் தோக்கில் மொத்தமுள்ள 1,100 கி.மீ. நீள தண்ணீர்க் குழாய்களி லும் சோதனை நடத்தப்பட இருப்ப தாக கழகத்தின் நீர் விநியோகப் பிரிவு இயக்குநர் மைக்கல் டோ கூறியுள்ளார். கடந்த மாதம் 26ஆம் தேதியும் இம்மாதம் 1ஆம் தேதியும் புக்கிட் பாத்தோக் வட்டாரத்தில் இரு வேறு இடங்களில் தண்ணீர்க் குழாய் உடைப்பு ஏற்பட்டது.

ஏழாவது மாடியிலிருந்து தவறி விழுந்து பணிப்பெண் காயம்

தெம்பனிசில் உள்ள ‘கரிஸ்ஸா பார்க்’ கூட்டுரிமை வீடுகளின் ஏழாவது மாடியிலிருந்து இந்தோ னீசியப் பணிப்பெண் ஒருவர் கீழே விழுந்து பலத்த காயமடைந்தார். சன்னலைத் துடைத்துக் கொண்டிருந்தபோது நிலை தவறி அவர் கீழே விழுந்ததாக ‘‌ஷின் மின்’ செய்தி கூறியது. இச்சம்பவம் குறித்து நேற்று முன்தினம் நண்பகல் 12.05 மணியளவில் தகவல் கிடைத்ததும் அவசர மருத்துவ வாகனத்தை சம்பவ இடத்திற்கு அனுப்பிவைத்த தாக சிங்கப்பூர் குடிமைத் தற்காப்புப் படை தெரிவித்தது. இருபதுகளில் இருந்த அந்தப் பெண் சாங்கி பொது மருத்துவ மனைக்குக் கொண்டு செல்லப் பட்டார்.

புக்கிட் பாஞ்சாங்கில் பாதுகாப்புத் தடுப்புகளை அமைக்கும் பணி நிறைவு

ஃபாஜார் ரயில் நிலையத்தில் அமைக்கப்பட்டுள்ள பாதுகாப்பு தடுப்புகள். கோப்புப் படம்

புக்கிட் பாஞ்சாங்கில் உள்ள அனைத்து இலகு ரயில் நிலையங் களிலும் பாதுகாப்பு தடுப்புகளை அமைக்கும் பணி நிறைவுக்கு வந்துள்ளது. தண்டவாளத்தில் பயணிகள் விழுந்துவிடுவதைத் தடுப்பதற் காக ரயில் நிலையங்களில் பாது காப்பு தடுப்புகள் அமைக்கப் பட்டு வருகின்றன. இப்பணி புக்கிட் பாஞ்சாங் இலகு ரயில் நிலையங்களில் நிறைவடைந்துள்ளது என்று இரண்டாம் போக்குவரத்து அமைச்சர் இங் சீ மெங் தெரி வித்தார். ஆனால் செங்காங்-பொங் கோல் இலகு ரயில் நிலையங் களில் பாதுகாப்பு தடுப்புகளை அமைக்கும் பணி அடுத்த ஆண் டில் முடிவடையும் என்றார் அவர்.

பலதரப்பட்ட நடவடிக்கைகளை எடுக்கும் மலாய், முஸ்லிம் சமூகம்

முஸ்லிம் விவகாரங்களுக்கான  அமைச்சர் யாக்கூப் இப்ராஹிம்

பயங்கரவாதச் சித்தாந்தம், தனி யுரிமை நம்பிக்கைகள் மற்றும் நடைமுறைகள், இஸ்லாமிய எதிர்ப் புணர்வு ஆகிய மூவகை மிரட் டல்களையும் உணர்ந்திருக்கும் சிங்கப்பூர் மலாய், முஸ்லிம் சமூகம், அவற்றைச் சமாளிக்க பலதரப்பட்ட நடவடிக்கைகளை மேற்கொண்டிருப்பதாக முஸ்லிம் விவகாரங்களுக்குப் பொறுப்பு வகிக்கும் அமைச்சர் யாக்கூப் இப்ராஹிம் நேற்று கூறினார். இஸ்லாமியக் கல்லூரி அமைத்தல், தீவிரவாதச் சிந்த னையை எதிர்க்கவும் சமூக ஊட கத்தில் இளையர்களை எட்டவும் பயிற்சி அளித்தல், புதிய தலை முறை இளம் சமய ஆசிரியர்களை உருவாக்குதல் போன்றவை இதில் உள்ளடங்கும்.

‘பள்ளிகளில் தொல்லை கொடுத்தலை சகித்துக்கொள்ள முடியாது’

கோப்புப் படம்

தொல்லை கொடுத்தல் எந்த வடிவில் இருந்தாலும் சகித்துக் கொள்ள முடியாது என்று கல்வி அமைச்சர் (பள்ளிகள்) இங் சீ மெங் நேற்று நாடாளுமன்றத்தில் தெரிவித்தார். நாடாளுமன்ற உறுப்பினர் ஒருவரின் கேள்விக்கு பதில் அளித்த அவர், “சிங்கப்பூர் பள்ளி களில் ஒவ்வொரு குழந்தையும் பாதுகாப்பான உணர்வைப் பெற உரிமையிருக்கிறது,” என்றார். இணைப்பேராசிரியர் டேனியல் கோ, பள்ளிகளில் இடம்பெறும் தொல்லை கொடுத்தல் பற்றி கேட்ட கேள்விக்கு அவர் இவ்வாறு பதிலளித்தார். இந்த விவகாரம் தொடர்பில் ஆசிரியர்கள், மாண வர்கள் ஆகி யோருக்கான நடவடிக்கைகள் குறித்தும் திரு டேனியல் கோ கேள்வி எழுப்பினார்.

தடை செய்யப்பட்ட இடத்தில் புகை பிடித்தவர்களுக்கு அபராதக் கடிதம்

படம்: ஸ்ட்ரெய்ட்ஸ் டைம்ஸ்

தடை செய்யப்பட்ட இடங்களில் புகைபிடித்த குற்றத்திற் காக கடந்த ஆண்டு 19,000 அபராதக் கடிதங்கள் வழங்கப்பட்டன. இந்த எண்ணிக்கையில் 2,600 பேர் உணவு நிலையங்களில் புகைபிடித்தவர்கள் என்று சுகாதார, சுற்றுப்புற, நீர்வள மூத்த துணை அமைச்சர் டாக்டர் ஏமி கோர் தெரிவித்தார். ஜாலான் புசார் குழுத் தொகுதி நாடாளுமன்ற உறுப்பினர் டென்னிஸ் புவா கேட்ட கேள்விக்கு பதிலளித்த அவர், “எல்லா பொது இடங்களிலும் புகைபிடிப்பதை தடை செய்வதே அரசாங்கத்தின் நீண்டகால இலக்கு,” என்றார். புகைபவர்களுக்கு அருகில் உள்ள புகை பிடிக்காதவர்களை பாதுகாப்பதே இந்த நடவடிக்கையின் நோக்கம் என்று அவர் கூறினார்.

Pages