You are here

சிங்க‌ப்பூர்

தீவிரவாத மனப்போக்கை தடுக்கும் முயற்சியால் பலன்

‘தீவிரவாதம் வேண்டாம்’ எனும் பிரசாரங்கள் சில நேரங்களில் அசௌகரியமானதாக இருந்த போதும் அதற்கான பலன் கிடைத்து இருக்கிறது என்று உள்துறை, சட்ட அமைச்சர் கா. சண்முகமும், முஸ்லிம் சமூகத் தலைவர்களும் குறிப்பிட்டுள்ளனர். சமூகங்களைப் பிரிக்கக்கூடிய நடைமுறைகளைச் சிங்கப்பூரர் களால் நிராகரிக்க முடியும் என்று தீவிரவாதத்துக்கு எதிரான இன்னும் உறுதியாக இருக்க முஸ்லிம் சமூகத்துக்கு உதவுவது தொடர்பான நேற்றைய கருத் தரங்கு ஒன்றில் அவர்கள் மேலும் தெரிவித்தனர். தீவிரவாதத்துக்கு எதிரான பிரசாரம் “ஏற்றுக்கொள்ளப்பட்டு உள்ளது.

முறைத்துப் பார்த்ததால் கத்திக்குத்து

மாறி மாறி முறைத்துக்கொண்ட சம்பவங்கள் ஒருவர் இன்னொருவரைக் கத்தியால் குத்தும் அளவுக்குக் கொண்டு சென்றன. பகுதி நேரமாக வண்ணம் பூசும் வேலை செய்து வந்த திரு பாங் கோக் பெங், 58, என்ற ஆடவரைப் பலமுறை கத்தியால் குத்திய ஆலன் இயோ ஹூய் ஹுவாட், 66, என்ற வேலையில்லா ஆடவருக்கு 43 மாதங்கள் சிறைத்தண்டனை விதிக்கப்பட்டது. திரு பாங்கும் ஆலனும் பல ஆண்டுகளாக அருகருகே வசித்து வந்தனர். இருந்தாலும் இருவரும் அவ்வப்போது முறைத்துக்கொள்வது வழக்கமாக இருந்துவந்துள்ளது. இதேபோல கடந்த ஏப்ரல் 8ஆம் தேதி, சாய் சீ அவென்யூ புளோக் 38ன் கீழ்த்தளத்திலுள்ள பொதுவெளியில் அமர்ந்திருந்த ஆலன் திரு பாங்கை முறைத்துப் பார்த்துள்ளார்.

பணிப்பெண் கீழே விழுந்த சம்பவம்: மனிதவள அமைச்சு விசாரணை

ஏழாவது மாடியில் உள்ள முதலாளியின் வீட்டில் சன்னலைச் சுத்தம் செய்துகொண்டிருந்த இந்தோனீசியப் பணிப்பெண் தவறி கீழே விழுந்த சம்பவம் குறித்து மனிதவள அமைச்சு விசாரித்து வருகிறது. தெம்பனிசில் உள்ள கரிஸ்ஸா பார்க் கூட்டுரிமைக் குடியிருப்பில் இம்மாதம் 3ஆம் தேதி அச்சம்பவம் நிகழ்ந்தது. கடந்த 2012ஆம் ஆண்டில் இருந்து முதலாளி அல்லது பெரியவர் ஒருவரின் மேற்பார்வை இல்லாமல் இல்லப் பணிப்பெண்கள் சன்னலின் வெளிப்பகுதியைச் சுத்தம் செய்ய அனுமதி இல்லை. சன்னல்களில் கிராதிகள் பொருத்தப்பட்டிருக்க வேண்டும். சன்னலைச் சுத்தம் செய்யும்போது கிராதிகள் பூட்டப்பட்ட நிலையில் இருக்கவேண்டும்.

ஸ்டேண்சார்ட் வங்கியிடம் சிங்கப்பூர் நாணய ஆணையம் விசாரணை

கர்ன்ஸி தீவிலிருந்து தனியார் வங்கி வாடிக்கையாளர்களின் 1.4 பில்லியன் அமெரிக்க டாலர் (S$1.9 பி.) மதிப்பிலான சொத்துகளை சிங்கப்பூருக்கு மாற்றிவிட்டது தொடர்பில் ஸ்டேண்டர்ட் சார்ட்டர்ட் வங்கி விசாரணையைச் சந்தித்து வருகிறது. புதிய வரி வெளிப்படைத்தன்மை விதிமுறைகள் அறிமுகப் படுத்தப்படுமுன் அந்தச் சொத்து மாற்றங்கள் இடம் பெற்றதாகச் சொல்லப்படுகிறது. இது குறித்து சிங்கப்பூர் நாணய ஆணையமும் கர்ன்ஸி நிதிச் சேவைகள் ஆணையமும் விசாரித்து வருவதாகக் கூறப்படுகிறது.

$138,000 மோசடி செய்தவருக்கு ஓராண்டு சிறை

விற்பனைகளுக்கான தரகுத் தொகை என்று கூறி தாம் பணி ஆற்றிய நிறுவனத்தின் நிர்வாக எழுத்தரை ஏமாற்றி $138,103 பணத்தை மோசடி செய்த நிர் வாகிக்கு 12 மாதங்கள் சிறைத் தண்டனை விதிக்கப்பட்டது. சென் சென் சாங், 44, என்ற ஆடவர் கடந்த மூன்று ஆண்டு களாக ‘9&நைன்’ என்ற வர்த்தக சமையலறைச் சாதனங்களை விநி யோகிக்கும் நிறுவனத்தை இப்படி பலமுறை ஏமாற்றியதாகக் கூறப் பட்டது. தைவான் நாட்டைச் சேர்ந்த வரான சென் $66,000 தொகை தொடர்பில் தன் மீது சுமத்தப்பட்ட ஆறு குற்றசாட்டுகளை கடந்த ஆகஸ்ட் மாதத்தில் ஒப்புக்கொண் டார். அந்தப் பணம் முழுவதையும் அவர் திருப்பியளித்துவிட்டார்.

முதல்வர்கள், மூத்த ஆசிரியர்களுக்கு வெளிநாட்டில் பயிற்சி, ஊக்கத்தொகை

புதிய மூன்றாண்டு ‘தலைவர்களுக் கான நிபுணத்துவ மேம்பாட்டுத் திட்டத்தில்’ பங்கெடுக்கத் தேர்வு பெறும் பாலர் பள்ளி முதல்வர் களுக்கும் மூத்த ஆசிரியர்களுக் கும் பயிற்சிக்காக வெளிநாடு செல்லும் வாய்ப்பு கிட்டும்; ஊக்கத் தொகையும் அளிக்கப்படும். நிறுவன, பாடத்திட்ட தலை மைத்துவத்தில் தரமான நடை முறைகளைக் கையாண்டு தங் களது கல்வி நிலையங்களை வழி நடத்த அவர்களுக்கு இந்தத் திட்டம் கைகொடுக்கும்.

பயணியைத் தாக்கிய டாக்சி ஓட்டிக்கு ஒரு வாரச் சிறை

நிர்வாகி ஒருவரின் முகத்தில் குத்துவிட்ட டாக்சி ஓட்டிக்கு ஒரு வாரச் சிறைத்தண்டனை விதிக்கப்பட்டது. சென்ற ஆண்டு ஜூன் 28ஆம் தேதி மாலை 5.40 மணி அளவில் ரிசோர்ட்ஸ் வோர்ல்ட் செந்தோசாவில் உள்ள டாக்சி நிறுத்தம் ஒன்றில் 37 வயதான திரு பாசு சாந்தனுவைத் தாக்கியதை ஒப்புக்கொண்டார் லிம் கிம் லீ, 42, என்ற அந்த டாக்சி ஓட்டி. திரு சாந்தனுவும் அவருடைய குடும்பத்தாரும் அந்த டாக்சி நிறுத்தத்தில் டாக்சிக்காக வரிசையில் காத்திருந்தனர். அந்த நிறுத்தத்தில் இருந்து டாக்சி வெளியேறும் வழியில் லிம் தமது கிரைஸ்லர் டாக்சியை நிறுத்தி, வாடிக்கையாள ருக்காக காத்துக்கொண்டிருந்தார்.

என்டியூசி ஃபேர்பிரைஸின் தீட்டப்படாத அரிசி பற்றிய விழிப்புணர்வு பிரசாரம்

தீட்டப்படாத அரிசி பற்றிய தகவல்களை ஆறு மாத விழிப்புணர்வு பிரசாரம் மூலம் மக்களுக்கு தெரியப்படுத்தவுள் ளது, என்டியூசி ஃபேர்பிரைஸ் நிறுவனம். மேலும் நேற்று முதல் என்டியூசி ஃபேர்பிரைஸில் தீட்டப் படாத அரிசி வாங்குவோருக்கு விலைக்கழிவும் வழங்கப்படுகிறது. தேசிய அளவில் நீரிழிவு நோயைக் கட்டுப்படுத்த துவங்கப் பட்ட திட்டத்திற்கு ஆதரவாக, மக்கள் எளிய முறையில் தீட்டப் படாத அரிசிக்கு தங்கள் உணவுப் பழக்கத்தை மாற்றிக்கொள்ள ஏது வாக இத்தகைய முறையை அந்த கடைத் தொகுதி கையாளுகிறது. நீரிழிவு நோய் பற்றிய விழிப்பு ணர்வு, பிரதமர் லீ சியன் லூங்கின் தேசிய தின பேரணியில் சுட்டிக் காட்டப்பட்டது.

சுற்றுபுறத்துக்கு ஏற்ற எரிசக்தி பயன்பாடு: நிறுவனங்களுக்கு எரிசக்தி செயல்திறனுக்கான விருதுகள்

வில்சன் சைலஸ்

ஜூரோங் தீவின் ஆலையில் பயன்படுத்தப்பட்ட இயற்கை எரி வாயுவை முற்றிலும் நிறுத்தியதன் மூலம் $2.5 மில்லியனைச் சேமிக்க வழிவகுத்த ‘ஏக்ட்சிஸ்ட்ஸ் பிரோ செஸ்’ எனும் நிர்வாக ஆலோசனை கள் வழங்கும் நிறுவனம், 2017ஆம் ஆண்டுக்கான தலைசிறந்த எரி சக்தி நிர்வாகி என்ற விருதைப் பெற்றுள்ளது. இத்துடன், கழிவு எரிவாயு, கழிவுத் திரவங்கள் எரிக்க சிறப்பு ‘பர்னர்’களை ஜூரோங் தீவின் ஆலைக்குப் பரிந்துரை செய்த நிறுவனம், வேறொரு ஆலையும் நீராவி நுகர்வை 17 விழுக்காடாக குறைப்பதற்கு தனது பரிந்துரைகள் மூலம் கைகொடுத்துள்ளது.

போலி இணையத்தளம்: குடிநுழைவு, சோதனைச் சாவடி ஆணையம் எச்சரிக்கை

குடிநுழைவு, சோதனைச் சாவடி ஆணையத்தின் பெயரில் போலி இணையத்தளம் ஒன்று இருப் பதாகவும் வருகையாளர்களின் விசா குறிப்பு எண்களையும் கடவுச்சீட்டு எண்களையும் கள வாடும் முயற்சியில் அது ஈடு பட்டு வருவதாகவும் தகவல் வெளியாகி உள்ளது. www.singaporeonline-epass. com என்பது அந்த போலி இணையத்தளத்தின் முகவரி என குடிநுழைவு, சோதனைச் சாவடி ஆணையம் தெரிவித்து உள்ளது. பொதுமக்கள் இந்த மோசடியில் சிக்கிவிடாமல் இருக்க இணையத் தள முகவரியை பயன்படுத்து நன்கு சோதித்துப் பார்த்த பின்னர் பயன்படுத்துமாறு ஆணையம் வேண்டுகோள் விடுத்துள்ளது.

Pages