You are here

சிங்க‌ப்பூர்

புருணை தளபதிக்கு சிங்கப்பூரின் உயரிய விருது

படம்: தற்காப்பு அமைச்சு

புருணை அரச கடற்படைத் தள பதிக்கு சிங்கப்பூரின் பெருமை மிக்க ராணுவ விருது வழங்கிச் சிறப்பிக்கப்பட்டு இருக்கிறது. தற்காப்பு அமைச்சில் நேற்றுக் காலை நடந்த விருது வழங்கும் நிகழ்ச்சியில் புருணை யின் முதல் அட்மிரல் பெங்கிரான் நொராஸ்னி பெங்கிரான் ஹாஜி முகமதுக்கு தற்காப்பு அமைச்சர் இங் எங் ஹென், மெச்சத்தக்க சேவை விருதை (ராணுவம்) வழங்கிச் சிறப்பித்தார்.

உள்ளூர் ஊழியர்களுக்கு உதவி

சிங்கப்பூரில் இல்லாத திறன் களையும் அறிவாற்றலையும் உள் ளூர் தொழிலாளர்களுக்குக் கற்றுக்கொடுக்க வெளிநாட்டுப் பயிற்றுவிப்பாளர்களிடம் உதவி நாடிச்செல்லும் நிறுவனங்கள் இப்போது புதியதொரு திட்டத் தைப் பயன்படுத்தலாம். வெளிநாட்டு, உள்நாட்டுப் பயிற்றுவிப்பாளர்கள், உள்ளூர் பயிற்சியாளர்கள் ஆகியோரின் சம்பளத்திற்கும் பயிற்சிக்கும் 30 -90% வரை நிதியளிக்கும் முன் னோட்டத் திட்டத்தை மனிதவள அமைச்சுத் தொடங்கியிருக்கிறது. வெளிநாட்டுக்குச் சென்று பயிற்சி பெறுவதற்கும் இந்நிதி உதவும்.

புக்கிட் பாத்தோக் விபத்தில் நான்கு வயது சிறுமி மரணம்

புக்கிட் பாத்தோக் சென்ட்ரலில் நிகழ்ந்த சாலை விபத்தில் நான்கு வயது சிறுமி பரிதாபமாக உயி ரிழந்தார். இதன் தொடர்பில் 53 வயது கார் ஓட்டுநர் ஒருவரை காவல் துறையினர் கைது செய்துள்ளனர். இந்த விபத்தில் சிறுமியுடன் 37 வயது பெண்ணும் காயம் அடைந்தார். திங்கட்கிழமை அன்று புக்கிட் பாத்தோக் வெஸ்ட் அவென்யூ 2ல் நிகழ்ந்த விபத்து குறித்து மாலை 6.41 மணி அளவில் தகவலறிந்த காவல்துறையினர் அங்கு விரைந்தனர். சிங்கப்பூர் குடிமைத் தற்காப்புப் படையும் இரண்டு ஆம்புலன்ஸ் வாகனங்களை அங்கு அனுப்பி யிருந்தது. விபத்தில் சிக்கிய சிறுமி சுயநினைவின்றிக் கிடந்தார்.

தனியார் வீடு மறுவிற்பனை விலை 0.1 விழுக்காடு கூடியது

தனியார் அடுக்குமாடி வீடுகளின் மறுவிற்பனை விலை ஆகஸ்ட் மாதத்துடன் ஒப்பிடுகையில் செப்டம்பரில் 0.1% கூடியது. செப்டம்பரில் ஆகஸ்ட்டைவிடக் குறைவான வீடுகளே கைமாறின என்று எஸ்ஆர்எக்ஸ் சொத்துச் சந்தை நிறுவனம் தெரிவித்து உள்ளது. ஆகஸ்ட்டில் வீடுகளின் மறுவிற்பனை விலை 0.7% உயரும் என்று இந்த நிறுவனம் தொடக்கத்தில் கணித்திருந்தது. ஆனால் அந்த உயர்வு 0.9% ஆக இருக்கும் என்று பிறகு அது திருத்தியது. சிங்கப்பூரில் சென்ற ஆண்டு நவம்பர் முதல் தனியார் வீடுகளின் மறுவிற்பனை விலை மீட்சிகண்டு வருகிறது. ஓராண்டுக்கு முந்தைய நிலவரத்துடன் ஒப்பிடுகையில் செப்டம்பரில் இந்த விலை 4.3% அதிகம்.

விமரிசையாக நடந்த தீமிதித் திருவிழா

பூக்குழியை நெருங்கிய 23 வயது ஜதீஸ்வரனுக்கு சற்று படபடப்பாக இருந்தது. என்றாலும் முழுமனதுடன் வேண்டுதலை நிறைவேற்றுவதில் கவனத்தைச் செலுத்திய அவர், வெற்றிகரமாக பூக்குழியைக் கடந்த வுடன் பக்கபலமாக இருந்த தந்தையை கட்டிப்பிடித்து ஆனந்தக் கண்ணீர்விட்டார். சவுத் பிரிட்ஜ் சாலை ஸ்ரீ மாரியம்மன் கோவிலில் நேற்று முன்தினம் சிறப்போடு நடைபெற்ற தீமிதித் திருவிழாவில் உற்சாகத் துடன் பூக்குழி இறங்கிய 4,000க்கும் மேற்பட்ட ஆண் பக்தர்களுள் ஜதீஸ்வரன் நாயுடுவும் ஒருவர்.

வெளிநாட்டு வாகனங்கள் மலேசியாவுக்குள் நுழைய 25 ரிங்கிட் அனுமதிக் கட்டணம்

வெளிநாட்டில் பதிவு செய்யப்பட்ட வாகனங்கள் மலேசியாவுக்குள் நுழைய வாகன நுழைவு அனுமதிக் கட்டணமாக 25 மலேசிய ரிங்கிட் (S$8.06) செலுத்தும் நடைமுறை கூடிய விரைவில் அறிமுகமாக உள்ளது என்று அந்நாட்டின் போக்குவரத்து அமைச்சர் லியோவ் டியோங் லை தெரிவித்துள்ளார். ஒருமுறை பெறப்படும் வாகன நுழைவு அனுமதி ஐந்தாண்டு களுக்குச் செல்லத்தக்கதாக இருக்கும். நுழைவு அனுமதி பெற்றதற்கு அடையாளமாக வழங் கப்படும் ‘ஆர்எஃப்ஐடி’ எனும் அடையாள வில்லையை வாகன உரிமையாளர்கள் தங்களது வாக னங்களின் முன்புறக் கண்ணாடி யில் வைத்திருக்க வேண்டும்.

‘ஆயுதப் படை வீரர்களின் பாதுகாப்புக்கு முக்கியத்துவம்’

படம்: சாவ் பாவ்

ராணுவ வீரர்கள் கடுமையான, நடைமுறைப் பயிற்சிக்கு உட்படுத் தப்பட்டாலும் பாதுகாப்புக்கு இன் னமும் பெரும் முக்கியத்துவம் அளிக்கப்படுவதாக இரண்டாம் தற்காப்பு அமைச்சர் ஓங் யி காங் தெரிவித்துள்ளார். ‘வாலபி’ ராணுவப் பயிற்சியில் பங்குபெறும் சிங்கப்பூர் ஆயுதப் படை வீரர்களைப் பார்வையிட ஆஸ்திரேலியா சென்றிருந்த போது அமைச்சர் ஓங் இவ்வாறு கருத்துரைத்தார். இந்த ‘நிலையான இக்கட்டை’ சமாளிக்க படைத்தலைவர்களும் அவர்களது படைப்பிரிவுகளும் பல ஆண்டுகளாக முயன்று வருகிறார்கள் என்றார் திரு ஓங். சிரமமான ராணுவப் பயிற்சி களில் இடர்ப்பாடுகள் எப்போ துமே இருக்கும் என்றும் அவர் குறிப்பிட்டார்.

ரயில் சேவையில் தடை; அதிக நடவடிக்கைகள் தேவை

படம்: நிலப் போக்குவரத்து ஆணையம்

வடக்கு-தெற்கு ரயில் தடத்தின் சுரங்கப் பாதையில் நீரை வெளியேற்றும் கருவிகள் பழுதடைந்து ரயில் சேவை தடைப்பட்ட சம்பவம் மீண்டும் நிகழாமல் இருக்க அதிக நடவடிக்கைகள் எடுக்கப்பட வேண்டும் என்று போக்குவரத்து நிபுணர்கள் கூறியுள்ளனர். கூடுதல் சோதனைகளும் மாற்று செயல் கட்டமைப்பும் இத்தகைய சம்பவங்களைத் தடுக்க உதவும் என்று நிபுணர்கள் கருத்துரைத்ததாக ஸ்ட்ரெய்ட்ஸ் டைம்ஸ் செய்தி குறிப்பிட்டது.

10,000 வீவக வீடுகளுக்கு திறன்வாய்ந்த குளியல் ‘ஷவர்’

தேவைக்கு ஏற்ப கட்டப்படும் 10,000 புதிய வீவக வீடு களில் 2018ஆம் ஆண்டின் முற்பகுதியில் திறன்வாய்ந்த குளியல் ‘ஷவர்’ பொருத்தப் படும் என்று தேசிய நீர் முகவையான பொதுப் பயனீட்டுக் கழகம் நேற்று தெரிவித்தது. இத்தகைய திறன் ஷவர்களை ஆம்பிரோ, ஸ்மார்ட் & புளு ஆகிய இரு நிறுவனங்கள் தயாரித்து விநியோகிக்க விருக்கின்றன. இந்த இரண்டு நிறுவனங்களும் தலா 10,000 சாதனங்களைத் தயாரிக்கும். எந்த வீடுகளுக்கு நவீன ஷவர் பொருத்தப்படுவது என்பது குறித்து வீவக இறுதி செய்து வருகிறது.

Pages