You are here

உல‌க‌ம்

வடகொரியாவுக்கு எதிராக தடைகள் தேவைப்படுகிறது

மணிலா: ஏவுகணை சோதனை களை தொடர்ந்து மேற்கொண்டு வரும் வடகொரியாவுக்கு எதிராக தடைகள் தேவைப்படுகிறது என்று சீன வெளியுறவு அமைச்சர் வாங் யி கூறினார். ஆனால் தடைகள் மட்டுமே இறுதித் தீர்வு ஆகாது என்றும் பேச்சுவார்த்தையின் மூலமே பிரச்சினைக்குத் தீர்வு காண முடியும் என்றும் அவர் சொன்னார். மணிலாவில் நடந்த ஆசியான் வெளியுறவு அமைச்சர்கள் கூட் டத்தின் தொடர்பில் நடந்த சந்திப் பின்போது திரு வாங் இவ்வாறு கூறினார். வடகொரியா மீது ஐநா பாதுகாப்பு மன்றம் விதித்துள்ள புதிய தடைகள் உரிய நேரத்தில் எடுக்கப்பட்ட சரியான நடவடிக்கை என்றும் அவர் சொன்னார்.

காட்டில் தீ மூட்டுபவரை சுட இந்தோ. ராணுவம் உத்தரவு

ஜகார்த்தா: இந்தோனீசிய காடு களில் வேண்டுமென்றே தீ மூட்டு பவர்களைக் கண்டதும் சுடும்படி ஜாம்பி மாநிலத்தில் உள்ள இந்தோனீசிய ராணுவ அதிகாரிகள் நேற்று உத்தரவு பிறப்பித்துள்ளனர். அப்பகுதியில் காட்டுத் தீயால் ஏற்பட்டுள்ள புகைமூட்டத்தால் அப்பகுதி மக்கள் பெறும் அவதிக் குள்ளாகியுள்ளனர். அவர்களின் வாழ்வாதாராம் பாதிக்கப்பட்டுள் ளன. இந்நிலையில் அதிகாரிகள் முன்னெடுக்கும் முயற்சிகளால் காட்டுத் தீயைக் கட்டுக்குள் கொண்டுவருவது பெரும்பாடாய் உள்ளது. உடனடியாக இந்தப் பிரச்சினைக்குத் தீர்வுகாண வேண்டும் என்பதால் காட்டுத் தீயை வேண்டுமென்றே மூட்டுப வரை கண்டதும் சுடும்படி ராணு வம் நேற்று அதிரடி உத்தரவு பிறப்பித்தது.

லஞ்ச ஊழல்: சீனாவின் வங்கியாளருக்கு 14 ஆண்டுகள் சிறை

ஷங்காய்: சீனாவின் டெவலப்மெண்ட் வங்கியின் மேலாண்மைக் குழுவின் தலைவர் ஒருவர் லஞ்ச ஊழலில் சிக்கியுள்ளார். அவருக்கு அந்நாட்டு நீதிமன்றம் 14 ஆண்டுகள் சிறைத் தண்டனையும் $520,276 அபராதமும் விதித்துள்ள தாக லஞ்ச ஒழிப்புத் துறை தெரி வித்துள்ளது. சீனாவின் மத்திய ஒழுங்கு ஆய்வக ஆணையம் அதன் இணையத் தளத்தில் வெளியிட்ட ஓர் அறிக்கையில் இதனைத் தெரி வித்தது. யோ ஸே„ங்மின் என்ற அந்த அதிகாரி அவர் பணி செய்த காலங்களில் 2002 மற்றும் 2013 ஆகிய ஆண்டுகளில் 3.5 மில்லி யன் யுவான் பணத்தை அவரது சகோதரர் மூலம் நேரடியாகவும் மறைமுகமாகவும் லஞ்சமாகப் பெற் றுள்ளார்.

கரும்புச்சாறு பிழியும் இயந்திரத்தில் கையை இழந்த தாய்லாந்து ஊழியர்

பேங்காக்: வரிசையில் காத்திருந்த வாடிக்கையாளர்களுக்கு வேகமாக கரும்புச்சாறு பிழிந்து கொடுப்பதற்காக அவசர அவசரமாக கரும்பை ஒவ்வொன்றாக இயந்திரத்தில் நுழைத்து சாறுபிழியும்போது கரும்புடன் சேர்ந்து கையும் இயந்திரத்தின் உள்ளே இழுக்கப்பட்டு நைந்துபோனது. உடனடியாக அந்த இயந்திரத்தின் மின்சாரத்தை நிறுத்தி விட்டார். அங்கிருந்தவர்கள் ஓடி வந்து அவரது நைந்துபோன கையை இயந்திரத்தில் இருந்து அகற்றி எடுத்து அவரை மருத்துவமனையில் சேர்த்தனர்.

லாட்டரியில் S$8மி. பரிசுத் தொகை வென்ற மலேசிய விற்பனையாளர்

பெட்டலிங் ஜெயா: மலேசியாவில் ‘டா மா சாய் ஜாக்பாட்’ என்னும் லாட்டரி குலுக்கலில் 25.9 மி. ரிங்கிட் (S$8 மி.) பரிசுத் தொகையை வென்றுள்ளார் கோலாலம்பூரை சேர்ந்த 30 வயது விற்பனையாளர் ஒருவர். தான் வழக்கமாக லாட்டரி சீட்டு வாங்கும் இடமான கெப்போங்கில் தனது குழந்தைகளின் அடையாள அட்டையில் உள்ள எண்களை வைத்து விளையாடி பெருந்தொகையை பரிசாக வென்றார். பாதுகாப்புக் காரணங்களுக்காக அவரது பெயர் விவரங்கள் வெளியிடப்படவில்லை. ‘டா மா சாய்’ லாட்டரியில் இந்த ஆண்டில் மட்டும் 75 மில்லியன் ரிங்கிட் ஜாக்பாட் பரிசாக வழங்கப்பட்டுள்ளது.

நகையுடன் தப்பியோடிய வாடிக்கையாளர்

காஜாங்: மலேசியாவின் காஜாங்கில் உள்ள பண்டார் பாரு பங்கி என்னுமிடத்தில் உள்ள ஒரு நகைக் கடையில் வாடிக்கையாளர் ஒருவர், பத்தாயிரம் ரிங்கிட் (S$3,170) மதிப்புள்ள நகையுடன் ஓட்டம் பிடித்தார். இருபது வயது மதிக்கத்தக்க பெண் ஒருவர், வாடிக்கையாளர் போல் கடைக்குள் நுழைந்தார். அங்கு விற்பனைக்காக காட்சிக்கு வைக்கப்பட்டிருந்த தங்கக் காப்பு ஒன்றைச் சுட்டிக்காட்டி அதன் விலை என்னவென்று கேட்டார். கடைக்காரரோ அந்த நகையை எடுத்து அந்தப் பெண்ணிடம் கொடுத்தார். அந்தப் பெண்ணோ, காட்சிக்கு வைக்கப்பட்டிருந்த இன்னொரு தங்கக் காப்பைக் காட்டி அதை எடுக்குமாறு கூறினார்.

வெல்ல முடியாதவராக விடைபெற விரும்பும் போல்ட்

உசேன் போல்ட்

லண்டன்: உலகத் திடல்தட வெற்றியாளர்கள் போட்டியிலும் வாகை சூடி, வெல்ல முடியாத வீரராக விடைபெற விருப்பம் தெரிவித்துள்ளார் மின்னல் வேக வீரரான ஜமைக்காவின் உசேன் போல்ட். ஒலிம்பிக் போட்டிகளில் எட்டு தங்கமும் உலக திடல்தட வெற்றி யாளர்கள் போட்டிகளில் 11 தங்க மும் வென்றிருக்கும் போல்ட், இம்முறையும் 100 மீ., 4x100 மீ. பந்தயங்களில் உலக வெற்றி யாளர் பட்டத்தைத் தக்கவைக்கும் முனைப்பில் உள்ளார். இவ்வாண்டில் மூன்று முறை 100 மீ. ஓட்டத்தில் பங்கேற்றுள்ள போதும் ஒருமுறை மட்டுமே பத்து வினாடிகளுக்கும் குறை வான நேரத்தில் அந்த தூரத்தைக் கடந்துள்ளார்.

மகாதீர்: என்னை மலாய்க்காரர்கள் பயன்படுத்திக்கொண்டனர்

பெட்டாலிங் ஜெயா: மலேசியா வின் முன்னாள் பிரதமர் டாக்டர் மகாதீர், சொந்த நலன்களுக்காக மலாய்க்காரர்களும் அம்னோ வும் தம்மைப் பயன்படுத்திக் கொண்டதாகத் தெரிவித்துள் ளார். அம்னோ கட்சிதான் தம் மைத் தேர்ந்தெடுத்ததாகவும் மலாய்க்காரர்கள் அதனைப் பயன்படுத்திக் கொண்டதாகவும் அவர் கூறினார். இதன் காரணமாக பிரதம ராகவோ அல்லது 22 ஆண்டுகள் அம்னோ தலை வராகவோ எந்தவிதப் பலனும் தாம் அடையவில்லை என்றார் அவர். “அம்னோதான் என்னைத் தலைவராகத் தேர்ந்தெடுத்தது. நான் தலைவராக விரும்பவில் லை.

துபாய் கட்டடத்தில் தீ

துபாய்: துபாயில் உள்ள உயரமான குடியிருப்புக் கட்ட டத்தில் நேற்று மீண்டும் தீ விபத்து ஏற்பட்டது. இது, இரண்டு ஆண்டுகளில் நிகழ்ந்துள்ள இரண்டாவது தீ விபத்தாகும். சமூக ஊடகங்களில் பரவிய காணொளிகளில் உயரமான கட்டடத்தில் தீ பரவி, இடிபாடுகள் விழுவதைக் காட்டின. பின்னர் செய்தியாளர்களிடம் பேசிய அதிகாரிகள், குடிமைத் தற்காப்பு ஊழியர்கள், கட்டடத்திலிருந்த குடியிருப்பாளர் களை வெளியேற்றிவிட்டனர் என்றும் தீ கட்டுக்குள் கொண்டு வரப்பட்டுள்ளது என்றும் கூறினர். உலகின் உயரமான கட்டடங்களில் ஒன்றான ‘டார்ச் டவர்’ கட்டடத்தில் தீ விபத்து ஏற்பட்டதற்கான காரணம் தெளிவாகத் தெரியவில்லை.

டிரம்ப்-ரஷ்ய விவகாரத்தில் விசாரணைக் குழு உருவாக்கம்

வா‌ஷிங்டன்: சென்ற ஆண்டு நடந்த அதிபர் தேர்தலில் ரஷ்யா வின் தலையீட்டை விசாரணை செய்ய சிறப்பு விசாரணைக் குழுவை சிறப்பு விசாரணை அதி காரி ராபர்ட் முல்லர் அமைத்திருப் பதாக வால்ஸ்திரீட் ஜர்னல் வியாழனன்று செய்தி வெளி யிட்டுள்ளது. இந்த விசாரணையின் முடிவில் குற்றச் சாட்டுகள் பதிவு செய்யப்படும் சாத்தியம் இருப்ப தாகக் கூறப்படுகிறது. சிறப்பு விசாரணைக் குழு அண்மை வாரங்களில் அமெரிக்கத் தலைநகர் வா‌ஷிங்டனில் விசார ணையைத் தொடங்கியதாகப் பெயரிடப்படாத இரு தரப்பினரி டமிருந்து தகவல் கிடைத்ததாகச் செய்தித்தாள் தெரிவித்தது.

Pages