You are here

உல‌க‌ம்

கனடாவின் புதிய அரசியல் நாயகரான ஜக்மீட் சிங்

ஒட்டாவா: கனடாவின் ‘புதிய ஜனநாயகக் கட்சியின்’ புதிய தலைவராக திரு ஜக்மீட் சிங் (படம்) தேர்ந்தெடுக்கப்பட்டுள்ளார். 38 வயதுடைய திரு சிங், கனடாவின் பிரதமர் ஜஸ்டின் டுருடியூவின் குணங்களை கொண்டிருப்பதாக கூறப்படுகிறது. பிரதமர் டுருடியூவின் குணங் களே அவர் மக்கள் மனதை கவர்ந்து 2015ல் ஆட்சிக்கு வர காரணமாக இருந்தது. அது போலவே, திரு சிங்கும் கனடா வின் முக்கிய அரசியல் கட்சியின் தலைமைப் பொறுப்பை இப்போது ஏற்க காரணமாக இருந்தது.

வடகொரியா: எத்தகைய தடைகளையும் தாக்குப்பிடிக்க முடியும்

ஐநா: எங்களுடைய நாட்டின் வளர்ச்சியை தடுத்து நிறுத்த அமெரிக்கா முயற்சி செய்வதாக குற்றம்சாட்டியுள்ள ஐநாவுக்கான வடகொரிய தூதர், “எத்தகைய தடைகளையும் தாக்குப்பிடிக்க முடியும்,” என்று கூறியுள்ளார். சுயசார்புடன் சுயமேம்பாட்டுடன் செயல்படும் வடகொரியா வால் தடைகளை தாங்கிக் கொள்ள முடியும் என்று தூதர் ஜா சோங் நாம் சொன்னார். 2050ல் ஏழ்மையை ஒழிக்கும் நோக்கத்துடன் ஐநாவின் உலகளாவிய மேம்பாடு குறித்து நடைபெற்ற விவாதத்தில் தூதர் பேசினார். “அமெரிக்கா தொடர்ந்து அணுவாயுத மிரட்டல்களையும் பொருளியல் தடைகளையும் விதித்துவருகிறது. எங்களுடைய உரிமைகள் மறுக்கப்படுகின்றன,” என்று திரு ஜா சொன்னார்.

தாக்குதலில் இறந்தவர்களுக்கு லாஸ் வேகஸ் மக்கள் அஞ்சலி

படம்: ஏஎஃப்பி

லாஸ் வேகஸ்: அமெரிக்காவின் லாஸ் வேகஸ் நகரில் நடந்த துப்பாக்கிச் சூட்டு சம்பவத்தில் உயிரிழந்தவர்களுக்கு அமெரிக்க மக்கள் நேற்று மெழுகுவர்த்திகளை ஏற்றி அஞ்சலி செலுத்தினர். அந்த வரிசையில் வெள்ளை மாளிகையில் நேற்று மெளன அஞ்சலி செலுத்தப்பட்டது. அஞ்சலி நிகழ்ச்சியில் அதிபர் டோனல்டு டிரம்ப், அவரது மகள் இவங்கா, மருமகன் ஜெரட் குஷ்னர், தேசிய பாதுகாப்பு ஆலோசகர் மெக்மாஸ்டர், வெள்ளை மாளிகை பத்திரிகை செயலாளர் சாரா சாண்டர்ஸ், நிதி அமைச்சர் ஸ்டீபன் மற்றும் முக்கிய அதிகாரிகள் கலந்து கொண்டனர்.

லாஸ் வேகஸ் தாக்குதல் நடத்தியவன் அறையில் வீட்டிலும் ஆயுதக் குவியல்

படம்: பேடோக் குடும்பம்

அமெரிக்காவின் லாஸ் வேகஸ் நக ரில் கொடூரத் தாக்குதல் நடத்திய ஸ்டீஃபன் கிரேக் பேடோக் தங்கி இருந்த ஹோட்டல் அறையிலும் அவனது வீட்டிலும் ஏராளமான ஆயுதங்கள் கண்டெடுக்கப்பட்டுள் ளன. உள்ளூர் நேரப்படி ஞாயிற்றுக் கிழமை இரவு 10 மணிக்குப் பின்னர் இசை நிகழ்ச்சி ஒன்றில் நடத்தப்பட்ட தாக்குதலே நவீன அமெரிக்காவின் ஆக மோசமானது என்று கூறப்படுகிறது. லாஸ் வேகஸ் வில்லேஜ் திறந்த வெளியில் நடைபெற்ற இசை நிகழ்ச்சியில் சுமார் 22 ஆயிரம் பேர் ஒன்றுதிரண்டு இருந்தபோது அவர் களை நோக்கி துப்பாக்கிச்சூடு நடத்தப்பட்டது. அதில் 59 பேர் மாண்டனர், 527 பேர் காயமுற்றனர்.

பழங்கால தட்டு S$52 மில்லியனுக்கு ஏலம் போனது

ஹாங்காங்: சீனாவின் சோங் சாம்ராஜ்ஜியத்தில் பயன்படுத்தப்பட்ட 1,000 ஆண்டுகள் பழமை வாய்ந்த தட்டு 37.7 மில்லியன் அமெரிக்க டாலருக்கு (S$51.5 மில்லியன்) நேற்று ஏலம் போனது. ஏலம் போன அந்தத் தட்டு கி.பி. 960 ஆம் ஆண்டு முதல் 1127 ஆம் ஆண்டு வரையில் உள்ள காலகட்டத்தில் பயன்படுத்தப்பட்டது. இதற்கு முன்பு 2014ஆம் ஆண்டில் மிங் சாம்ராஜ்ஜியத்து பழரசக் கோப்பை 36.05 மில்லியன் அமெரிக்க டாலருக்கு ஏலம் போனது. அதனை ஒரு ஷாங்ஹாய் செல்வந்தர் ஏலத்திற்கு எடுத்தார் என சோதபி ஏலக்குழு தெரிவித்தது. 10.2 மில்லியன் அமெரிக்க டாலர் மதிப்பில் ஆரம்பிக்கப்பட்ட ஏலம் இருபது நிமிடங்களில் முடிவடைந்தது.

தாய்லாந்திற்கு ஏற்றுமதியை அதிகரிக்க விரும்பும் அமெரிக்கா

வா‌ஷிங்டன்: தாய்லாந்திற்கான அமெரிக்காவின் ஏற்றுமதியை அதிகரிக்க விரும்புவதாக அமெரிக்க அதிபர் டோனல்ட் டிரம்ப் தெரிவித்துள்ளார். அமெரிக்கப் பயணம் மேற்கொண்டு வா‌ஷிங்டன் சென்று சேர்ந்துள்ள தாய்லாந்து பிரதமர் பிரயுத் சான்-ஓ-சா வை வெள்ளை மாளிகையில் வரவேற்றுப் பேசிய பின்னர் செய்தியாளர்களிடம் பேசியபோது திரு டிரம்ப் இதனைத் தெரிவித்தார். தாய்லாந்துக்கும் அமெரிக் காவுக்கும் இடையில் நீண்ட கால நட்பார்ந்த உறவு நிலவுவதாகவும் திரு டிரம்ப் குறிப்பிட்டார். அமெரிக்க அதிபராக தான் பொறுப்பேற்ற இந்த ஒன்பது மாத காலத்தில் தாய்லாந்துடனான அமெரிக்காவின் உறவு மேலும் வலுவடைந்திருப்பதாகவும் திரு டிரம்ப் கூறினார்.

வடகொரியாவுக்கு இணையச் சேவை வழங்கும் ரஷ்ய நிறுவனம்

சோல்: வடகொரியா அதன் இரண்டாம் இணையச் சேவையை ரஷ்ய நிறுவனத் திடம் இருந்து பெறவுள்ளது. இதனால் பெரிய அளவில் இணையத் தாக்குதல் நடத்தும் ஆற்றல் வடகொரியா பெற்றுவிடும் என இணையப் பாதுகாப்பு நிபுணர்கள் கூறியுள்ளனர். அண்மைய ஆண்டுகளாக நடந்த இணையத் தாக்குதல்கள் தொடர்பாக வடகொரியாவை மேற்கத் திய நாடுகள் வன்மையாகக் கண் டித்துள்ளன. சோனி பிக்சர்ஸ், வங்கிகள் போன்றவை இதனால் பாதிக்கப்பட்டுள்ளன. கணினிகள் செயலிழந்துபோன தருவாயில், பணம் கொடுத்தால்தான் மீண்டும் கணினி கள் இயங்க முடியும் என்ற நிலை ஏற்பட்டிருந்தது. இதனை வட கொரியா முற்றிலும் மறுத்துள்ளது.

கிம் ஜோங் நாம் கொலை வழக்கு: இரு பெண்களும் குற்றத்தை ஒப்புக்கொள்ளவில்லை

கொலைக் குற்றம் சாட்டப் பட்டுள்ள வியட்னாமியப் பெண் டோவன் தி ஹுவாங். படங்கள்: ஏஎஃப்பி

கோலாலம்பூர்: வடகொரியத் தலைவர் கிம் ஜோங் உன்னின் நெருங்கிய உறவினரான கிம் ஜோங் நாம் கொலை செய்யப்பட்டது குறித்த வழக்கு விசாரணை கோலாலம்பூர் நீதிமன்றத்தில் நேற்று தொடங்கியபோது அக்கொலை தொடர்பில் குற்றம் சாட்டப்பட்டுள்ள இரு பெண்களும் குற்றத்தை ஒப்புக்கொள்ளவில்லை. ஆனால் அவ்விரு பெண்களும், கிம் ஜோங் நாமின் முகத்தில் விஷத்தன்மை வாய்ந்த விஎக்ஸ் ரசாயனத்தைப் பூசியதற்கான தகுந்த ஆதாரங்கள் இருப்பதாக அரசாங்க துணை வழக்கறிஞர் நீதிமன்றத்தில் கூறினார்.

மோனார்க் விமானச்சேவை நிறுத்தம்; 110,000 பயணிகள் தவிப்பு

லண்டன்: பிரிட்டனின் மோனார்க் விமான நிறுவனம் தங்களின் போக்குவரத்துச் சேவைகளை உடனடியாக நிறுத்துவதாக இங்கிலாந்தின் விமானப் போக்குவரத்து ஆணையம் நேற்று அறிவித்தது. இந்த திடீர் அறிவிப்பால் சுமார் 110,000 பயணிகள் வெளிநாடுகளில் சிக்கித் தவிக்கும் நிலைக்கு ஆளாகியுள்ளனர். மேலும் 300,000 விமானப் பயண முன்பதிவுகளும் ரத்து செய்யப்பட்டுள்ளன. “விமானச் சேவைகள், விடுமுறைச் சேவைகளை ரத்து செய்வதற்காக வருந்துகிறோம்,” என்று மோனார்க் விமான நிறுவனம் டுவிட்டர் வழியாகத் தெரிவித்தது. விமானப் போக்குவரத்துத் துறையில் நிலவும் கடுமையான போட்டியினால் ஐரோப்பிய விமான நிறுவனங்கள் அழுத்தத்தைச் சந்திக்க நேரிடுகிறது.

போலிஸ் அதிகாரியை தாக்கிய சோமாலிய அகதி மீது கனடாவில் குற்றச்சாட்டு

அல்பெர்டா: கனடாவின் அல்பெர்டா மாநிலத்தில் ஐந்து பேரை கொலை செய்ய முயன்றது தொடர்பில் ஒரு சோமாலிய அகதி மீது கனடா போலிஸ் நேற்று குற்றம் சாட்டியது. அல்பெர்டா மாநிலத்தின் தலைநகரமான எட்மண்டனில் நேற்று முன்தினம் வாகனத்தில் வந்த ஒரு நபர் ஒரு போலிஸ் அதிகாரியை கத்தியால் குத்தினார். அதன் பின்னர் அவர் பாதசாரிகள் நான்கு பேர் மீது வாகனத்தை மோதினார். இவ்விரு தாக்கு தல்களும் பயங்கரவாதத் தாக்குதல் என்று கனடா போலிஸ் கூறியது. இத்தாக்குதல்களில் உயிர் சேதம் ஏதும் இல்லை. இச்சம்பவத்தில் பிடிபட்டவரின் அடையாளங்களை கனடா போலிஸ் வெளியிடவில்லை.

Pages