You are here

உல‌க‌ம்

நான்கு ஏவுகணைகளைப் பாய்ச்சும் திட்டம் பற்றி வடகொரியா அறிவிப்பு

வா‌ஷிங்டன்: அமெரிக்காவின் குவாம் தீவுக்கு வெகு அருகில் உள்ள கடல் பகுதியை நோக்கி நான்கு ஏவுகணைகளை பாய்ச்சத் திட்டமிட்டுள்ளதாக வடகொரியா அறிவித்துள்ளது. அத்திட்டத்திற்கு வடகொரியத் தலைவர் கிம் ஜோங் உன் அனுமதி கொடுத்துவிட்டால் ஆகஸ்ட் 15ஆம் தேதிக்குள் அதாவது இன்னும் ஓரிரு நாட் களுக்குள் ஹவாசோங்-12 ரக ஏவுகணைகளைப் பாய்ச்ச வடகொரியா தயாராக இருப்பதாக வடகொரிய ஊடகத் தகவல்கள் கூறின. அந்த ஏவுகணைகள் ஜப்பான் கடல் பகுதியைக் கடந்து குவாம் தீவுக்கு 30 கிலோ மீட்டர் தொலைவில் உள்ள கடல் பகுதியில் விழும் என்றும் வடகொரியா தெரி வித்துள்ளது.

ஐஎஸ் சந்தேகப் பேர்வழி துருக்கியில் கைது

அங்காரா: துருக்கியில் உள்ள விமானத் தளத்தில் அமெரிக்க விமானத்தை ஆளில்லா விமானத் தாக்குதல் மூலம் தகர்க்க திட்டமிட்டிருந்த சந்தேக நபரை துருக்கிய அதிகாரிகள் கைது செய்தனர். அந்த சந்தேக நபர், ஈராக் மற்றும் சிரியாவில் உள்ள ஐஎஸ் குழுவுடன் தொடர்புடையவர் என்று சந்தேகிக்கப்படுகிறது. ஐஎஸ் போராளிகளை தோற் கடிக்க போராடி வரும் அமெரிக்கா தலைமையிலான கூட்டணிப் படையில் துருக்கியும் இடம் பெற்றுள்ளது.

ஸிச்சுவானில் நிலநடுக்கம், நிலச்சரிவு: உயிர்ச்சேதம் அதிகரிப்பு, 175 பேர் காயம்

படம்: ஏஎஃப்பி

பெய்ஜிங்: சீனாவின் ஸிச்சுவான் மாநிலத்தில் நேற்று முன்தினம் நிகழ்ந்த சக்திவாய்ந்த நில நடுக்கத்துக்கும் அதையடுத்து ஏற்பட்ட நிலச்சரிவுக்கும் குறைந் தது 36 பேர் இறந்தனர். சுற்று லாப் பயணிகள் உட்பட 175க்கும் மேற்பட்டோர் காயம் அடைந்தனர் என்று உள்ளூர் அதிகாரிகள் தெரிவித்தனர். செவ்வாய்க்கிழமை இரவு 9.20 மணியளவில் ஏழு ரிக்டர் அளவுள்ள நிலநடுக்கம் ஜியூ ஷெய்கோ வட்டாரத்தைத் தாக்கியது. இதனால் அருகில் ஜியூ ஷெய்கோ இயற்கை பூங் காவில் இருந்த ஏராளமான சுற்றுலாப் பயணிகளும் காயம் அடைந்தனர்.

பிரதமர் நஜிப்: ரயில் திட்டத்தை அரசு உறுதியாக நிறைவேற்றும்

குவாந்தான்: சுமார் 55 பில் லியன் ரிங்கிட் மதிப்புள்ள (17.7 பில்லியன் வெள்ளி) ஈஸ்ட் கோஸ்ட் ரயில் திட்டத்தின் நில அகழ்வு நிகழ்ச்சியில் பேசிய பிரதமர் நஜிப், “அனைத்து மலேசியர்களின் வாழ்க்கையில் இந்த ரயில் திட்டம் மாற்றத்தை ஏற்படுத்தக்கூடியது,” என்றார். அதே சமயத்தில் இந்த ரயில் திட்டத்தைக் குறைகூறுபவர் களையும் அவர் சாடினார். சிலாங்கூரின் கொம்பாக் முதல் கிளந்தானின் பெங் காலான் குபுர் வரை 23 நிலை யங்களைக் கொண்ட ஈஸ்ட் கோஸ்ட் ரயில் திட்டத்தை சிலர் கீழறுக்க முயற்சி செய் கின்றனர் என்று குறிப்பிட்ட அவர், அரசு உறுதியளித்தபடி திட்டத்தை நிறைவேற்றியே தீரும் என்று சூளுரைத்தார்.

அமெரிக்காவின் தீவை தாக்க பரிசீலனை - வடகொரியா அறிவிப்பு

வா‌ஷிங்டன்: அமெரிக்காவின் பசிபிக் கடலில் உள்ள குவாம் தீவு மீது ஏவுகணை பாய்ச்சுவதைக் குறித்துப் பரிசீலித்து வருவதாக வடகொரியா அதிரடியாக அறிவித் துள்ளது. அமெரிக்க அதிபர் டோனல்ட் டிரம்ப் கடுமையான மிரட்டல் விடுத்ததைத் தொடர்ந்து வட கொரியாவின் இந்த அறிவிப்பு வெளியாகியிருக்கிறது. குவாம் மீது நீண்டதூரம் பாய்ந்து சென்று தாக்கும் ஏவு கணையை ஏவுவது குறித்துப் பரிசீலிக்கப்படுகிறது என்று வட கொரியாவின் அதிகாரபூர்வ செய்தி நிறுவனம் குறிப்பிட்டது. அதே குவாம் தீவில்தான் அமெரிக்காவின் குண்டு வீசும் விமானங்கள் நிறுத்திவைக்கப் பட்டுள்ளன.

பிரான்ஸ்: ராணுவ வீரர்கள் மீது கார் மோதல்

பாரிஸ் புறநகர்ப் பகுதியில் சுற்றுக் காவல் பணியில் ஈடுபட்டிருந்த ராணுவ வீரர்கள் மீது கார் மோதி யதில் அறுவர் காயமடைந்ததாக வும் அவர்களில் இருவரின் நிலை கவலைக்கிடமாக இருப்பதாகவும் போலிஸ் தெரிவித்தது. உள்ளூர் நேரப்படி வடமேற்குப் புறநகர்ப் பகுதியான லெவலுவா பெரேயில் நேற்றுக் காலை 8 மணி அளவில் இச்சம்பவம் நிகழ்ந்தது. சந்து ஒன்றில் அந்த பிஎம்டபிள்யூ கார் நிறுத்தப்பட்டு இருந்தது என்றும் படை வீரர்கள் குழு புறப்பட்டதும் கார் ஓட்டுநர் அதனை விரைந்து இயக்கி அவர்கள் மீது மோதச் செய்தார் என்றும் லெவலுவா பெரே நகர மேயரான பேட்ரிக் பல்கெனி சொன்னார்.

235 பிணைக் கைதிகள் விடுவிப்பு

மஸார்-ஷரிஃப்: ஆப்கானிஸ் தானின் தெற்கே ஒதுக்குப் புறமாக உள்ள கிராமத்திலிருந்து 235 பிணைக் கைதிகளை தலி பான் நேற்று விடுவித்தது. அதே கிராமத்தில்தான் ஐஎஸ்ஐஎஸ் போராளிகளுடன் சேர்ந்து பொதுமக்களில் 50 பேரை அது படுகொலை செய்த தாகக் கூறப்படுகிறது. “உள்ளூரின் மூத்தோர்களும் மாவட்ட அதிகாரிகளும் மேற் கொண்ட சமாதானப் பேச்சின் விளைவாக இன்று மாலை பெண்கள், குழந்தைகள் உட்பட 235 பேர் விடுவிக்கப்படுகின்ற னர்,” என்று நேற்று மாவட்ட ஆளுநரின் பேச்சாளர் ஒருவர் சொன்னார். “இவர்கள் அனை வரும் பாதுகாப்பாக சர்-இ-புல் நகருக்கு அனுப்பி வைக்கப் பட்டனர்.

சிங்கப்பூர்-மலேசியா ரயில் திட்ட வடிவமைப்பை மாற்ற ஜோகூர் சுல்தான் யோசனை

சிங்கப்பூருக்கும் மலேசியாவுக்கும் இடை யிலான பெருவிரைவு போக்குவரத்துத் திட்டத் தின் வடிவமைப்பு தொடர்பாக ஜோகூர் சுல்தான் கடுமையான சந்தேகங்களை வெளிப் படுத்தி உள்ளார். மலேசியாவின் நியூ ஸ்ட்ரெய்ட்ஸ் டைம்ஸ் செய்திக் குழுமத்திடம் பேசிய சுல்தான் இப்ராகிம் சுல்தான் இஸ்கந்தர், வளைவாகக் காட்சியளிக்கும் திட்டத்தின் வடிவமைப்பு பற்றியும் இடைப்பகுதியில் எழுப்பப்பட இருக் கும் பாலம் குறித்தும் தமது கருத்துகளைத் தெரிவித்தார்.

அமெரிக்க அமைச்சர் டில்லர்சன் தாய்லாந்து, மலேசியா வருகை

கோலாலம்பூர்: பிலிப்பீன்ஸ் தலைநகர் மணிலாவில் நடந்த வட்டார பாதுகாப்புக் கூட்டத்தில் கலந்துகொண்ட அமெரிக்க வெளியுறவு அமைச்சர் ரெக்ஸ் டில்லர்சன், நேற்று தாய்லாந்து சென்றார். தாய்லாந்தில் 2014ஆம் ஆண்டு ஏற்பட்ட ராணுவப் புரட்சிக்குப் பிறகு அமெரிக்க உயர் அதிகாரி ஒருவர் தாய்லாந்து சென்றிருப்பது இதுவே முதல் தடவை. தாய்லாந்து வெளியுறவு அமைச்சருடன் பல்வேறு அம்சங்கள் குறித்து திரு டில்லர்சன் பேச்சு நடத்தியதாக வெளியுறவு அமைச்சுப் பேச்சாளர் கூறினார்.

ஏவுகணை விதிமுறைகள்: அமெரிக்கா மறு ஆய்வு

வா‌ஷிங்டன்: வடகொரியாவின் ஏவுகணை மற்றும் அணுவாயுதத் திட்டங்களால் பதற்றம் நிலவும் வேளையில் கண்டம் விட்டுக் கண்டம் பாயும் ஏவுகணை குறித்த விதிமுறைகளை தென்கொரியா வுடன் சேர்ந்து மறு ஆய்வு செய்து வருவதாக அமெரிக்கத் தற்காப்பு அமைச்சு தெரிவித்துள்ளது. தற்போதைய விதிமுறைகளின் கீழ், தென்கொரியா அதிகபட்ச மாக 800 கிலோ மீட்டர் வரை சென்று தாக்கக்கூடிய ஏவு கணைகளைத் தயாரிக்க முடியும். வடகொரியா அதன் அணு வாயுதத் திட்டத்தைக் கைவிடச் செய்வதற்கு அந்நாட்டை நெருக்க அமெரிக்க அதிபர் டோனல்ட் டிரம்ப் முயற்சிகள் மேற்கொண்டு வரும் நிலையில் வடகொரியா அதன் சோதனைகளைத் தீவிரப் படுத்தியுள்ளது.

Pages