You are here

உல‌க‌ம்

சியாரா லியோனில் நிலச்சரிவு; இதுவரை 400 சடலங்கள் மீட்பு

காணாமல் போன 600க்கும் மேற்பட்டோரைத் தேடும் பணி தொடர்ந்து வருகிறது. படம்: ராய்ட்டர்ஸ்

ஆப்பிரிக்க நாடான சியாரா லியோனின் தலைநகர் ஃபிரீ டௌன் வெள்ளத்தாலும் நிலச்சரி வாலும் கடுமையாகப் பாதிக்கப் பட்டிருக்கிறது. அந்தப் பேரிடரில் நகரின் சில பகுதிகள் முழுமையாக அடித்துச் செல்லப்பட்டன. ஏறக்குறைய 400 பேர் மாண்டதாக உறுதிப் படுத்தப்பட்டுள்ளது. இன்னும் 600 பேரைக் காணவில்லை என்று அதிபரின் பேச்சாளர் அப்துலாய் பரேத்தே தெரிவித் தார். “தேடுதல் பணி தொடர்ந்து நடந்துவரும் நிலையில் இதுவரை கிட்டத்தட்ட 400 சடலங்களை மீட்டுள்ளோம். பலி எண்ணிக்கை ஐநூறைத் தாண்டும் என்று எதிர் பார்க்கிறோம்,” என்று தலைமை மரண விசாரணை அதிகாரி செனே டும்புயா கூறினார். மத்திய பிணவறைக்கு ஏராள மான சடலங்கள் வந்து சேர்ந்தன.

இந்திய, சீன ராணுவத்தினர் இடையே கல்வீச்சு மோதல்

டோக்லாம் பிரச்சினை தொடர்பாக இந்தியா, சீனா இடையே பதற்றம் நிலவி வரும் வேளையில் காஷ்மீரின் லடாக் பகுதியில் சீன ராணுவத்தினர் ஊடுருவ முயன்றது பெரும் பரபரப்பை ஏற்படுத்தி உள்ளது. ஆயினும், சீனப் படையினரின் இரு ஊடுருவல் முயற்சிகளை இந்திய ராணுவத்தினர் தடுத்து நிறுத்தினர். கிழக்கு லடாக் பகுதியில் உள்ள பாங்காங் ஏரியின் வடகரை ஓரமாக நேற்று முன்தினம் காலையில் இந்திய, சீன ராணுவத்தினரிடையே சிறிய அளவில் மோதல் வெடித்தது. இரு நாட்டுப் படையினரும் கல்வீச்சுத் தாக்குதலில் ஈடுபட்டதில் இரு தரப்பிலும் சிலர் காயமடைந்ததாகத் தெரிவிக்கப் பட்டது.

200 ஆண்டு பழமையான மரம் விழுந்து 13 பேர் மரணம்

லிஸ்பன்: போர்ச்சுக்கல்லின் மடிரா தீவில் 200 ஆண்டு பழமையான மரம் விழுந்ததில் 13 பேர் இறந்தனர். 49க்கும் மேற்பட்டோர் காயம் அடைந்தனர். இவர்களில் பெரும்பாலோர் மரத்துக்கு அருகே நடைபெற்ற சமய விழாவில் பங்கேற்றவர்கள். காயம் அடைந்தவர்களில் ஆறு பேர் உடல் நிலை மோசமாக உள்ளது என்று அதிகாரிகள் தெரிவித்தனர். காயம் அடைந்தவர்களில் நால்வர் ஐரோப்பிய நாடு களைச் சேர்ந்த வெளிநாட்டவர்கள் என்றும் தெரிவிக்கப் பட்டது. இறந்தவர்களில் ஒரு குழந்தையும் அடங்கும்.

முழு மது விலக்குக்கு இந்தோனீசியாவின் முக்கிய முஸ்லிம் அமைப்பு எதிர்ப்பு

ஜகார்த்தா: இந்தோனீசியாவில் முழுமையான மது விலக்குக்கு அந்நாட்டின் மிகப்பெரிய முஸ்லிம் அமைப்பு எதிர்ப்பு தெரிவித்துள் ளது. நாட்டில் கள்ளச்சாராய அபாயம் அதிகரித்துள்ளதால் கவலை அடைந்துள்ள நாஹ்ட்லாடுல் உலாமா(என்யூ) என்ற அமைப்பின் ஜகார்த்தா கிளை முழு மது விலக்குக்கு கடும் எதிர்ப்பு தெரி வித்தது. என்யூவின் ஜகார்த்தா ஆய்வு, மேம்பாட்டுக் கழகத்தின் தலை வரான அப்துல் வாஹித் ஹாஸிம், “மது விற்பனைக்குத் தடை விதிக் கப்பட்டால் கள்ளச் சாராயம் அதி கரிக்கும். இது, மோசமான காயங் களுக்கும் மரணங்களுக்கும் வழி வகுக்கும்,” என்றார்.

இருளில் மூழ்கிய தைவான்; மின் விநியோகம் மறுபரிசீலனை

தைப்பே: தைவானில் இருபது ஆண்டுகளில் இல்லாத மிக மோச மான அளவில் மின்சாரத் தடை ஏற்பட்டதால் மின் விநியோகக் கட்டமைப்புகளை முழுமையாக சோதனையிடும் நடவடிக்கைகளில் அந்நாட்டு அரசு இறங்கியிருக் கிறது. செய்தியாளர்களிடம் நேற்று பேசிய பிரதமர் லின் சுவான், “நாட்டின் 17 நகரங்களிலும் சிறு நகரங்களிலும் ஏற்பட்டுள்ள மின் தடை, மின் விநியோகத்தில் உள்ள பலவீனங்களை வெளிப்படுத்தி யிருக்கிறது,” என்றார். இதையடுத்து மின் நிலையங் களில் உள்ள குறைகளையும் தவறுகளையும் கண்டுபிடிக்க மறுபரிசீலனைக் குழுவுக்கு அவர் உத்தரவிட்டுள்ளார்.

பாலித் தீவில் நிலநடுக்கம் மற்றும் சுனாமி பாவனைப் பயிற்சி

படம்: ராய்ட்டர்ஸ்

நிலநடுக்கம் ஏற்பட்டால் அல்லது சுனாமி அலை தாக்கினால் அதனை எவ்வாறு சமாளிப்பது என்பது குறித்து இந்தோனீசியாவின் பாலித் தீவில் உள்ள ஒரு பள்ளிக்கூடத்தில் மாணவ, மாணவியர்களுக்கு நேற்று பயிற்சி அளிக்கப்பட்டது. அந்தப் பயிற்சியின்போது மாணவர்கள் மேசைகளுக்கு அடியில் இருந்தபடி தங்களைப் பாதுகாத்துக்கொள்கின்றனர். மாணவர்கள் தங்கள் பைகளை தலைகளில் வைத்துக்கொண்டு பாதுகாப்பான இடத்தை நாடி ஓடுவதும் நேற்றைய பயிற்சியில் இடம்பெற்றிருந்தது.

சாபாவில் வெள்ளப்பெருக்கு; பள்ளிகள் மூடல்

கோத்தா கினபாலு: மலேசியாவின் சாபா மாநிலத்தில் கடந்த சில நாட்களாகப் பெய்த கனமழை காரணமாக பல இடங்களில் வெள்ளப்பெருக்கு ஏற்பட்டுள்ளது. பாதுகாப்பு கருதி கோத்தா கினபாலுவில் உள்ள பல பள்ளிக்கூடங்கள் நேற்று மூடப் பட்டதாக அதிகாரிகள் கூறினர். வகுப்புகளுக்கு செல்ல முடியாததால் மொத்தம் 3,806 மாணவர்களும் 272 ஆசிரியர் களும் பாதிக்கப்பட்டதாக கல்வி அமைச்சர் மைமுனா சுஹைபுல் கூறினார். வெள்ளநீர் தேங்கி நிற்பதால் பல சாலைகள் பழுதடைந் துள்ளதாகக் கூறப்படுகிறது. இதற்கிடையே மலாக்காவிலும் கடந்த சில நாட்களாக மழை பெய்து வருவதால் ஏற்பட்டுள்ள வெள்ளப்பெருக்கு காரணமாக பாதுகாப்பு கருதி பலர் வெளி யேற்றப்பட்டு வருகின்றனர்.

சீனாவின் வர்த்தகம் தொடர்பில் விசாரணை நடத்த அமெரிக்க அதிபர் டிரம்ப் உத்தரவு

வா‌ஷிங்டன்: அமெரிக்காவின் அறிவுசார்ந்த சொத்துரிமை சட்டத்தை மீறிய வகையில் சீனா நடத்திவரும் வர்த்தக நடைமுறை கள் தொடர்பாக விசாரணை நடத்துமாறு அமெரிக்க அதிபர் டோனல்ட் டிரம்ப் உத்தர விட்டுள்ளார். அனைத்துலக வர்த்தக சட்டங்களை மீறிய வகையில் சீனா நடத்தி வரும் வர்த்தக முறைகேடுகளைக் கண்டறிந்து நடவடிக்கை எடுக்குமாறு அமெரிக்க வர்த்தகப் பிரதி நிதிக்கு திரு டிரம்ப் உத்தர விட்டுள்ளார்.

அணுவாயுத உடன்பாட்டிலிருந்து விலகப்போவதாக ஈரான் மிரட்டல்

டெஹ்ரான்: ஈரான் மீது அமெரிக்கா தொடர்ந்து தடைகளை விதித்தால் உலக வல்லரசு நாடுகளுடன் 2015ஆம் ஆண்டு செய்துகொண்ட அணுவாயுத பரவல் தடை உடன் பாட்டிலிருந்து ஈரான் விலகக் கூடும் என்று ஈரானிய அதிபர் ஹசான் ரவ்ஹானி எச்சரித் துள்ளார். ஈரானிய நாடாளுமன்றத்தில் உரையாற்றிய திரு ரவ்ஹானி, அமெரிக்க அதிபர் டோனல்ட் டிரம்ப்பை கடுமையாகச் சாடினார். அமெரிக்கா சிறந்த பங்காளி நாடு அல்ல என்பதை திரு டிரம்ப் உலகுக்கு காட்டியிருப்பதாகத் திரு ரவ்ஹானி கூறினார்.

குவாம் அருகே ஏவுகணை பாய்ச்சும் திட்ட விவரங்களை வெளியிட்டது வடகொரியா

அமெரிக்காவின் குவாம் தீவு அருகே ஏவுகணை பாய்ச்சும் தனது திட்டத்தை வடகொரியா வரைந்துள்ளது. வடகொரிய அர சாங்க ஊடகங்களுக்கு வெளி யிடப்பட்ட புகைப்படங்கள் அதனை உணர்த்தின. ராணுவ அதிகாரிகள் வரைந்த அந்தத் தாக்குதல் திட்டத்தை வடகொரியத் தலைவர் கிம் ஜோங் உன் பார்வையிடுவதையும் திட்டம் பற்றி அவரிடம் அதிகாரிகள் தெளிவாக விளக்குவதையும் ஊட கங்களுக்குக் கிடைத்த படங்கள் மூலம் அறிந்துகொள்ள முடிந்தது. ‘உத்திபூர்வ படையின் தாக்கு தல் திட்டம்’ என்ற பெயரிலான அத்திட்டம் வடகொரியாவின் கிழக்குக் கடற்கரைப் பகுதியிலி ருந்து பாய்ச்சப்படும் ஏவுகணை கடந்து செல்லும் பாதையை விவரிக்கிறது.

Pages