You are here

உல‌க‌ம்

ஆப்கான் போலிஸ் பயிற்சி நிலையத்தின் மீது தாக்குதல்

காபூல்: ஆப்கானிஸ்தானின் கிழக்குப் பகுதியில் உள்ள போலிஸ் பயிற்சி நிலையத்தின் மீது தற்கொலைப் படை போராளிகளும் துப்பாக்கிக்காரர்களும் நேற்று தாக்குதல் நடத்தியதாக அதிகாரிகள் கூறினர். முதலில் தற்கொலைப் படையைச் சேர்ந்த போராளி ஒருவன் வெடிகுண்டுகள் நிரப்பப்பட்ட காரை அந்த பயிற்சி நிலையத்தின் சுவரில் மோதி வெடிக்கச் செய்ததாகவும் அதனைத் தொடர்ந்து துப்பாக்கிக்காரர்கள் சரமாரியாக தாக்குதல் நடத்தத் தொடங்கியதாகவும் உள்துறை அமைச்சு ஓர் அறிக்கையில் தெரிவித்துள்ளது.

சர்ச்சைக்கிடமாக பேசிய சமய போதகர் சிலாங்கூரில் போதிக்க தடை

கோலாலம்பூர்: இனவாதத்தைத் தூண்டும் விதமாகவும் தவறான நோக்கத்துடனும் அரச நிறுவனத்தைப் பற்றி இழிவாகப் பேசியதற்காக ஸமிஹான் மாட் சின் என்ற சமய போதகர் இனி சிலாங்கூரில் போதிக்கத் தடை விதிக்கப்பட்டுள்ளது. இந்தத் தடை உத்தரவை சிலாங்கூர் மாநில சுல்தான் பிறப்பித்துள்ளார். ஒரு பள்ளிவாசலில் நடந்த சமய கூட்டம் ஒன்றில் அந்தப் போதகர் பேசியுள்ளார். தடை உத்தரவை ஏற்றுக்கொள்வதாகவும் அரச குடும்பத்தோடு எந்தவித பிரச்சினையிலும் ஈடுபட நினைக்கவில்லை என்றும் திரு ஸமிஹான் கூறியுள்ளார்.

நடுவானில் பறந்த விமானம் 20,000 அடி வரை கீழ் இறங்கியது

பெர்த்: ஆஸ்திரேலியாவின் பெர்த் நகரிலிருந்து பாலித் தீவுக்கு சென்றுகொண்டிருந்த ஏர் ஏ‌ஷியா விமானம் ஒன்று நடுவானில் பறந்து கொண்டிருந்தபோது திடீரென்று கண்ணிமைக்கும் நேரத்தில் 20,000 அடி வரை கீழ் இறங்கியபோது அந்த விமானத்தில் இருந்த பயணிகளும் சிப்பந்திகளும் மரண பயத்திற்கு உள்ளானதாகத் தகவல்கள் கூறின. ஏர் ஏ‌ஷியாவுக்குச் சொந்தமான QZ 535 ரக விமானத்தில் 145 பேர் இருந்தனர். அந்த விமானத்தில் ஏற்பட்ட தொழில்நுட்பக் கோளாறு காரணமாக அந்த விமானம் திடீரென்று கீழ் இறங்கியதாகக் கூறப்பட்டது. இருப்பினும் அந்த விமானம் பெர்த் விமான நிலையத்தில் பாதுகாப்பாக தரை இறக்கப்பட்டது.

நாப்தா உடன்பாட்டுக்கு அமெரிக்கா முட்டுக்கட்டை

வா‌ஷிங்டன்: ‘நாப்தா’ எனும் வட அமெரிக்க தடையற்ற வர்த் தக உடன்பாட்டைப் புதுப் பிக்க அமெரிக்கா முன் வைக் கும் கடுமையான கோரிக் கைகளால் அத்திட் டத்தை ஒன்றிணைந்து நிறை வேற்ற கனடா மற்றும் மெக்சி கோ நாடுகள் திணறி வரு- கின்றன. இந்தத் தடையற்ற வர்த்- தக உடன்பாட்டில் அமெரிக் காவை முன்னிலைப் படுத்தும் அமெரிக்க அதிபர் டோனல்ட் டிரம்ப்பின் கோரிக் கையை சிலர் குறைகூறி யுள்ளனர். எனவே இந்த உடன்பாடு நிறைவேறுவதில் சிக்கல் நிலவுகிறது.

‘1000க்கும் மேலான உயிர்களை பறித்த மராவி தாக்குதல் விரைவில் முடிவுறும்

மராவி: பிலிப்பீன்ஸ் நாட்டின் மராவி பகுதியில் ஐஎஸ் போராளிகளை முடக்கும் முயற்சிகள் தொடர்ந்து நடந்து வருகிறது. இவ்வேளையில் நேற்று பிலிப்பீன்ஸ் ராணுவ படையினர் போர் விமானங்கள் மூலம் குண்டுகள் வீசியும் வீடு வீடாகச் சென்றும் ஐஎஸ் போராளிகளைத் தாக்கியுள்ளனர். போராளிகள் நான்கு மாதங்களாக மராவி நகரைக் கைப்பற்றி தாக்குதல்கள் நடத்தியதில் இதுவரை 1000க்கும் மேலானோர் உயிரிழந்துள்ளனர். இன்று வரை பல முறை மராவியைக் கைப்பற்றுவதற்கான கால அவகாசங்களைத் தவறவிட்டாலும் இம்முறை மிக விரைவில் போராளிகளின் பிடியிலிருந்து மராவி விடுவிக்கப்படும் என்று கூறப்பட்டுள்ளது.

சோமாலியா வாகன வெடிகுண்டு தாக்குதலில் 85 பேர் மரணம்

மொகாடி‌ஷு: சோமாலியா தலை நகர் மொகாடி‌ஷுவில் உள்ள விடுதியின் முன் நின்ற கனரக வாகனத்தில் வைக்கப்பட்டிருந்த வெடிகுண்டு வெடித்ததில் 85 பேர் கொல்லப்பட்டனர். மக்கள் நடமாட்டம் அதிகமுள்ள பகுதியில் அந்தத் தாக்குதல் நடந்ததாகக் கூறப்பட்டது. இது சோமாலியாவில் நடந்த மிக மோசமான தாக்குதல் என்றும் கூறப்பட்டுள்ளது. இதுவரை அந்தத் தாக்குத லுக்கு எந்த இயக்கமும் பொறுப் பேற்கவில்லை. இருப்பினும், அல் காய்தா இயக்கத்தின் ஆதரவு அமைப்பான ஷபாப் பயங்கரவாதிகள் அடிக்கடி சோமாலியாவில் தற்கொலைத் தாக்குதல் நடத்திவருவதால் இதுவும் அவர்களின் கைவரிசை யாக இருக்கும் என்று சந்தேகிக்கப் படுகிறது.

ஐஎஸ் போராளிகள் சிரியாவிலிருந்து வெளியேற்றம்

ஐன் இஸ்ஸா: சிரியாவின் ராக்கா நகரிலிருந்து ஐஎஸ் போராளிகள் இரவோடு இரவாக பொதுமக்கள் சுமார் 400 பேரை மனிதக் கேடய மாகப் பயன்படுத்தி பிடித்துக் கொண்டு வெளியேறி உள்ளனர். இன்னும் சில போராளிகள் சிரியாவில் உள்ளனர் என்றும் அவர்கள் சரணடையவோ மரண மடையவோ முடிவு செய்யவேண்டும் என்று ராக்கா மன்ற உறுப்பினர் உமர் அலூஷ் தெரிவித்துள்ளார். அமெரிக்காவின் ஆதரவு கூட்டணியான சிரியா ஜனநாயகப் படை, தங்களின் இறுதிக் கட்ட போராட்டத்தில் உள்ளதாகவும் கடைசி 10 விழுக்காட்டு போராளி களைப் பிடித்து ஐஎஸ் பிடியில் இருந்த நகரைக் கைப்பற்றப் போவதாகவும் கூறியுள்ளது.

தலிபான் குழுவிடம் சிக்கியிருந்த தம்பதியர் கனடா திரும்பினர்

இஸ்லாமாபாத்: கடந்த ஐந்து ஆண்டுகளாக ஆப்கானிஸ்தானில் தலிபான் போராளிகளிடம் பிணைக்கைதிகளாக சிக்கியிருந்த அமெரிக்க-கனடா தம்பதியர் பாகிஸ்தான் ஒத்துழைப்புடன் மூன்று நாட்களுக்கு முன்பு மீட்கப்பட்டனர். அத்தம்பதியர் தங்களின் இரு குழந்தைகளுடன் நேற்று கனடாவுக்குத் திரும்பினர். கனடா சென்று சேர்ந்ததும் செய்தியாளார்களிடம் பேசிய திரு ஜோ‌ஷுவா போயில் தலிபான் குழுவினர் தங்களுக்கு இழைத்த அட்டூழியங்களைப் பற்றிக் கூறினார். தங்களின் மூன்று குழந்தைகளில் ஒரு குழந்தையை தலிபான் போராளிகள் கொன்றுவிட்டதாகவும் தன் மனைவியை பாலியல் பலாத்காரம் செய்ததாகவும் அவர் கூறினார்.

ஈரானுக்கு ஆதரவாக குரல் கொடுக்கும் நாடுகள்

வா‌ஷிங்டன்: ஈரானுடனான அணுசக்தி உடன்பாட்டை ரத்து செய்யவிருப்பதாக அமெரிக்க அதிபர் டோனல்ட் டிரம்ப் மிரட்டல் விடுத்துள்ள வேளையில் ரஷ்யா மற்றும் ஐரோப்பிய நாடுகளின் தலைவர்கள் ஈரான் அணுசக்தி உடன்பாட்டுக்கு ஆதரவு தெரிவித் துள்ளனர். வெள்ளிக்கிழமை இரவு வெள்ளை மாளிகையில் உரையாற்றிய திரு டிரம்ப், ஈரானுடனான அணுசக்தி உடன்பாட்டில் தான் கையெழுத் திடுவதை நிறுத்தப்போவதாக அறிவித்தார். டிரம்ப்பின் அந்த முடிவுக்கு பிரிட்டன், பிரான்ஸ், ஜெர்மனி ரஷ்யா ஆகிய நாடுகள் கண்டனம் தெரிவித்துள்ளன.

இந்தோனீசியாவில் 3.7 டன் போதைப்பொருள் பறிமுதல்

ஜகார்த்தா: இந்தோனீசியப் போலிசார் சென்ற ஆண்டு 3.7 டன் போதைப்பொருட்களை பறிமுதல் செய்ததாக அதிகாரி கள் தெரிவித்துள்ளனர். போதைப்பொருள் ஒழிப்பு அமைப்பின் அதிகாரிகள் சென்ற ஆண்டு 800க்கும் மேற்பட்ட சோதனைகளை மேற்கொண்ட தாகவும் அந்த சோதனைகளில் வெளிநாட்டினர் 21 பேர் உட்பட 1,230 சந்தேகப் பேர்வழிகள் கைது செய்யப்பட்டதாகவும் உயர் அதிகாரி ஒருவர் கூறினார். சென்ற ஆண்டு பறிமுதல் செய்யப்பட்ட போதைப்பொருள் அளவு இதற்கு முந்தைய ஆண்டில் கைப்பற்றப்பட்ட போதைப் பொருள் அளவைக்காட்டிலும் 2.9 டன் அதிகம் என்று கூறப் பட்டது.

Pages