கிரிஷ் இயக்கத்தில், நஸ்லன், மமிதா பைஜு, சங்கீத் பிரதாப் மற்றும் பலர் நடிப்பில் அண்மையில் வெளிவந்த மலையாளப் படம் ‘பிரேமலு’. இப்படம் தெலுங்கு, தமிழ் ஆகிய மொழிகளில் மொழிமாற்றம் செய்யப்பட்டு வெளியாகி உள்ளது. இப்படம் கடந்த வாரம் ஓடிடி தளத்திலும் வெளியானது.
இப்படத்தை பார்த்த நயன்தாரா ஒரு படத்தைப் பகிர்ந்து, “சிறந்த படங்கள் என்னை மகிழ்ச்சிப்படுத்துகிறது,” எனப் பாராட்டியுள்ளார். திரையரங்குகள் மூலம் மட்டுமே ரூ.130 கோடி வரை வசூலித்துள்ள இப்படத்திற்கு தற்போது ஓடிடி தளங்களிலும் நல்ல வரவேற்பு கிடைத்துள்ளது.
சுமார் ரூ.10 கோடி ரூபாய் பட்ஜெட்டில் தயாரான இந்தப் படம் இவ்வளவு கோடி வசூலித்து ஆச்சரியப்படுத்தியுள்ளது. பல சினிமா பிரபலங்களும் இப்படத்தைப் பாராட்டியுள்ளனர்.