மாணவர் முரசு
இ-பேப்பர்
புளோரிடா: ‘ஸ்பேஸ்எக்ஸ்’ நிறு வனம் சவுதி அரேபியாவின் முதல் பெண் வீராங்கனை உட்பட நால்வரை விண்வெளியில் உள்ள விண்வெளி நிலையத்திற்கு அனுப்பியுள்ளது.
புளோரிடாவில் உள்ள கென்னடி விண்வெளி நிலையத்திலிருந்து ஞாயிறு மாலை ஃபால் கன்-9 விண்வெளிக்கலம் வீரர்களை ஏற்றிச் சென்றது.
ஆக்ஸியம் ஸ்பேஸ் எனும் நிறுவனம் இத்திட்டத்தைச் செயல்படுத்தியது. ஆக்ஸியம், ஸ்பேஸ்எக்ஸ் ஆகிய இரண்டும் உலகப் பணக்காரரான எலன் மாஸ்க் நடத்தும் நிறுவனங்களா கும்.
விண்வெளியில் சொந்தமாக விண்வெளி ஆய்வு நிலையத்தை அமைக்கும் இலக்கோடு விண்வெளி வீரர்களின் பயணங்களுக்கு ஆக்ஸியம் ஏற்பாடு செய்து வருகிறது.
அண்மைய ஏஎக்ஸ்-2 விண்வெளிப் பயணத்திற்கு முன்னாள் நாசாவின் விண்வெளி வீரரும் ஆக்ஸியம் மனித விண்வெளிப் பயணத் திட்டத்தின் இயக்குநருமான டாக்டர் பெகி விட்சன் தலைமையேற்றுள்ளார்.
விண்வெளிக்குச் சென்ற நான்கு வீரர்களில் தொழில திபரான பயிற்சி பெற்ற விமானி ஜான் ஷோஃப்னரும் ஒருவர். கார் பந்தயத்தில் ஆர்வமுள்ள இவர், கண்ணாடி இழைத் தொலைத்தொடர்பு தொழிற்துறையில் ஏராளமான பணத்தைச் சம்பாதித்தவர். இந்த விண்வெளிப் பயணத்திற்கு தெரிவிக்கப்படாத பெரும்பணத்தை அவர் கொடுத்துள்ளார். ஸ்பேஸ்எக்ஸ் டிராகன் விண்வெளிக் கலத்தில் பயணம் செய்ய ஒருவருக்கு 55 மில்லியன் அமெரிக்க டாலர் (சிங்கப்பூர் வெள்ளி74 மில்லியன்) வசூலிக்கப்படுவதாகத் தகவல்கள் தெரிவிக்கின்றன.
விண்வெளி நிலையத்தில் எட்டு நாள் தங்கியிருக்கும் நான்கு வீரர்களும் பூமிக்குத் திரும்புவதற்கு முன்பு இருபதுக்கும் மேற்பட்ட ஆய்வுகளை மேற்கொள்கின்றனர்.
சவுதி அரேபியாவின் முதல் பெண் வீராங்கனையின் பெயர் ரயனா பார்ணவி. அந்நாட்டின் விண்வெளித் திட்டத்தின் ஒரு பகுதியாக அவரது பயணம் இடம்பெறுகிறது.
ரயனா பார்ணவி, அரபு நாடுகளில் இருந்து அனைத்துலக விண்வெளி நிலையத்திற்குச் சென்ற முதல் பெண் விண்வெளி வீராங்கனை என்ற பெருமையையும் பெறுகிறார். மற்றொரு சவுதி வீரரும் இந்தப் பயணத்தில் இடம்பெற்றுள்ளார்.
