மாணவர் முரசு
இ-பேப்பர்
கொவிட்-19 பெருந்தொற்றிலிருந்து மக்களைக் காப்பதற்கு 'நோவாவெக்ஸ்' தடுப்பூசியை அவர்கள் தங்கள் தெரிவுகளில் ஒன்றாகத் தேர்வு செய்யலாம்.
இது குறித்து வாசகர்களுக்கு இருக்கும் சில கேள்விகளுக்கு ஸ்ட்ரெய்ட்ஸ் டைம்ஸ் நாளிதழ் தனது 'ஆஸ்க் எஸ்டி' பகுதி மூலம் பதிலளிக்கிறது.
கேள்வி: இந்தத் தடுப்பூசியின் பெயர் என்ன?
பதில்: 'நோவாவெக்ஸ்' தடுப்பூசி அல்லது 'நோவாவெக்ஸ்' என்று அழைக்கப்படுகிறது. தடுப்பூசியின் தொழில்நுட்ப பெயர் NVX-CoV2373 ஆகும். இது ஐரோப்பாவிலும் இந்தியாவிலும் இரண்டு வெவ்வேறு இடங்களில் தயாரிக்கப்படுகிறது. ஐரோப்பாவில், இது 'நுவெக்ஸோவிட்' என்ற பெயரில் தயாரிக்கப்படுகிறது. இந்தியாவில், இது கோவோவெக்ஸ் என்ற பெயரில் தயாரிக்கப்படுகிறது.
கேள்வி: இந்தத் தடுப்பூசியை உருவாக்கிய நாடு எது?
பதில்: நோவாவெக்ஸ் தடுப்பூசியை அமெரிக்காவில் உள்ள மேரிலாந்தில் உள்ள ஓர் உயிர் தொழில்நுட்ப நிறுவனம் உருவாக்கியது.
கேள்வி: இது ஓர் எம்ஆர்என்ஏ (mRNA) தடுப்பூசியா? இது எப்படி வேலை செய்கிறது?
பதில்: நோவாவெக்ஸ் தடுப்பூசி என்பது புரத அடிப்படையிலான அல்லது புரதத்தின் துணைப் பகுதியின் தடுப்பூசி ஆகும். இது எம்ஆர்என்ஏ தடுப்பூசி அல்ல.
கேள்வி கொவிட்-19க்கு எதிராக நோவாவெக்ஸ் எவ்வளவு பயனுள்ளதாக இருக்கிறது?
பதில்: உலக சுகாதார நிறுவனத்தின் கூற்றுப்படி, லேசான, மிதமான மற்றும் கடுமையான நோய்களுக்கு எதிரான தடுப்பூசியின் செயல்திறன் 90 விழுக்காடு ஆகும்.
கேள்வி: தடுப்பூசி சிங்கப்பூரில் கிடைக்க வாய்ப்புள்ளதா?
பதில்: சிங்கப்பூரின் தேசிய தடுப்பூசித் திட்டத்தின் ஒரு பகுதியாக நோவாவெக்ஸ் தடுப்பூசி அங்கீகரிக்கப்படும் என்று சிங்கப்பூரின் மருத்துவச் சேவைகளின் இயக்குநர் இணைப் பேராசிரியர் கென்னத் மாக் கடந்த புதன்கிழமை கொவிட்-19 தொற்றுக்கு எதிரான அமைச்சுகள்நிலைப் பணிக்குழுவின் செய்தியாளர் கூட்டத்தில் மிகவும் நம்பிக்கையுடன் தெரிவித்தார்.
கேள்வி: எம்ஆர்என்ஏ அல்லாத தடுப்பூசிகளை இங்கே காப்பூசிகளாகப் (பூஸ்டர்) பயன்படுத்த முடியாது என்று கேள்விப்பட்டேன். நோவாவெக்ஸ் ஒரு பூஸ்டராக அனுமதிக்கப்படுமா?
பதில்: பூஸ்டர் திட்டத்திற்கு எம்ஆர்என்ஏ அல்லாத மாற்று தடுப்பூசியாக நோவாவெக்ஸ் கிடைக்கும் என்று தான் நம்புவதாக பேராசிரியர் மாக் கூறினார்.
ஏனென்றால், இங்குள்ள வேறு சில எம்ஆர்என்ஏ அல்லாத தடுப்பூசிகளுடன் ஒப்பிடுகையில், நோவாவெக்ஸ் தடுப்பூசி டெல்டா மற்றும் ஓமிக்ரான் வகைகளுக்கு எதிராக மிகவும் பயனுள்ளதாக இருக்கும் என்பதை இன்றைய சான்றுகள் காட்டுகின்றன என்று பேராசிரியர் மாக் கூறினார்.
ஆனால் இங்குள்ள கொவிட்-19 தடுப்பூசி நிபுணர் குழு முதலில் நோவாவெக்ஸ் தடுப்பூசி தொடர்பான விவாதங்களை முடித்து தடுப்பூசி குறித்த பரிந்துரைகளை வழங்க வேண்டும் என்றும் அவர் கூறினார்.
