மாணவர் முரசு
இ-பேப்பர்
சிலருக்கு குழந்தைகளுக்கு இருப்பதைப் போல் மென்மையான சருமம் இருப்பதைக் கண்டு நாம் பொறாமைக்கு ஆளாகலாம். சருமத்தை 'வழுவழு'வென்று வைத்திருப்பதற்கான அவர்களின் ரகசியம் என்னவாக இருக்கும் என்று நாம் யோசிப்பதுண்டு.
முதுமையடைவது ஒருபுறம் இருக்க சில அம்சங்களில் நம்மை சரிவரக் கவனித்துக்கொள்ளாததும் சருமத்தை பாதிக்கக்கூடும்.
இதை மாற்ற நமது அன்றாட வாழ்க்கையில் சில எளிமையான பழக்க வழக்கங்களைக் கடைப்பிடிக்கலாம்.
இவை சருமத்தை மென்மையாக வைத்திருக்க உதவும் என்று 'டைம்ஸ்ஆஃப்இந்தியா' செய்தி நிறுவனத்தின் இணையத்தளத்தில் தெரிவிக்கப்பட்டுள்ளது.
கழுவி சுத்தம் செய்துகொள்வது. அடிக்கடி உடலைக் கழுவுவது சருமத்தை மென்மையாக வைத்திருக்க உதவும். மேலும், சருமத்தின் ஈரத்தன்மையைக் காப்பதற்கான களிம்பையும் உபயோகிக்கலாம்.
ஆரோக்கியமான உணவுப் பழக்கங்கள். உணவுப் பழக்க வழக்கங்கள் சரியாக இருந்தால் சருமம் ஆரோக்கியமாக இருக்கும். நாம் உட்கொள்ளும் ஊட்டச்சத்துக்கும் சரும ஆரோக்கியத்துக்கும் தொடர்புள்ளது.
அடிக்கடி சிரியுங்கள். சிரித்தால் முகத்தில் உள்ள சுருக்கங்கள் வெளிப்படையாகத் தெரியும் என்பது சிலரின் கவலை. எனினும், சிரிப்பதால் பல நன்மைகள் உள்ளன. சருமம் ஆரோக்கியமாக இருக்க ரத்த ஓட்டம் நன்றாக இருக்கவேண்டும். அடிக்கடி சிரிப்பது முகத்தின் ரத்த ஓட்டத்தை மேம்படுத்தும்.
தண்ணீர் அருந்துங்கள். நமது உடலில் 70 விழுக்காடு தண்ணீர் சத்து உள்ளது. போதுமான அளவு தண்ணீரை அருந்துவது சருமத்தை ஆரோக்கியமாக வைத்திருக்க உதவும்.
அடிக்கடி உடற்பயிற்சி செய்யுங்கள். ஆரோக்கியம் என்ற வார்த்தையை உச்சரிக்கும்போது உடற்பயிற்சி எனும் வார்த்தையும் பல வேளைகளில் சேர்ந்தே வரும். அடிக்கடி உடற்பயிற்சியில் ஈடுபடும்போது உடலின் செயல்முறைகள் மேம்படும். அதில் நமக்கு வரும் இன்பம் ஆரோக்கியமான சருமத்தின் வாயிலாக வெளிப்படும்.
இவை அன்றாட வாழ்க்கையில் நாம் எளிதில் செய்துகொள்ளக்கூடிய மாற்றங்களே. இப்படிப்பட்ட பழக்க வழக்கங்களைப் பின்பற்றுவதே மென்மையான சருமத்திற்கு வழிவகுக்கும் என்று கூறப்படுகிறது.
இதன் தொடர்பிலான ஆலோசனைக்கு சம்பந்தப்பட்ட சுகாதார நிபுணர்களின் அறிவுரைக் கேட்டுக்கொண்டுசெய்படுவது நல்லது.
