'ஆனந்தம் விளையாடும் வீடு' என்ற படத்தின் படப்பிடிப்பின்போது தலையில் அடிபட்டு எட்டு தையல்கள் போட்ட பிறகும் தனக்கான காட்சிகளில் நடித்துள்ளார் சேரன்.
அவரது இந்த அர்ப்பணிப்பும் தொழில்பக்தியும் வியக்க வைத்ததாக படத்தின் இயக்குநர் நந்தா பெரியசாமி கூறியுள்ளார்.
இப்படத்தின் படப்பிடிப்பின்போது, கால் தவறி பின்புறமாக விழுந்த சேரனுக்கு தலையில் பலமாக அடிபட்டது. ஓய்வெடுக்கும்படி இயக்குநர் கூறியபோதும், படப்பிடிப்பு நடக்கும் இடத்துக்கே மருத்துவரை வரவழைத்து தையல் போட்டுக்கொண்ட சேரன், மீண்டும் நடிக்கத் தொடங்கி உள்ளார்.