மாணவர் முரசு
இ-பேப்பர்
திரைப்படப் பிரபலங்களின் வாரிசுகள் தமிழ்த் திரையுலகில் நுழைவது வழக்கமான ஒன்றுதான். அந்த வரிசையில் இசையமைப்பாளர் வித்யா சாகரின் மகன் ஹர்ஷவர்தன் நடிகராக அறிமுகமாகிறார்.
விஜய், சூர்யா, தனுஷ், கார்த்தி, ஜெயம் ரவி, சிம்பு, அருண்விஜய் எனப் பலரும் பிரபலங்களின் வாரிசுகளாகத் தமிழ்த் திரையுலகில் நுழைந்து தற்போது முன்னணி நடிகர்களாக வலம்வருகின்றனர்.
இப்போது அந்த வரிசையில் ஹர்ஷவர்தனும் இணைகிறார்.
ஏற்கனவே சில ஆண்டுகளுக்கு முன் இசையமைப்பாளராக அறிமுகமாகி தனது திறமையை அவர் நிரூபித்தார்.
இப்போது, நடிகராகத் தனது புதிய பயணத்தை அவர் தொடங்க உள்ளார்.
ஹர்ஷவர்தன் அறிமுகமாகும் படத்தை இயக்குநர் லிங்குசாமி இயக்கவுள்ளார்.
ஓர் இசையமைப்பாளராக இருந்து நடிகராக மாறும் ஹர்ஷவர்தனின் இந்த முயற்சி, அவருக்குத் திரைத்துறையில் தனி அடையாளத்தை உருவாக்கும் என நம்பப்படுகிறது.
வித்யாசாகரின் மகன் என்ற அடையாளத்துடன், தனது சொந்தத் திறமையால் ரசிகர்களைக் கவர ஹர்ஷவர்தன் தயாராகி வருகிறார்.
