You are here

விளையாட்டு

அரையிறுதிப் போட்டிக்கு முன்னேறினார் ஸ்கூலிங்

புடாபெஸ்ட்: ஹங்கேரியின் தலை நகர் புடாபெஸ்ட்டில் உலக வெற்றி யாளர் நீச்சல் போட்டி நடந்து வருகிறது. நேற்று நடந்த 100 மீட்டர் வண்ணத்துப்பூச்சிப் பாணி நீச்சல் போட்டியில் சிங்கப்பூரின் ஜோசப் ஸ்கூலிங் 51.21 விநாடிகளில் நீந்தி வெற்றி பெற்றார். அவர் நான்காவது அனைத்து வகை போட்டிகளையும் கடந்து அரை இறுதிப்போட்டிக்கு முன்னேறிச் சென்றுள்ளார். இன்று மாலை நடைபெறவிருக் கும் அரை இறுதிப் போட்டியில் சிங்கப்பூரின் இன்னொரு வீரரான குவா ஸெங் வென், 100 மீட்டர் வண்ணத்துப்பூச்சிப் பாணி போட்- டியில் 52.13 விநாடிகள் எடுத்துக் கொண்டார். அதன்காரணமாக அவர், அரையிறுதிப் போட்டியைத் தவறவிட்டார்.

தேசிய சாதனையை முறியடித்த நீச்சல் வீரர்

குவா ஸெங் வென்

சிங்கப்பூர் நீச்சல் வீரரான 20 வயது குவா ஸெங் வென் 200 மீட்டர் மல்லாந்து நீச்சலில் புதிய தேசிய சாதனையைப் படைத்து இருக்கிறார். ஹங்கேரி தலைநகர் புடாபெஸ்ட் டில் நடந்துவரும் உலக வெற்றி யாளர் போட்டிகளில் 200 மீட்டர் தூரத்தை இவர் 1 நிமிடம் 59.49 வினாடிகளில் கடந்து, 24வது இடத்தைப் பிடித்தார். முதல் 16 பேர் மட்டுமே அரையிறுதிக்குத் தகுதி பெறுவர் என்பதால் அவ்வாய்ப்பு குவாவின் கையைவிட்டு நழுவியது. இருப்பினும், அவர் எடுத்துக் கொண்ட நேரம் புதிய சிங்கப்பூர் சாதனையாக அமைந்தது. மல்லாந்து நீச்சலில் 200 மீ. தூரத்தை 2 நிமிடம் 00.45 வினாடி களில் அவர் கடந்திருந்ததே முந்தைய தேசிய சாதனை.

முதல் டெஸ்ட்: இலங்கை அணி திணறல்

படம்: ராய்ட்டர்ஸ்

காலே: இருவர் சதமும் இருவர் அரை சதமும் அடிக்க, இலங்கை அணிக்கெதிரான முதல் டெஸ்ட் போட்டியில் இந்திய கிரிக்கெட் அணி தனது முதல் இன்னிங்சில் 600 ஓட்டங்களைக் குவித்தது. அடுத்து பந்தடிக்கத் தொடங் கிய இலங்கை அணி இரண்டாம் நாள் ஆட்ட நேர முடிவில் ஐந்து விக்கெட் இழப்பிற்கு 154 ஓட்டங் களை எடுத்து தடுமாறி வருகிறது. மூன்று டெஸ்ட் போட்டிகள், ஐந்து ஒருநாள் போட்டிகள், ஒரு டி20 ஆட்டத்தில் விளையாடுவதற் காக விராத் கோஹ்லி தலைமை யிலான இந்திய அணி இலங்கை சென்றுள்ளது. முதல் டெஸ்ட் போட்டி நேற்று முன்தினம் காலே விளையாட்டரங் கில் தொடங்கியது. தொடக்க ஆட்டக்காரர் தவான் 167 பந்து களில் 190 ஓட்டங்களை விளாசி னார்.

அமெரிக்காவுக்கு தங்கக் கிண்ணம்

படம்: ஏஎஃப்பி

‘கோன்காகாஃப்’ எனப்படும் வடக்கு, மத்திய அமெரிக்க, கரீபிய காற்பந்துச் சங்கக் கூட்டமைப்பின் தங்கக் கிண்ண இறுதியாட்டத்தில் அமெரிக்க அணி 2=1 என்ற கணக்கில் ஜமைக்காவை வென்று ஆறாவது முறையாக அக்கிண்ணத்தைக் கைப்பற்றியது. கலிஃபோர்னியாவின் சான்ட கிளாரா நகரில் நடந்த அந்த ஆட்டத்தின் 89வது நிமிடத்தில் ஜோர்டன் மோரிஸ் அடித்த கோல் அமெரிக்காவுக்குக் கிண்ணத்தைப் பெற்றுத் தந்தது. முற்பாதியின் கடைசி நிமிடத்தில் ஜோஸி ஆல்ட்டிடோர் போட்ட கோலால் முன்னிலைக்குச் சென்றது அமெரிக்கா. ஆயினும் இரண்டாம் பாதி ஆட்டம் தொடங்கி ஐந்து நிமிடங்களிலேயே அந்த முன்னிலையை ஈடுகட்டியது ஜமைக்கா.

ரியால் மட்ரிட்டை நசுக்கிய மேன்சிட்டி

லாஸ் ஏஞ்சலிஸ்: தாக்குதல் வரிசையைப் பலப்படுத்துவதற் காக அதிகம் செலவிட்டிருக்கும் மான்செஸ்டர் சிட்டி காற்பந்துக் குழு, தாக்குதலிலும் தான் வலு வான அணிதான் என்பதைப் பறைசாற்றியுள்ளது. நேற்று முன்தினம் இரவு நடந்த அனைத்துலக வெற்றியா ளர்கள் கிண்ண ஆட்டம் ஒன்றில் மான்செஸ்டர் சிட்டி குழு 4-1 என்ற கோல் கணக்கில் நடப்பு சாம்பியன்ஸ் லீக் வெற்றியாளரான ரியால் மட்ரிட் குழுவைத் தோற்க டித்தது. லாஸ் ஏஞ்சலிஸ் விளையாட்டு அரங்கில் 93,0000 ரசிகர்கள் முன்னிலையில் நடந்த இந்த ஆட்டத்தில் கிடைத்த வெற்றியே, பருவத்திற்கு முந்திய பயிற்சிப் பயணத்தில் சிட்டிக்குக் கிடைத்த முதல் வெற்றி.

பயர்ன் குழுவின் ஆட்டத்தைக் கண்டு வியந்த சிங்கபபூரர்கள்

படம்: திமத்தி டேவிட்

செல்சி, மான்செஸ்டர் யுனைடெட், லிவர்பூல் எனும் இங்கிலிஷ் காற்பந்துக் குழுக்களை ஆதரிக் கும் ரசிகர்கள் மத்தியில் 36 வயது சிவராம் தனித்து நிற்கிறார். இவர் ஜெர்மானிய புண்டஸ்லீகா ஜாம்பவான்களான பயர்ன் மியூனிக் குழுவை கிட்டத்தட்ட 20 ஆண்டு களாக ஆதரித்து வருகிறார். வெகு காலமாக மியூனிக் நக ருக்குச் சென்று இக்குழு விளை யாடுவதைப் பார்வையிட வேண்டும் என்ற கனவு கொண்ட சிவாவுக்கு அதிர்ஷ்ட காற்று வீசியது. அனைத்துலக வெற்றியாளர்கள் கிண்ண காற்பந்துப் போட்டிக்காக இங்கிலாந்தின் செல்சி அணி, இத்தாலிய இன்டர் அணி, ஜெர்மானிய பயர்ன் மியூனிக் அணி ஆகியவை சிங்கப் பூருக்கு வந்துள்ளன.

இந்திய அணி அபார ஆட்டம்

காலே: இலங்கைக்கு எதிரான டெஸ்ட் போட்டியில் இந்திய தொடக்க வீரர் ‌ஷிகர் தவான் அதிரடியாக விளையாடி 190 ஓட்டங்கள் எடுத்து அசத்தினார். இதையடுத்து புஜாராவும் சதமெடுத்ததால் இந்திய அணி வலுவான நிலையில் உள்ளது. இந்திய=-இலங்கை அணி களுக்கு இடையேயான 3 ஆட்டங்களைக் கொண்ட டெஸ்ட் தொடரின் முதல் ஆட்டம் இலங்கையின் காலே நகரில் நேற்று தொடங்கியுள்ளது. பூவா தலையாவில் வென்ற இந்திய அணி பேட்டிங்கைத் தேர்வு செய்துள்ளது. இந்திய அணியில் ரோகித் சர்மா, குல்தீப் யாதவ் ஆகியோர் இடம்பெற வில்லை. ஹார்திக் பாண்டியா அறிமுகமாகியுள்ளார். ஷமி, உமேஷ் யாதவ் ஆகிய இருவரும் வேகப்பந்து வீச்சாளர்களாகத் தேர்வு செய்யப்பட்டுள்ளார்கள்.

மித்தாலி ராஜ்: பெண்கள் கிரிக்கெட் வளர தனி ஐபிஎல்

 மித்தாலி ராஜ். படம்: ராய்ட்டர்ஸ்

லண்டன்: இங்கிலாந்தில் வரலாறு படைக்கும் தருணம் கைநழுவிப் போனாலும் இந்தியா மட்டுமல்லாது மற்ற பல நாடுகளையும் தங்கள் பக்கம் ஈர்த்தது இந்தியப் பெண்கள் கிரிக்கெட். கடந்த ஞாயிற்றுக் கிழமை அன்று இங்கிலாந்தில் நடைபெற்ற இறுதிப் போட்டியில் மித்தாலி ராஜ் தலைமையிலான இந்திய அணி 9 ஓட்டங்களில் இங்கிலாந்திடம் தோற்றாலும் இந்தியப் பெண்கள் அணிக்கு நல்ல எதிர்காலம் உள்ளது என் பதை யாராலும் மறுக்கமுடியாது. இந்தியாவில் பெண்கள் கிரிக்கெட்டை மேலும் தூக்கிவிட ஆண்களுக்கு இணையான பெண்கள் ஐபிஎல் கிரிக்கெட் போட்டியைத் தொடங்குவற்கு இதுவே சிறந்த தருணம் என்று மித்தாலி ராஜ் நம்புகிறார்.

சிங்கப்பூர் அரங்கில் செல்சியை வீழ்த்தியது பயர்ன் மியூனிக்

படம்: ஸ்ட்ரெய்ட்ஸ் டைம்ஸ்

சிங்கப்பூர் விளையாட்டு அரங்கம் நிரம்பி வழிய நேற்று நடைபெற்ற அனைத்துலக வெற்றியாளர்கள் கிண்ண காற் பந்துப் போட்டியின் முதல் ஆட்டத்தில் நடப்பு இங் கிலிஷ் பிரிமியர் லீக் வெற்றியாள ரான செல்சி குழு ஜெர்மனியின் புண்டஸ்லீகா வெற்றியாளரான பயர்ன் மியூனிக்கை வீழ்த்தியது. ஆட்டத்தின் 6ஆவது நிமிடத்திலேயே பயர்ன் குழுவின் ரஃபினா முதல் கோலைப் போட அடுத்த 20 நிமிடங்களிலேயே பயர்னுக்காக மேலும் இரண்டு கோல்களைப் போட்டார் தாமஸ் முல்லர். முதல் பாதி ஆட்ட நேர முடிவில் மார்கோஸ் அலோன்ஸே„ செல்சி குழுவிற்காக ஒரு கோல் போட்டார். பிற்பாதி ஆட்டத்தில் செல்சி முனைப்புடன் விளையாடியது.

மீண்டெழத் துடிக்கும் பயர்ன்

படம்: ஏஎஃப்பி

தேசிய விளையாட்டரங்கில் இன்றி- ரவு நடக்கவிருக்கும் அனைத்துலக வெற்றியாளர்கள் கிண்ணக் காற்- பந்துப் போட்டியில் நடப்பு இங்- கிலிஷ் பிரிமியர் லீக் வெற்றியாள- ரான செல்சி குழுவும் ஜெர்மனியின் புண்டஸ்லீகா வெற்றியாளரான பயர்ன் மியூனிக்கும் மோதவிருக்- கின்றன. ஆர்சனல் குழுவுடனான ஆட்- டத்தில் பெனால்டி வாய்ப்புகளில் தோற்ற பயர்ன் குழு, தனது அடுத்த ஆட்டத்தில் இத்தாலியின் ஏசி மிலான் குழுவிடம் 0=4 என மண்ணைக் கவ்வியது. ஆகையால், இன்றைய ஆட்டத்- தில் எப்பாடுபட்டேனும் வெல்லும் முனைப்புடன் அக்குழுவினர் விளையாடுவர் என்பது நிச்சயம்.

Pages