You are here

விளையாட்டு

5 விக்கெட்: ஹர்பஜன் சிங்கைப் பின்னுக்குத் தள்ளிய அஸ்வின்

கொழும்பு: டெஸ்ட் கிரிக்கெட்டில் அதிக முறை 5 விக்கெட்டுகளைச் சாய்த்த இந்திய வீரர்களில் ஹர்பஜன் சிங்கை முந்தினார் ரவிச்சந்திரன் அஸ்வின் (படம்). இந்தியா=இலங்கை அணி களுக்கு இடையிலான இரண் டாவது டெஸ்ட் கிரிக்கெட் போட்டி கொழும்பு சிங்கள ஸ்போர்ட்ஸ் கிளப் மைதானத்தில் நடைபெற்று வருகிறது. பூவா தலையாவில் வென்று முதலில் பந்தடித்த இந்தியா, 9 விக்கெட்டுகள் இழப்பிற்கு 622 ஓட்டங்கள் குவித்து முதல் இன்னிங்சை ‘டிக்ளேர்’ செய்தது. பின்னர் முதல் இன்னிங்சை தொடங்கிய இலங்கை அணி அஸ்வினின் அபாரப் பந்து வீச்சால் 183 ஓட்டங்களில் சுருண்டது.

புரோ கபடி லீக்: போராடித் தோற்ற தமிழ் தலைவாஸ் அணி

நாக்பூர்: புரோ கபடி லீக் போட்டியில் தமிழ் தலைவாஸ் அணி அதன் இரண்டாவது தோல்வியைச் சந்தித்துள்ளது. நாக்பூரில் நேற்று முன்தினம் நடைபெற்ற ஆட்டத்தில் தமிழ் தலைவாசும் பெங்களூரு புல்சும் மோதின. விறுவிறுப்பான இந்த மோத லில் தொடக்கத்தில் ஆதிக்கம் செலுத்திய பெங்களூரு புல்ஸ் அணி 10வது நிமிடத்திலேயே தமிழ் தலைவாசின் அனைத்து வீரர்களையும் வெளியேற்றி புள்ளி களை மளமளவெனச் சேகரித்தது. தமிழ் தலைவாஸ் வீரர்கள் பல முறை ‘ரைடு’க்குச் சென்று வெறுங்கையுடனே திரும்பினர். முதல் பாதியில் 8=23 என்ற புள்ளிக் கணக்கில் தமிழ் தலை வாஸ் மோசமான நிலையில் திக்குமுக்காடியது.

கலாட்டாசரே செல்லும் சிட்டியின் ஃபெர்னாண்டோ

லண்டன்: மான்செஸ்டர் சிட்டி யின் பிரேசில் நாட்டு ஆட்டக் காரரான ஃபெர்னாண்டோ துருக்கியின் கலாட்டாசரே குழு வில் இணைந்துள்ளார். “சிட்டியுடனான் அனுபவங் கள் இனிமையானவை. என்னை அந்தக் குழுவின் நிர்வாகம் நன்றாகப் பார்த்துக்கொண்டது. இங்கிலிஷ் பிரிமியர் லீக் காற்பந்துப் போட்டி உலகிலேயே ஆக சவால்மிக்க காற்பந்துப் போட்டி என்று கருதப்படுகிறது. “இத்தகைய போட்டியில் வலிமைமிக்க குழுவுக்காக விளையாடியதில் மகிழ்ச்சி,” என்றார் 30 வயது ஃபெர்னாண் டோ.

அரிய சாதனைப் பட்டியலில் அஸ்வின்

அஸ்வின் ரவிச்சந்திரன். படம்: ஏஎஃப்பி

கொழும்பு: இலங்கைக்குச் சுற்றுப் பயணம் மேற்கொண்டுள்ள இந்திய கிரிக்கெட் அணி இரண் டாவது முறையாக அறுநூறு ஓட்டங்களைக் கடந்துள்ளது. காலேவில் நடந்த முதல் டெஸ்ட் போட்டியில் இந்தியா 304 ஓட்ட வித்தியாசத்தில் வென்றது. அப்போட்டியின் முதல் இன்னிங் சில் 600 ஓட்டங்களை விளாசிய இந்தியா, நேற்று முன்தினம் தொடங்கிய 2வது போட்டியின் முதல் இன்னிங்சில் ஒன்பது விக் கெட் இழப்பிற்கு 622 ஓட்டங்களை எடுத்திருந்தபோது ‘டிக்ளேர்’ செய்தது. புஜாராவும் (133) ரகானேவும் (132) சதம் விளாச, ராகுல் (57), அஸ்வின் (54), சாஹா (67), ஜடேஜா (70*) ஆகியோர் அரை சதம் கடந்தனர்.

புதிய சவால்களை விரும்பும் நெய்மார்

பாரிஸ்: காற்பந்து வரலாற்றில் இதுவரை இல்லாத வகையில் 222 மில்லியன் யூரோவுக்கு (S$358 மி.) ஸ்பெயினின் பார்சிலோனா குழுவில் இருந்து பிரான்சின் பாரிஸ் செயின்ட் ஜெர்மைன் (பிஎஸ்ஜி) குழுவிற்கு இடம் மாறி இருக்கிறார் பிரேசிலின் முன்னணி ஆட்டக்காரர் நெய்மார், 25. பார்சிலோனாவின் ‘மெஸ்ஸி= சுவாரெஸ்=நெய்மார் (எம்எஸ்என்)’ தாக்குதல் வரிசை உலகளவில் மிகப் பிரபலம். அம்மூவரும் இணைந்து பார்சிலோனாவிற்காக கடந்த பருவங்களில் கோல் மழை பொழிந்தனர். இந்த நிலையில், அக்குழுவை விட்டு நெய்மார் விலக விரும்பி யதை அறிந்து ஒட்டுமொத்த பார்சிலோனா குழுவும் அதிர்ச்சியில் ஆழ்ந்தது.

50வது போட்டியில் அசத்தல்

படம்: ஏஎஃப்பி

கொழும்பு: அனைத்துலக அளவில் 50வது போட்டியில் பங்கேற்ற இந்திய கிரிக்கெட் ஆட்டக்காரர் சேத்தேஸ்வர் புஜாரா, அதைத் தமது வாழ்நாளில் மறக்கமுடியாத நிகழ்வாக அமைத்துக்கொண்டார். இலங்கை அணிக்கெதிரான இரண்டாவது டெஸ்ட் போட்டியின் முதல் நாளான நேற்று புஜாரா சதம் விளாச, இந்தியா மூன்று விக்கெட் இழப்பிற்கு 344 ஓட்டங் களை எடுத்திருந்தது. முதல் போட்டியிலும் சதம் விளாசிய புஜாராவுக்கு, இலங்கை அணிக்கெதிரான மூன்றாவது சதம் இது.

தமிழக விளையாட்டாளர்கள் மூவருக்கு அர்ஜுனா விருது

படங்கள்: ஊடகம்

புதுடெல்லி: உடற்குறையுள்ளோ ருக்கான பாராலிம்பிக் போட்டி களில் இந்தியாவிற்குத் தங்கப் பதக்கம் வென்று தந்த தமிழகத் தின் மாரியப்பன் தங்கவேலுவுக்கு அர்ஜூனா விருது வழங்கப் பரிந் துரைக்கப்பட்டுள்ளது. பிரேசிலின் ரியோ டி ஜெனிரோ நகரில் கடந்த ஆண்டு செப்டம்பர் மாதம் நடந்த பாராலிம்பிக் போட்டி களில் உயரம் தாண்டுதல் போட்டி யில் பங்கேற்ற சேலம் மாவட் டத்தைச் சேர்ந்த 22 வயதான மாரியப்பன், 1.89 மீ. தாண்டி தங்கத்தைத் தனதாக்கினார். அவருடன், 26 வயது ஓட்டப் பந்தய வீரர் ஆரோக்கிய ராஜீவ், மேசைப்பந்து வீரர் அந்தோணி அமல்ராஜ், 31, ஆகியோரின் பெயர்களும் அர்ஜுனா விருதுக் குப் பரிந்துரைக்கப்பட்டுள்ளன.

போல்ட்டுக்கு சவால் விடுத்த வீரர் விலகல்

லண்டன்: இன்று தொடங்க இருக்கும் உலகத் திடல்தட வெற்றியாளர்கள் போட்டியில் இருந்து விலகி இருக்கிறார் ஓட்டப் பந்தய வீரரான கனடாவின் ஆண்ட்ரே டி கிராஸே, 22. இப்போட்டிகளுடன் ஓய்வுபெற இருக்கும் உலகின் அதிவேக வீரரான ஜமைக்காவின் உசேன் போல்ட், உலக வெற்றியாளர்கள் போட்டிகளில் தொடர்ந்து 4வது முறையாக 100 மீ. ஓட்டத்தில் தங்கம் வெல்லும் முனைப்பில் இருக்கிறார். அவரது அந்த முயற்சிக்கு டி கிராஸேவும் அமெரிக்க வீரர் ஜஸ்டின் காட்லினும் கடும் சவாலாக இருப்பர் என எதிர்பார்க்கப்பட்டது. இந்நிலையில், தசைநார் காயத்தால் போட்டியைவிட்டு விலகினார் டி கிராஸே. “விளையாட்டைப் பொறுத்த வரை காயம் என்பது சகஜம்தான்.

நடப்பு வெற்றியாளரைத் தோற்கடித்த இந்திய வீரர்

வா‌ஷிங்டன்: உலக டென்னிஸ் தரவரிசையில் 200வது இடத்தில் இருக்கும் இந்தியாவின் யுகி பாம்பிரி அமெரிக்காவில் நடந்து வரும் ஏடிபி சிட்டி பொது விருதுப் போட்டியின் இரண்டாம் சுற்றில் 22ஆம் நிலை வீரரான கேல் மோன்ஃபில்சைத் வீழ்த்தி அடுத்த சுற்றுக்கு முன்னேறினார். அந்தத் தொடரின் நடப்பு வெற்றியாளரான மோன்ஃபில்ஸ் 3-6, 6-4, 5-7 என்ற செட் கணக்கில் 25 வயதான பாம்ப்ரியிடம் வீழ்ந்தார். அடுத்து இடம்பெறவுள்ள காலிறுதிக்கு முந்திய சுற்றில் அர்ஜெண்டினாவின் கய்டோ பெலாவுடன் பாம்ப்ரி மோதுகிறார்.

ஊதியப் பிரச்சினையில் சுமுக உடன்பாடு

சிட்னி: ஆஸ்திரேலிய கிரிக்கெட் வீரர்களுடன் நிலவி வந்த ஊதியப் பிரச்சினையில் உடன்பாடு எட்டப் பட்டுள்ளதாக அந்நாட்டு கிரிக் கெட் சங்கம் தெரிவித்துள்ளது. ஐந்தாண்டுகளுக்கு ஒருமுறை ஆஸி. கிரிக்கெட் சங்கத்திற்கும் அந்நாட்டு கிரிக்கெட் வீரர்கள் சங்கத்திற்கும் இடையே ஊதியம் தொடர்பில் ஒப்பந்தம் போடப்படும். அந்த வகையில், கடைசியாகக் கையெழுத்தான ஒப்பந்தம் இந்த ஆண்டு ஜூன் மாதத்துடன் முடிவடைந்தது. முன்னதாக, ஊதிய உயர்வுடன் கூடிய அடுத்த ஐந்தாண்டுகளுக் கான ஒப்பந்தத்தை ஆஸி. கிரிக் கெட் சங்கம் கடந்த மார்ச் மாதத் தில் முன்வைத்தது.

Pages