You are here

விளையாட்டு

நீர்ப்பந்து: எட்டாக் கனியான தங்கப் பதக்கம்

கோலாலம்பூர்: தங்கம் வெல்ல வேண்டும் என்ற முனைப்புடன் களமிறங்கிய சிங்கப்பூரின் மகளிர் நீர்ப்பந்துக் குழுவுக்கு நேற்று ஏமாற்றமே மிஞ்சியது. இறுதி ஆட்டத்தில் தாய்லாந்திடம் அது 5=1 எனும் புள்ளிகள் கணக்கில் படுதோல்வி அடைந்தது. இரண்டு ஆண்டுகளுக்கு முன்பு சிங்கப்பூரில் நடைபெற்ற தென்கிழக்காசிய விளையாட்டுப் போட்டிகளிலும் நீர்ப்பந்துக்கான இறுதி ஆட்டத்தில் சொந்த ரசிகர்களுக்கு முன் இதே தாய்லாந்து அணியிடம் சிங்கப்பூர் மகளிர் 5=4 எனும் புள்ளிகள் கணக்கில் தோல்வியைத் தழுவினர்.

எவர்ட்டன் வெற்றி

மைக்கல் கீன்

லிவர்பூல்: யூரோப்பா லீக் காற் பந்துத் தொடருக்கு முந்தைய ‘பிளே ஆஃப்’ ஆட்டத்தின் முதல் சுற்றில் ஹைதுத் ஸ்பிலிட் அணியை 2 கோல்கள் வித்தியாசத்தில் வீழ்த்தியது எவர்ட்டன். 30வது நிமிடத்தில் மைக்கல் கீன் (படம்) புகுத்திய கோலால் எவர்ட்டன் முன்னிலை பெற, ஹைதுத் குழு ரசிகர்கள் கலவரத்தில் ஈடுபட்டனர். இதனால் 33வது நிமிடத்தில் ஆட்டம் தற்காலிகமாக நிறுத்தப்பட்டது. ஆட்டம் மீண்டும் தொடங் கிய சில நிமிடங்களிலேயே எவர்ட்டன் மேலும் ஒரு கோலை போட, வலுவான நிலையை எட்டியது அக்குழு. இதற்கிடையே, எதிரணி போட முயன்ற மூன்று கோல் களையும் எவர்ட்டனின் புதிய கோல் காப்பாளரான ஜோர்டன் பிக்ஃபோர்ட் தடுத்துவிட்டார்.

ஒருங்கிணைந்த நீச்சல்; 2வது தங்கப் பதக்கம்

கோலாலம்பூர்: தென்கிழக்காசிய விளையாட்டுப் போட்டியில் சிங்கப்பூருக்கான இரண்டாவது தங்கப் பதக்கத்தை வென்று உள்ளனர் ஒருங்கிணைந்த நீச்சல் வீராங்கனைகளான டெபி சோ, மியா யோங். ஒருங்கிணைந்த நீச்சல் போட்டியின் இரட்டையர் பிரிவில் பங்கேற்ற இவர்கள், 75.1791 புள்ளிகள் பெற்று முதலிடத்தைப் பிடித்தனர். மலேசிய வீராங்கனைகள் 2ஆம் இடத்தையும் இந்தோனீசிய வீராங்கனைகள் மூன்றாவது இடத்தையும் பிடித்தனர். நேற்று முன்தினம் நடந்த தனிநபர் ஒருங்கிணைந்த நீச்சல் பிரிவில் டெபி சோ தங்கமும் மியா யோங் வெண்கலமும் வென்றிருந்தனர்.

நீர்ப்பந்து விளையாட்டில் இந்தோனீசியா - சிங்கப்பூர் சமநிலை

கோலாலம்பூர்: நீர்ப்பந்து விளை யாட்டில் நடப்பு வெற்றியாளரான சிங்கப்பூர் குழு இந்தோனீசியா விடம் சமநிலை கண்டது. தென்கிழக்காசிய விளை யாட்டுப் போட்டிகளில் நேற்று சிங்கப்பூர் ஆடவர் குழு மூன்றா வது நீர்ப்பந்து போட்டியில் இந்தோனீசியாவோடு மோதியது. முற்பாதி நேரத்தில் சிங்கப்பூர் மூன்று கோல்களைப் புகுத்திய நிலையில், இந்தோனீசியா ஒரு கோல் மட்டுமே போட்டிருந்தது. பிற்பாதி ஆட்டத்தில் எழுச்சி பெற்ற இந்தோனீசியா, மேலும் இரண்டு கோல்களைப் புகுத்தி சமநிலை கண்டது. அது மட்டுமல்லாமல், கடைசி நேர ஆட்டத்தில் இந்தோனீசியா மேலும் ஒரு கோலைப் புகுத்தி 4=3 என முன்னிலை பெற்று சிங்கப்பூருக்கு அதிர்ச்சி அளித் தது.

பார்சிலோனா குழுவை பந்தாடியது ரியால் மட்ரிட்

 படம்: ராய்ட்டர்ஸ்

மட்ரிட்: ஸ்பானிய காற்பந்துக் குழுவான ரியால் மட்ரிட் யூஃபா சூப்பர் கிண்ணத்தைத் தொடர்ந்து ஸ்பானிய சூப்பர் கிண்ணத்தையும் வென்றுள்ளது. ஸ்பானிய சூப்பர் கிண்ண இரண்டாவது சுற்று ஆட்டத்தில் பார்சிலோனாவை தனது சொந்த மண்ணில் நேற்று அதிகாலை எதிர்கொண்டது ரியால் மட்ரிட். முதல் சுற்று ஆட்டத்தில் மட்ரிட் குழுவிற்காக கோலடித்த மார்க்கோ அசென்சியோ, நேற் றைய ஆட்டத்திலும் புகுத்திய கோல்தான் அக்குழுவை முன் னிலை பெறச் செய்தது. அடுத்து மார்செலோ கொடுத்த பந்தை கரிம் பென்சிமா கோலாக மாற்ற, மட்ரிட் குழுவின் கோல் எண்ணிக்கை இரண்டாக உயர்ந் தது.

உடற்தகுதிக் குறைவுதான் தோல்விக்குக் காரணம் - பயிற்றுவிப்பாளர் ரிச்சர்ட் டார்டி

கோலாலம்பூர்: தென்கிழக்காசிய விளையாட்டுப் போட்டிகளில் மலேசிய காற்பந்துக் குழுவிடம் இளம் சிங்கப்பூர்க் குழு 2-1 என்ற கோல் கணக்கில் தோற்ற தற்கு வீரர்களின் உடற்தகுதிக் குறைவே காரணம் என்று கூறி இருக்கிறார் பயிற்றுவிப்பாளர் ரிச்சர்ட் டார்டி. “ஆட்டம் கிட்டத்தட்ட ஒரு மணி நேரம் கடந்த நிலையில் வென்றுவிடலாம் என்று எண்ணி னோம். ஆனால், வீரர்களுக்கு உடல்ரீதியான பிரச்சினைகள் உள்ளதால் முற்பாதி ஆட்டத்தில் தாக்குப்பிடித்ததைப் போல் இறுதி வரை அவர்களால் தாக்குப்பிடிக்க முடியவில்லை,” என்றார் அவர். முதல் ஆட்டத்தில் மியன்மாரி டம் தோற்ற சிங்கப்பூர்க் குழு நேற்று முன்தினம் இரவு மலே சியக் குழுவை எதிர்கொண்டது.

ஹோஃபன்ஹைமை வீழ்த்தி லிவர்பூல் எளிதில் வெற்றி

லிவர்பூல் வீரர்களுடன் உரையாடும் அதன் நிர்வாகி குளோப் (நடுவில்). படம்: ராய்ட்டர்ஸ்

சின்சியம்: சாம்பியன்ஸ் லீக் காற்பந்தின் முதல் ‘பிளே ஆஃப்’ சுற்றில் லிவர்பூல், ஹோஃபன் ஹைம் குழுக்கள் மோதின. புதிய ஆட்டக்காரர் அலெக் ஸாண்டர்-அர்னால்ட் மிக சாதுரி யமாக 35வது நிமிடத்தில் புகுத் திய கோலால் லிவர்பூல் முன் னிலைப் பெற்றது. முன்னதாக 11வது நிமிடத் தில் ஹோஃபன்ஹைம் குழுவிற்கு கிடைத்த பெனால்டி வாய்ப்பைப் பயன்படுத்தி அன்ரேஜ் கர்மேரிக் புகுத்திய கோலைத் தடுத்து விட் டார் லிவர்பூல் கோல்காப்பாளர் சிமோன் மினியோலெ. இந்த கோலை தடுக்காமல் விட்டிருந்தால், லிவர்பூலின் நிலைமை மிகவும் மோசமாகப் போயிருக்கும்.

நீர்ப்பந்து: தாய்லாந்தை வீழ்த்தியது சிங்கப்பூர் ஆடவர் குழு

படம்: ஸ்ட்ரெய்ட்ஸ் டைம்ஸ்

கோலாலம்பூரில் நடைபெற்று வரும் தென்கிழக்காசிய விளையாட்டுப் போட்டிகளில் ஆடவர் பிரிவு நீர்ப்பந்து விளையாட்டில் தாய் லாந்து குழுவை வீழ்த்தி சிங்கப்பூர் குழு வெற்றி பெற்றது. ஆட்டம் தொடங்கியது முதல் கடைசி வரை ஆதிக்கம் செலுத் தியது சிங்கப்பூர் குழு. முதல் பாதி ஆட்டம் வரை தாய்லாந்து குழு கோல் எதுவும் போடாத நிலையில், சிங்கப்பூர் குழு ஐந்து கோல்கள் முன்னி லையில் இருந்தது. பிற்பாதி ஆட்டத்தில் தாய் லாந்து இரண்டு கோல்கள் மட்டுமே போட்டது. இறுதியில் 13-2 என்ற கோல் கணக்கில் சிங்கப்பூர் குழு வெற்றி பெற்றது. இன்று நடைபெறவுள்ள அடுத்த ஆட்டத்தில் பிலிப்பீன்ஸ் குழுவை எதிர்கொள்கின்றனர் சிங்கப்பூர் வீரர்கள்.

பந்து தலையில் தாக்கியதில் கிரிக்கெட் வீரர் மரணம்

இஸ்லமாபாத்: பாகிஸ்தானின் முதல் தர போட்டிகளில் விளை யாடி வந்த இளம் வீரர் ஜுபைர் அகமது, பவுன்சர் பந்து தலையில் தாக்கியதில் உயிரிழந்துள்ளார். பாகிஸ்தானின் மர்தானின் ஆகஸ்ட் 14ஆம் தேதி நடைபெற்ற போட்டியின் போது இச்சம்பவம் நிகழ்ந்து இருப்பது தெரிய வந்துள்ளது. பந்தடிப்பில் ஈடுபட்டிருந்த போது அவர் தலைகவசம் அணியாததால் அவரது தலையில் பலத்த காயம் ஏற்பட்டு அவர் உயிரிழந்துள்ளார். ஜூபைர் அகமது மரணத்திற்கு டுவிட்டரில் ஆழ்ந்த இரங்கல் தெரிவித்துள்ள பாகிஸ்தான் கிரிக்கெட் வாரியம், பந்தடிப்பாளர் கள் தலைகவசம் அணிவதன் முக்கியத்துவத்தையும் வலி யுறுத்தியுள்ளது.

கவுன்டி போட்டிகளில் அஸ்வின்

இந்திய கிரிக்கெட் அணியின் முன்னணி சுழற்பந்து வீச்சாளர் அஸ்வின்

சென்னை: இந்திய கிரிக்கெட் அணியின் முன்னணி சுழற்பந்து வீச்சாளர் அஸ்வின் (படம்) முதல் முறையாக கவுன்டி போட்டிகளில் விளையாடவுள்ளார். அண்மையில் நடந்து முடிந்த இலங்கைக்கு எதிரான மூன்று போட்டிகள் கொண்ட டெஸ்ட் தொடரில் 17 விக்கெட்டுகளை வீழ்த்தியிருந்தார் அஸ்வின். இந்த நிலையில், அந்த அணிக் கெதிராக அடுத்து நடக்கவுள்ள ஐந்து போட்டிகள் கொண்ட ஒரு நாள் போட்டித் தொடருக்கான இந்திய அணியில் அஸ்வின் சேர்க்கப்படவில்லை.

Pages