You are here

விளையாட்டு

காலிறுதிக்குள் அமெரிக்கா, ஜெர்மனி

புதுடெல்லி: இந்தியாவில் நடை பெறும் 17 வயதுக்குட்பட்டோருக் கான உலகக் கிண்ணக் காற் பந்துப் போட்டியின் காலிறுதிக்கு அமெரிக்காவும் ஜெர்மனியும் தகுதி பெற்றுள்ளன. காலிறுதிக்கு முந்திய ஆட்டத்தில் இவ்விரு குழுக்களும் கோல் மழை பொழிந்தன. கொலம்பியாவுக்கு எதிராக நேற்று முன்தினம் நடைபெற்ற ஆட்டத்தில் 4-0 எனும் கோல் கணக்கில் ஜெர்மனி வாகை சூடியது. கொலம்பியாவின் தற்காப்பில் ஏற்பட்ட குளறுபடியைப் பயன்படுத்தி ஜெர்மனி அதன் கோல்களைப் போட்டது. ஜெர்மனியின் அணித் தலை வரும் நட்சத்திரத் தாக்குதல் ஆட்டக்காரருமான யான் ஃபியேட்டே ஆட்டத்தின் 7வது, 65வது நிமிடங்களில் கோல் போட்டார்.

‘சிட்டியின் மிகச்சிறந்த ஆட்டம்’

‘சிட்டியின் மிகச்சிறந்த ஆட்டம்’

மான்செஸ்டர்: ஸ்டோக் காற்பந்துக் குழுவிற்கு எதிரான ஆட்டத்தில் மான்செஸ்டர் சிட்டி சொந்த கோல் போட்டாலும் 7-2 என்ற கோல் கணக்கில் வெற்றி பெற்றது. ஆட்டத்திற்குப் பிறகு பேசிய மேன்சிட்டி குழுவின் நிர்வாகி பெப் கார்டியோலா தான் நிர்வாகி யாக பொறுப்பேற்ற பிறகு, சிட்டி குழுவின் மிகச்சிறந்த ஆட்டம் இது எனப் பாராட்டினார். ஸ்டோக் குழுவிற்கு எதிரான இந்த வெற்றியின் மூலம் பிரிமியர் லீக் காற்பந்துப் பட்டியலில் இரண்டு புள்ளிகள் வித்தியாசத் தில் முதலிடத்தைப் பிடித்துள்ளது மேன்சிட்டி. சிட்டி குழுவின் இந்த இமாலய வெற்றிக்கு முக்கிய காரணமாக இருந்தவர் கெவின் டி பிரய்ன.

பிரான்ஸ், இங்கிலாந்து வெற்றி

புதுடெல்லி: உலகக் கிண்ணக் காற்பந்தில் 17 வயதிற்குட்பட் டோருக்கான தொடரில் பிரான்ஸ், இங்கிலாந்து, ஜப்பான், மெக் சிகோ, ஹோண்டுராஸ், ஈராக் குழுக்கள் அடுத்த சுற்றுக்கு முன்னேறியுள்ளன. ‘ஈ’ பிரிவில் ஹோண்டுராஸ் குழுவை பிரான்ஸ் 5-1 என்ற கோல் கணக்கில் வீழ்த்தியது. ஜப்பான் - நியூ கலிடோனியா மோதிய ஆட்டம் 1-1 என சமநிலை கண்டது. ‘எஃப்’ பிரிவில் ஈராக்கிற்கு எதிரான ஆட்டத்தில் இங்கிலாந்து அணி 4-0 என வெற்றி பெற்றது. இன்று தொடங்கவுள்ள நாக்-அவுட் சுற்றில் கொலம்பியா - ஜெர்மனி, பராகுவே - அமெரிக்கா மோதவுள்ளன.

அட்லெட்டிகோ மட்ரிட்டின் வெற்றியைப் பறித்த சுவாரெஸ்

அட்லெட்டிகோ: ஸ்பானிய லா லீகா காற்பந்துத் தொடரில் பார்சிலோனாவின் தோல்வியைத் தடுக்கும் வகையில் சுவாரெஸ் போட்ட கோலால் அட்லெட்டிகோ விற்கு எதிரான ஆட்டம் சமநிலை கண்டது. 21வது நிமிடத்தில் அட்லெட் டிகோ போட்ட கோலைச் சமன் செய்யத் தடுமாறியது பார்சி லோனா. முன்னதாக பார்சி லோனாவை முன்னிலை பெறச் செய்யும் மெஸ்ஸியின் முயற்சி பலனளிக்கவில்லை. ஆனால், ஆட்டம் முடிய எட்டு நிமிடங்களே இருந்த நிலையில், சுவாரெஸ் புகுத்திய கோலால் ஆட்டம் 1=1 என சமநிலை கண்டது. இதனால் பட்டியலில் முதல் இடத்தில் இருக்கும் பார்சிலோனா புள்ளிகள் அதிகரித்துள்ளது.

பாபர் ஆஸம் சதம்; பாகிஸ்தான் வெற்றி

 படம்: ஏஎஃப்பி

துபாய்: இலங்கைக்கு எதிராக துபாயில் நேற்று முன்தினம் நடைபெற்ற முதல் ஒருநாள் போட்டி யை 83 ஓட்டங்கள் வித்தியாசத்தில் பாகிஸ்தான் கைப்பற்றியுள்ளது. இலங்கைக்கும் பாகிஸ் தானுக்கும் இடையிலான இரண்டு டெஸ்ட் ஆட்டங்கள் ஏற்கெனவே நடந்து முடிந்துவிட்டன. அந்த டெஸ்ட் தொடரில் இலங்கை 2=0 என்ற கணக்கில் வெற்றி பெற்றது. இதையடுத்து, ஐந்து ஒருநாள், மூன்று டி20 போட்டிகளிலும் இந்த இரு அணிகளும் மோதுகின்றன. இந்நிலையில், இரு அணிகளுக் கிடையிலான முதல் ஒருநாள் போட்டி, துபாய் அனைத்துலக கிரிக்கெட் மைதானத்தில் நடை பெற்றது.

லிவர்பூல்-=யுனைடெட் சமநிலை

படம்: ராய்ட்டர்ஸ்

லிவர்பூல்: ஆன்ஃபீல்ட் விளை யாட்டரங்கத்தில் லிவர்பூலுக்கும் மான்செஸ்டர் யுனைடெட்டுக்கும் இடையிலான நேற்றைய ஆட்டம் கோல் ஏதுமின்றி சமநிலையில் முடிந்தது. லிவர்பூல் பல தாக்குதல்களை நடத்தியபோ திலும் யுனைடெட்டின் தற்காப்பு அரணை அதனால் இறுதிவரை தகர்க்க முடியவில்லை. இந்த முடிவு யுனைடெட் நிர்வாகி மொரின்யோ வகுத்த வியூகத் துக்குக் கிடைத்த வெற்றியாக எடுத்துக்கொள்ளப்படும்.

லிவர்பூலின் முகம்மது சாலாவிடமிருந்து (இடது) பந்தைப் பறிக்க முயற்சி செய்யும் யுனைடெட்டின் ஃபில் ஜோன்ஸ். படம்: ராய்ட்டர்ஸ்

2வது சுற்றில் ஜெர்மனி, பிரேசில், ஈரான், ஸ்பெயின்

கொச்சி: இந்தியாவில் நடைபெறும் 17 வயதுக்குட்பட்டோருக்கான உலகக் கிண்ணக் காற்பந்துப் போட்டியின் இரண்டாவது சுற்றுக்கு ஜெர்மனி, பிரேசில், ஈரான், ஸ்பெயின் ஆகிய நாடுகள் தகுதி பெற்றுள்ளன. கொச்சியில் நேற்று முன்தினம் நடைபெற்ற முதல் சுற்று ஆட்டத்தில் ‘சி’ பிரிவில் உள்ள ஜெர்மனியும் கினியும் மோதின. இதில் ஜெர்மனி வாகை சூடியது. கினியை ஜெர்மனி 3=1 எனும் கோல் கணக்கில் தோற் கடித்தது. ஜெர்மனியின் அணித் தலைவர் ஜான் பியட்டி அர்ப், நிக்கலஸ் குன், சவெர்டி செட்டின் ஆகியோர் ஜெர்மனியின் கோல் களைப் போட்டனர். வலை நோக்கி கினி பலமுறை பந்தை அனுப்பியபோதிலும் அக் குழுவால் ஒரு கோல் மட்டுமே போட முடிந்தது.

மொரின்யோவின் முன்னுரைக்க முடியா வியூகம்

மொரின்யோ. படம்: ஏஎஃப்பி

லண்டன்: ஆட்டங்களுக்கு முன்பு மான்செஸ்டர் யுனைடெட் குழுவின் நிர்வாகி ஜோசே மொரின்யோ எத்தகைய வியூகத்தை வகுப்பார் என்பதை முன்னுரைப்பது காற்பந்து நிபுணர்களுக்கும் சவால்மிக்க காரியம் என்பது அனைவரும் அறிந்ததே. அதிலும் முக்கிய ஆட்டங் களின்போது யாரும் எதிர்பார்க்காத உத்திகளைக் கடைப்பிடித்து வெற்றி பெறுவது மொரின்யோவின் தனிச் சிறப்பு என்று செல்சியின் முன்னாள் அணித் தலைவர் ஜான் டெரி முன்பு ஒருமுறை கூறியது குறிப்பிடத்தக்கது. கடந்த ஆண்டு, கிட்டத்தட்ட இதே மாதத்தில் லிவர்பூலை அதன் ஆன்ஃபீல்ட் விளையாட்டரங் கத்தில் யுனைடெட் சந்தித்தது. அந்த ஆட்டம் கோல் ஏதுமின்றி சமநிலையில் முடிந்தது.

கானாவிடம் இந்தியா படுதோல்வி

படம்: இந்திய ஊடகம்

புதுடெல்லி: 17 வயதுக்குட்பட் டோருக்கான உலகக் கிண்ணக் காற்பந்துப் போட்டியில் போட்டியை ஏற்று நடத்தும் இந்தியா அதன் கடைசி முதல் சுற்று ஆட்டத்தில் கானாவிடம் 4=0 எனும் கோல் கணக்கில் படுதோல்வி அடைந் துள்ளது. இதன் விளைவாக இந்தியா போட்டியிலிருந்து வெளியேறி உள்ளது. ஆட்டத்தின் 43வது நிமிடத்தில் கானாவின் எரிக் அயியா தமது குழுவின் முதல் கோலைப் போட்டார். இடைவேளையின்போது 1=0 எனும் கோல் கணக்கில் கானா முன்னிலை வகித்தது. பிற்பாதி ஆட்டம் தொடங்கி ஏறத்தாழ ஏழு நிமிடங்களில் கானாவின் இரண்டாவது கோல் புகுந்தது.

ஆசிய கிண்ணக் காற்பந்து 2019: இந்திய அணி தகுதி

படம்: ஏஎஃப்பி

ஐக்கிய அரபுச் சிற்றரசுகளில் 2019ஆம் ஆண்டு நடக்கவுள்ள ஆசிய கிண்ணக் காற்பந்துப் போட்டிகளுக்கு இந்திய அணி தகுதிபெற்றுள்ளது. பெங்களூரில் நேற்று முன்தினம் நடந்த தகுதிச் சுற்று ஆட்டத்தில் இந்திய அணி 4-1 என்ற கோல் கணக்கில் மக்காவ் அணியை வீழ்த்தியது. ரௌலின் போர்கஸ், அணித்தலைவர் சுனில் சேத்ரி (வலமிருந்து 2வது), லால்பெக்லுவா ஆகியோர் இந்திய அணிக்காக ஆளுக்கு ஒரு கோலை அடித்தனர். மக்காவ் ஆட்டக்காரர் லாம் செங் சொந்த கோல் அடித்ததால் இந்திய அணியின் கோல் எண்ணிக்கை நான்காக உயர்ந்தது. தகுதிச் சுற்று ஆட்டங்களில் இந்திய அணிக்குக் கிட்டிய தொடர்ச்சியான நான்காவது வெற்றி இது.

Pages