You are here

விளையாட்டு

இந்தியா அபார வெற்றி

படம்: ஏஎஃப்பி

போர்ட் ஆஃப் ஸ்பெயின்: இந்தியா - வெஸ்ட் இண்டீஸ் அணிகளுக்கு இடையேயான இரண்டாவது ஒரு நாள் போட்டியில் இந்திய அணி 105 ஓட்டங்கள் வித்தியாசத்தில் வெற்றி பெற்றுள்ளது. இந்த ஆட்டத்தில் 43 ஓவர்களில் 311 ஓட்டங்கள் என்ற கடின இலக்கை துரத்திய வெஸ்ட் இண்டீஸ் அணியை இந்திய அணி ஓரங்கட்டியது. இந்தியா ஐந்து ஒருநாள் போட்டிகள் கொண்ட தொடரில் விளையாடுவதற்காக வெஸ்ட் இண்டீஸ் சென்றுள்ளது. இரு அணிகளுக்கும் இடை யிலான முதல் போட்டி போர்ட் ஆஃப் ஸ்பெயினில் கடந்த சனிக்கிழமையன்று நடைபெற்றது.

துப்பாக்கி சுடுதல்: இந்திய வீராங்கனைக்குத் தங்கம்

யஷ்வினி சிங் தேஷ்வால்

பர்லின்: ஜெர்மனியில் நடைபெற்ற ஜூனியர் உலகத் துப்பாக்கி சுடுதல் போட்டியில் பெண்களுக் கான 10 மீட்டர் ஏர்பிஸ்டல் பிரிவில் இந்திய வீராங்கனை யஷ்வினி சிங் தேஷ்வால் தங்கம் வென்றுள்ளார். நேற்று முன்தினம் நடைபெற்ற இந்தப் போட்டியில் யஷ்வினி 235.9 புள்ளிகள் பெற்று முதலிடத்தைப் பிடித்தார். தென்கொரிய வீராங்கனை கிம்வூரி இரண்டாவது இடத்தை (231.8 புள்ளிகள்) பிடித்தார். கடந்த மூன்று ஆண்டுகளில் இதுவரை ஒன்பது முறை இறுதிப் போட்டிக்குத் தகுதி பெற்றுள்ள யஷ்வினி, தற்போதுதான் முதல் முறையாகத் தங்கம் வென்றுள்ளார்.

சூடினார். தகுதிச் சுற்றில் மெர்சிடிஸ் அணியின் லுவிஸ் ஹேமில்டன்

வெட்டலைக் கடுமையாகச் சாடும் ஹேமில்டன் பாக்கு: அஸர்பைஜான் எஃப்1 கார் பந்தயத்தை ரெட் புல் அணியின் டேனியல் ரிக்கார்டோ கைப்பற்றியுள்ளார். பத்தாவது இடத்தில் துவங்கிய ரிக்கார்டோ முதல் இடத்தை பிடித்து வாகை முதல் இடம் பிடித்து ‘போல்’ நிலையை அடைந்தார். ‘போல்’ நிலையை அடைந்த ஹேமில்டன் பந்தயத்தில் முதல் நபராக புறப்பட்டார். இருப்பினும், அவரால் மூன்றாவது இடத்தை மட்டுமே பிடிக்க முடிந்தது. இந்நிலையில், அவர் ஃபெராரி அணியின் செபாஸ்டியன் வெட்டலைக் கடுமையாகச் சாடியுள்ளார். பந்தயத்தின்போது ஹேமில்டனின் கார் மீது வெட்டல் மோதியதால் ஹேமில்டன் அதிருப்தி அடைந்துள்ளார்.

அரை இறுதியில் போர்ச்சுகல்

அரை இறுதியில் போர்ச்சுகல்

செய்ண்ட் பீட்டர்ஸ்பர்க்: ரஷ்யாவில் நடைபெற்று வரும் கான்ஃபெட ரேஷன் கிண்ணக் காற்பந்துப் போட்டியின் அரை இறுதிச் சுற்றுக்கு போர்ச்சுகல் முன்னேறி யுள்ளது. அது நியூசிலாந்து அணியை 4-0 என்ற கோல் கணக்கில் வீழ்த்தியது. பெனால்டி வாய்ப்பு மூலம் போர்ச்சுகலின் முதல் கோலைப் போட்டவர் அவ்வணியின் தலைவர் கிறிஸ்டியானோ ரொனால்டோ. அவரைத் தொடர்ந்து பெர்னார்டோ சில்வா, ஆண்ட்ரே சில்வா, நானி ஆகியோர் கோல்களைப் போட்ட போர்ச்சுகல் வெற்றியை உறுதி செய்தனர்.

ஆஸி. பேட்மிண்டன் பொதுவிருது வென்றார் இந்திய வீரர் ஸ்ரீகாந்த்

கிடாம்பி ஸ்ரீகாந்த்

சிட்னி: ஆஸ்திரேலியாவின் சிட்னி நகரில் நேற்று நடந்த ஆடவருக்கான பேட்மிண்டன் பொதுவிருதுப் போட்டியின் இறுதிச் சுற்று ஆட்டத்தில் வெற்று பெற்று பட்டத்தை வென்றுள்ளார் இந்திய வீரர் கிடாம்பி ஸ்ரீகாந்த் (படம்). சீன வீரர் சென் லாங்குடன் நேற்று மோதினார் ஸ்ரீகாந்த். சென் லாங்கிடம் ஏற்கெனவே 5 முறை ஸ்ரீகாந்த் தோற்றுள்ளதால் ஸ்ரீகாந்த் மீண்டும் தோல்வி அடைவாரா அல்லது பதிலடி கொடுப்பாரா என ரசிகர்களிடையே இந்த ஆட்டம் பெரும் எதிர்பார்ப்பை வெளிப்படுத்தியது. இருவருக்கு இடையே கடுமையான போட்டி நிலவியது. இறுதியில் 22-20 என்ற கணக்கில் ஸ்ரீகாந்த் முதல் செட்டை கைப்பற்றினார்.

முதல் ஆட்டத்தில் இந்தியா அபார வெற்றி

லண்டன்: இங்கிலாந்தில் நேற்று முன் தினம் நடைபெற்ற பெண்களுக்கான உலகக் கிண்ண 50 ஓவர் கிரிக்கெட் போட்டியின் முதல் ஆட்டத்தில் இங்கிலாந்து அணியை 35 ஓட்டங்கள் வித்தியாசத்தில் வீழ்த்தியது இந்தியா. பூவா தலையா வென்ற இங்கிலாந்து அணி முதலில் களக்காப்பைத் தேர்வு செய்தது. தொடக்க வீராங்கனைகளாகக் களம் இறங்கிய இந்தியாவின் பூனம் ரவுத், மந்தனா ஆகிய இருவரும் தொடக்கம் முதல் சிறப்பான ஆட்டத்தை வெளிப்படுத் தினார்கள். மந்தனா 72 பந்தில் 11 பவுண்டரி, 2 சிக்சருடன் 90 ஓட்டங்கள் எடுத்து ஆட்டம் இழந்தார். அதுதான் இந்தியா இழந்த முதல் விக்கெட். அப்போது இந்திய அணி 26.5 ஓவரில் 144 ஓட்டங்கள் எடுத்திருந்தது.

ஐசிசியின் துணைத் தலைவர் இம்ரான் ஹமீது குவாஜா

திரு இம்ரான் ஹமீது குவாஜா.

அனைத்துலக கிரிக்கெட் மன்றத் தின் (ஐசிசி) துணைத் தலைவராக சிங்கப்பூர் கிரிக்கெட் சங்கத்தின் முன்னாள் தலைவர் இம்ரான் ஹமீது குவாஜா நியமிக்கப்பட்டு உள்ளார். திரு குவாஜாவைத் துணைத் தலைவராக நியமனம் செய்ய மன்றத்தின் இயக்குநர் சபை நேற்று ஏகமனதாக முடிவெடுத்தது. விதிமுறை மாற்றத்தை அடுத்து, மன்றத்தின் துணைத் தலைவர் பதவி காலியானது. மன்றத்தின் தலைவர் சஷாங் மனோகர் தமது பொறுப்புகளை ஆற்ற முடியாத பட்சத்தில் சிங்கப்பூரைச் சேர்ந்த வழக்கறி ஞரான திரு குவாஜா மன்றத்தை வழிநடத்துவார்.

இறுதிப் போட்டிக்குள் இந்தியாவின் ஸ்ரீகாந்த்

ஸ்ரீகாந்த்

சிட்னி: ஆஸ்திரேலியாவில் நடைபெற்று வரும் பொது விருது சூப்பர் சீரிஸ் பூப்பந்துப் போட்டியில் ஆடவருக்கான ஒற்றையர் பிரிவின் இறுதிப் போட்டிக்கு இந்தியாவின் கிடாம்பி ஸ்ரீகாந்த் தகுதி பெற்றுள்ளார். அரையிறுதிப் போட்டியில் சீன வீரரைத் அவர் தோற் கடித்தார். சிட்னி நகரில் நேற்று நடைபெற்ற ஆட்டத்தில் சீனாவின் ‌ஷீ யுகியுடன் ஸ்ரீகாந்த் மோதினார்.

சவுதாம்டனுக்கு புதிய நிர்வாகி

லண்டன்: இங்கிலிஷ் பிரிமியர் லீக் காற்பந்துப் போட்டியில் விளையாடும் சவுதாம்டன் குழுவின் புதிய நிர்வாகியாக மொரிசியோ பெல்லகிரினோ நியமிக்கப்பட்டுள்ளார். அர்ஜெண்டினாவைச் சேர்ந்த 45 வயது பெல்லகிரினோ இதற்கு முன்பு ஸ்பானிய லீக்கில் விளையாடும் அலவேஸ் குழுவின் நிர்வாகியாக இருந்தார். சவுதாம்டனுடன் அவர் மூன்று ஆண்டு ஒப்பந்தத்தில் கையெழுத்திட்டுள்ளார்.

டெஸ்ட் போட்டிகளில் ஆட ஆப்கான், அயர்லாந்து தகுதி

லண்டன்: கிரிக்கெட் விளையாட் டில் இதுவரை ஒருநாள், டி20 போட்டிகளில் மட்டுமே விளையாடி வந்த ஆப்கானிஸ்தானும் அயர் லாந்தும் இனி டெஸ்ட் போட்டி களிலும் விளையாட உள்ளன. அந்த இரு நாடுகளுக்கும் அனைத்துலக கிரிக்கெட் மன்றத் தின் (ஐசிசி) முழு உறுப்பினர் அந்தஸ்து வழங்கப்பட்டதால் அவை டெஸ்ட் போட்டிகளில் விளையாடும் தகுதியைப் பெற்றன. ஐசிசியின் இந்த முடிவை அவ்விரு நாடுகளும் வரவேற்றுள்ளன.

Pages