You are here

விளையாட்டு

தீபாவளி கிண்ணத்தில் முன்னாள் நட்சத்திரங்கள்

ஜூரோங் எப்.சி. குழு சிங்கப்பூரில் நீண்ட வரலாற்றைக் கொண்டுள்ளது. அதோடு இக்குழுவுக்காக விளையாடியுள்ள வீரர்களில் பலர் தேசிய குழுவுக்காகக் களமிறங்கியிருப்பது குறிப்பிடத்தக்கது. நாளை மாலை ஜூரோங் எப்.சி.யின் முன்னாள் வீரர்கள், 1960களிலிருந்து தேசிய குழுவுக்கும் சிங்கப்பூர் காற்பந்து லீக்கின் வெவ்வேறு குழுக்களுக்கும் விளையாடிய இந்திய விளையாட்டாளர்கள் ஆகியோர் நாளை தீபாவளி கிண்ண ஆட்டத்தில் மோத இருக்கின்றனர். முன்னாள் தேசிய காற்பந்து வீரர்களான டெரி பத்மநாதன், எஸ்.சுப்ரமணி, வி.சுந்தரமூர்த்தி, தமிழ்மாறன் முதலியோர் இவ்வாட்டத்தில் விளையாடுகின்றனர்.

செர்கே ஓரியேவை பாராட்டும் வெங்கர்

இங்கிலிஷ் பிரிமியர் லீக் காற்பந்துப் போட்டி ஆட்டத்தில் ஆர்சனலும் ஸ்பர்சும் நாளை மோதுகின்றன. தற்போது 23 புள்ளிகளுடன் பட்டியலில் மூன்றாவது இடத்தில் ஸ்பர்ஸ் உள்ளது. ஆர்சனல் 19 புள்ளிகளுடன் ஆறாவது இடத்தில் இருக்கிறது. இந்நிலையில், அண்மையில் ஸ்பர்ஸ் குழுவில் இணைந்த ஐவரி கோஸ்ட் தற்காப்பு ஆட்டக் காரர் செர்கே ஓரியேவை உயர்தர ஆட்டக்காரர் என ஆர்சனல் நிர்வாகி ஆர்சன் வெங்கர் பாராட்டி உள்ளார். ஓரியேவை ஒப்பந்தம் செய்ய ஆர்சனல் நீண்டகாலமாகவே முயன்று வந்தது. ஆனால் அதன் முயற்சிகள் தோல்வியில் முடிய, 23 மில்லியன் பவுண்டுக்கு ஓரியேவை ஸ்பர்ஸ் ஒப்பந்தம் செய்தது.

அயர்லாந்து சோகம்

படம்: ராய்ட்டர்ஸ்

டப்ளின்: அடுத்த ஆண்டு ரஷ்யா வில் நடைபெறும் உலகக் கிண் ணக் காற்பந்துப் போட்டிக்குத் தகுதி பெற அயர்லாந்து கொண் டிருந்த கனவு கலைந்தது. டென்மார்க்குக்கு எதிராக நேற்று அதிகாலை நடைபெற்ற இரண்டாவது ‘பிளே ஆஃப்’ ஆட்டத்தில் அயர்லாந்து 5=1 எனும் கோல் கணக்கில் படுதோல்வி அடைந்தது. டென்மார்க்கின் கிறிஸ்டியன் எரிக்சன் மூன்று கோல்கள் போட்டு தமது குழுவின் வெற்றிக்கு முக்கிய காரணமாக அமைந்தார். டென்மார்க் தலைநகர் கோபன்ஹேகனில் நடைபெற்ற முதல் ‘பிளே ஆஃப்’ ஆட்டம் கோல் ஏதுமின்றி சமநிலையில் முடிந்தது. இந்நிலையில், அயர்லாந்து தலைநகர் டப்ளினில் நேற்று இரண்டாவது ‘பிளே ஆஃப்’ ஆட்டம் நடைபெற்றது.

அர்ஜெண்டினா தோல்வி

மாஸ்கோ: நைஜீரியாவுக்கு எதிரான நட்புமுறை ஆட்டத் தில் அர்ஜெண்டினா 4-2 எனும் கோல் கணக்கில் தோல்வியைத் தழுவியது. இந்த ஆட்டத்தில் அர்ஜெண்டினா குழுவின் நட்சத்திர வீரர் லயனல் மெஸ்ஸி களமிறங்கவில்லை. ஆட்டம் தொடங்கி அரை மணி நேரத்துக்குள் அர்ஜெண்டினா இரண்டு கோல்கள் போட்டு முன்னிலை வகித்தது. ஆனால் இடைவேளைக்கு முன்பு நைஜீரியா ஒரு கோல் போட்டது.

ஆசியக் கிண்ணம்: வாய்ப்பை இழந்தது

சிங்கப்பூர் குழு ஐக்கிய அரபுச் சிற்றரசுகளில் 2019ஆம் ஆண்டு நடக்கவிருக்கும் ஆசியக் கிண்ணக் காற்பந்துப் போட்டிக்குத் தகுதி பெறும் வாய்ப்பை சிங்கப்பூர் இழந்தது. தேசிய விளையாட்டு அரங்கில் நேற்று நடந்த தகுதிச் சுற்றுப் போட்டியில் பஹ்ரேனிடம் 3=0 என்ற கோல் கணக்கில் தோல்வி கண்டதன் மூலம் சிங்கப்பூரின் ஆசியக் கிண்ணக் கனவு கலைந்தது. தகுதிச் சுற்றில் ‘இ’ பிரிவில் இடம்பெற்றுள்ள இவ்விரு அணிகளும் மோதிய முதல் ஆட்டம் 0=0 எனச் சமநிலையில் முடிந்தது குறிப்பிடத் தக்கது. துர்க்மெனிஸ்தான், தைவான் ஆகியவை இந்தப் பிரிவில் உள்ள மற்ற இரு அணிகள்.

அவமானத்துடன் வெளியேறிய இத்தாலி

மிலான்: நான்கு முறை கிண்ணம் வென்றிருக்கும் இத்தாலி அணி ரஷ்யாவில் அடுத்த ஆண்டு நடை பெறவுள்ள உலகக் கிண்ணக் காற்பந்துப் போட்டிகளில் விளை யாடத் தகுதி பெறாமல் பெரும் தலைக்குனிவைச் சந்தித்துள்ளது. ‘பிளே ஆஃப்’ சுற்றின் முதல் ஆட்டத்தில் சுவீடன் 1=0 என்ற கோல் கணக்கில் முன்னிலை பெற் றது.

பிரபல பாக். கிரிக்கெட் வீரர் ஓய்வு

பிரபல பாக். கிரிக்கெட் வீரர் ஓய்வு கராச்சி: சில ஆண்டுகளுக்கு முன்பு வரை பந்தடிப்பாளர்களுக்குச் சிம்ம சொப்பனமாகத் திகழ்ந்த பாகிஸ்தான் சுழற்பந்து வீச்சாளர் சயீத் அஜ்மல், 40, கிரிக்கெட்டில் இருந்து ஓய்வு பெறுவதாக அறிவித்துள்ளார். ஒருநாள் போட்டிகளிலும் டி20 போட்டிகளிலும் உலகத் தரவரிசையில் உச்சத்தை எட்டிய அஜ்மல் 2006ஆம் ஆண்டு அனைத்துலக அரங்கில் அடியெடுத்து வைத்தார். அப்போது முதலே விக்கெட் வேட்டையில் ஈடுபட்ட அஜ்மல் பந்தை எறிவதாகப் புகார் எழுந்தது.

வாய்ப்பை தவறவிட்ட வடஅயர்லாந்து

பெல்ஃவாஸ்ட்: உலகக் கிண்ணக் காற்பந்துப் போட்டியில் பங்கேற் கும் பொன்னான வாய்ப்பை வட அயர்லாந்து தவறவிட்டுள்ளது. நேற்று அதிகாலை தலைநகர் பெல்ஃவாஸ்ட்டில் நடைபெற்ற ‘பிளே ஆஃப்’ சுற்றின் இரண்டாம் ஆட்டத்தில் சுவிட்சர்லாந்து டனான போட்டியில் அது 0=0 என சமநிலை காண, முதல் சுற்று ஆட்டத்தில் சுவிட்சர்லாந்து 1=0 என வென்றதால் இறுதியில் சுவிட்சர்லாந்து அணி தகுதி பெற்றுள்ளது. ஆட்டம் முடிய வினாடிகளே இருந்தபோது வடஅயர்லாந்தின் ஜானி எவன்ஸ் தலையால் முட்டி அனுப்பிய பந்து சுவிட்சர்லாந்தின் கோல்காப்பாளரைக் கடந்துச் சென்றது.

செபாஸ்டியன் வெட்டல் வெற்றி

எஃப்1 கார் பந்தய வெற்றியாளர் விருதுப் போட்டிகளில் தோல்வி கண்ட செபாஸ்டியன் வெட்டல், நேற்று முன்தினம் தென் அமெரிக்க நாடான பிரேசிலில் நடைபெற்ற எஃப்1 கார் பந்தயப் போட்டியில் ஃபெராரி காரை ஓட்டி வெற்றி வாகை சூடியுள்ளார். எஃப்1 விருதை நான்கு முறை தட்டிச்சென்ற வெட்டல், போட்டி தொடங்கியதிலிருந்து முன்னிலை பெற்றார் என்பது குறிப்பிடத் தக்கது. இவருக்கு அடுத்த இரண் டாவது நிலையில் வந்த மெர்சிடிஸ் காரை ஓட்டிய வால்ட்டேரி போட்டாசைவிட 2.8 வினாடிகளில் முந்தி வந்து போட்டியை வெட்டல் நிறைவு செய்தார்.

வேகம் குன்றாத முன்னாள் லிவர்பூல் வீரர்கள்

சிங்கப்பூர்: ‘பேட்டல் ஆஃப் த மாஸ்டர்ஸ்’ எனப்படும் முன்னாள் சிங்கப்பூர் தேசிய காற்பந்து வீரர்கள், லிவர்பூல், ஆர்சனல் குழுக்களைச் சேர்ந்த முன்னாள் வீரர்கள் பங்கேற்ற மூன்று நாற்பது நிமிடப் போட்டிகளில், லிவர்பூல் வீரர்கள் அணி சிங்கப்பூர் லயன்ஸ் அணியினரை 5-0 என்ற கோல் கணக்கில் வெற்றி கண்டது. முன்னாள் ஆர்சனல் வீரர்களு டனான மற்றோர் ஆட்டத்தில் லிவர்பூல் அணியினர் 2-2 என சமநிலை கண்டனர். இது ஒருபுறமிருக்க, இவர் களுக்குக் காற்பந்தின் மீதான வேகம் இன்னும் அதே அளவு இருக்கிறதா என்ற சந்தேகம் ரசி கர்களுக்கு இருக்குமாயின் அது ஆர்சனலுடனான லிவர்பூல் ஆட் டத்தில் தீர்ந்திருக்கும்.

Pages