You are here

திரைச்செய்தி

'ஹரஹர மஹாதேவகி’ படத்தில் ஆபாசம் இல்லை: கெளதம்

ஒரு படம் திரை காணும் முன்பே அது குறித்து எத்தகைய செய்திகள் வெளி வந்தாலும், அது அப்படத்துக்கான இலவச விளம்பரமாகவே அமையும். அந்த வகையில் கவுதம் கார்த்திக் நடித்துள்ள ’ஹரஹர மஹாதேவகி’ படம் குறித்தும் கடந்த சில தினங்களாக புதுப்புது தகவல்கள் வெளிவந்தன. அவற்றில் பல தகவல்கள் தவறானவை என கவுதமும், பட இயக்குநர் சந்தோ‌ஷும் தெரிவித்துள்ளனர். இந்தப் படத்தில் ஆபாச தொனியுடன் கூடிய நகைச்சுவை இடம்பெற்றிருப்பதாகக் கூறப்பட்டது. முத்தக் காட்சிகள் இருப்பதாகவும் சிலர் கூறி வந்தனர்.

‘படைவீரன்’ படத்தில் ஒரு பாடலைப் பாடிய கதாநாயகன்

‘படைவீரன்’ படத்தில் ஒரு பாடலைப் பாடிய கதாநாயகன்

பிரபல பாடகர் விஜய் யேசுதாஸ் நாயகனாக நடிக்கும் படம் ‘படை வீரன்’. தனா இயக்கியுள்ளார். இப்படத்துக்காக எடுக்கப்பட்ட காட்சிகளை அண்மையில் பார்த்த தனுஷ், படக்குழுவை வெகுவாகப் பாராட்டியதுடன் இப்படத்தில் ஒரு பாடலையும் பாட முன்வந்தாராம். இதையடுத்து கார்த்திக் ராஜா இசையில், பிரியன் எழுதிய பாடலை தனுஷ் பாட அண்மையில் அப்பாடல் பதிவு செய்யப்பட்டது.

விரைவில் ‘பாஸ்கர் ஒரு ராஸ்கல்’

‘பாஸ்கர் ஒரு ராஸ்கல்’ படத்தில் அரவிந்த் சாமி, அமலாபால்.

விரைவில் ‘பாஸ்கர் ஒரு ராஸ்கல்’ படத்தின் முன்னோட்டக் காட்சி வெளியீடு ‘பாஸ்கர் ஒரு ராஸ்கல்’ படத்தின் முன்னோட்டக் காட்சிகள் வரும் 29ஆம் தேதி வெளியாகிறது. இப்படத்தின் படப்பிடிப்பு முழு மையாக முடிந்து விட்டதாக தெரியவந்துள்ளது. அரவிந்த் சாமி, அமலாபால் இருவரும் ஜோடி சேர்ந்து நடித் திருக்கும் படம். இது மலையாளத் தில் மம்முட்டி, நயன்தாரா நடிப்பில் கடந்த 2015ஆம் ஆண்டு வெளிவந்த ‘பாஸ்கர் தி ராஸ்கல்’ என்ற படத்தின் தமிழ்ப் பதிப்பாக உருவாகி உள்ளது. மலையாளத்தில் இந்தப் படத் துக்கு பெரும் வரவேற்பு கிடைத் தது. இதையடுத்து மலையாளப் பதிப்பை இயக்கிய சித்திக் தமிழிலும் இயக்கி உள்ளார்.

மஞ்சுவின் பெரிய மனது நடிகைக்குப் பாலியல் தொல்லை

மஞ்சு வாரியர்

கொடுத்த வழக்கில் சிக்கியுள்ள நடிகர் திலீப்பின் படத்தை வெளியிட எதிர்ப்பு கிளம்பியுள்ளது. ‘ராம்லீலா’ என்ற தலைப்பில் உருவாகி உள்ள அப்படத்தை திரைக்குக் கொண்டுவர அதன் தயாரிப்பாளர் பெரும் முயற்சி மேற்கொண்டுள்ளார். ஆனால் அந்தப் படம் வெளியாகும் திரையரங் குகள் மீது தாக்குதல் நடத்தப்போவதாகச் சிலர் மிரட்டல் விடுத்துள்ளனர். இந்நிலையில் திலீப் பின் படத்தை வெளியிட எதிர்ப்பு கிளம்பி இருப்பது துரதிர்ஷ்டவசமானது என நடிகையும் திலீப்பின் முன்னாள் மனைவியுமான மஞ்சு வாரியர் தெரிவித்துள்ளார்.

பிரபுதேவாவுக்கு ஜோடியான ஐஸ்வர்யா

முதன்முறையாக பிரபுதேவாவுடன் இணைந்து நடிக்கிறார் ஐஸ்வர்யா ராஜேஷ். இப்படத்தை ஏ.எல்.விஜய் இயக்குகிறார். ஏற்கெனவே விஜய் இயக்கத்தில் ‘தேவி’ படத்தில் நடித்துள்ளார் பிரபுதேவா. அப்படத்துக்கு ரசிகர்கள் மத்தியில் நல்ல வரவேற்பு கிடைத்தது. இந்நிலையில் ‘கரு’ படத்தின் இறுதிக்கட்டப் பணிகளில் ஈடுபட்டுள்ள ஏ.எல்.விஜய், மீண்டும் பிரபுதேவாவை இயக்க உள்ளார். இதில் நாயகியாக நடிப்பது தமக்கு உற்சாகம் அளிப்பதாக ஐஸ்வர்யா ராஜேஷ் கூறியுள்ளார். இந்தப் படத்தில் கருணாகரனுக்கும் முக்கிய கதாபாத்திரம் அளிக்கப்பட்டுள்ளது. ஒளிப்பதிவாளராக நீரவ் ஷா, இசையமைப்பாளராக சாம், படத் தொகுப்பாளராக ஆண்டனி ஆகியோரும் ஒப்பந்தம் ஆகியுள்ளனர்.

தீபாவளி, பொங்கலுக்கு வெளியாகும் விஷால் படங்கள்

விஷால்

‘துப்பறிவாளன்’ படத்தைத் தொடர்ந்து விஷால் நடிப்பில் உருவாகி வரும் படங்கள் வருகிற தீபாவளி மற்றும் பொங்கல் தினங்களில் வெளியாக இருப்பதாக அதிகாரபூர்வமாக அறிவிக்கப்பட்டுள்ளது. மோகன்லால், விஷால், ஹன்சிகா நடிப்பில் மலையாளத்தில் உருவாகி இருக்கும் ‘வில்லன்’ படம் அக்டோபர் 18ஆம் தேதி தீபாவளி விருந்தாக வெளியாக உள்ளது. அதனைத் தொடர்ந்து இயக்குநர் மித்ரன் ஜவகர் இயக்கத்தில் விஷால், அர்ஜுன், சமந்தா நடிப்பில் உருவாகி வரும் திகில் படமான ‘இரும்பு திரை’ தைப்பொங்கல் விருந்தாக வருகிற ஜனவரி 12ஆம் தேதி வெளியாக இருப்பதாக அறிவிக்கப்பட்டுள்ளது.

நெடுநல்வாடை

‘நெடுநல்வாடை’ படத்தில் மைம் கோபி, செந்தி.

ஐம்பது நண்பர்கள் இணைந்து ஒரு படத்தைத் தயாரிக்கின்றனர். அதன் தலைப்பு ‘நெடுநல்வாடை’. ‘பூ’ படத்தில் நடித்துள்ள ராமு இந்தப் படத்தின் கதை நாயகனாக நடித்துள்ளார். முக் கிய வேடத்தில் இளங்கோ, அஞ்சலி நாயர், மைம் கோபி, ஐந்துகோவிலான், செந்தி ஆகியோர் நடித்துள்ளனர். அண்மையில் இப்படத்தின் பாடல் வெளியீட்டு விழா நடை பெற்றது. வழக்கமாக இத்தகைய நிகழ்வுகளில் சில பிரபலங்கள் பங்கேற்பது வாடிக்கை. ஆனால் இந்தப் படத்தின் பாடல் வெளி யீட்டுக்கு பிரபலங்கள், சிறப்பு விருந்தினர்கள் என யாரும் அழைக்கப்படவில்லை.

அறிவழகனின் இயக்கத்தில் நயன்தாரா

நயன்தாரா

 ‘ஈரம்’ அறிவழகனின் இயக்கத்தில் நடிக்க ஒப்பந்தம் ஆகியுள்ளார் நயன்தாரா. அது கதாநாயகிக்கு முக்கியத்துவம் தரும் படமாக இருக்குமாம். நயன்தாரா நடிப்பில் தற்போது ‘அறம்’ படம் வெளியாக உள்ளது. சிவகார்த்திகேயனுடன் நடித்துள்ள ‘வேலைக்காரன்’ டிசம்பர் மாதம் வெளியாகும் என எதிர்பார்க்கப்படுகிறது. மேலும் ‘இமைக்கா நொடிகள்’, ‘கொலையுதிர் காலம்’, ‘கோலமாவு கோகிலா’ ஆகிய படங்களிலும் நடித்து வருகிறார் நயன்தாரா. இந்நிலையில் அறிவழகன் இயக்கத்தில் நடிக்க ஒப்பந்தமாகி உள்ளார். இந்தப் புதிய படத்தை எஸ்.பி.சினிமாஸ் நிறுவனம் தயாரிக்க இருக்கிறது. அறிவழகன் சொன்ன கதை நயன்தாராவை வெகுவாகக் கவர்ந்துவிட்டதாம்.

என் ஆளோட செருப்பக் காணோம்

'என் ஆளோட செருப்பக் காணோம்' படத்தில் ஒரு காட்சி

‘கயல்’ ஆனந்தி கதை நாயகியாக நடிக்கும் படம் ‘என் ஆளோட செருப்பக் காணோம்’. கே.பி.ஜகன் இயக்கி உள்ளார். யோகி பாபு, தமிழ், சிங்கம் புலி, லிவிங்ஸ்டன், பால சரவணன் உள்ளிட்ட பலர் நடித்துள்ளனர். இஷான் தேவ் இசையமைத்துள்ள இப்படத்துக்கு சுகசெல்வன் ஒளிப்பதிவு செய்துள்ளார். ‘பசங்க’ படத்தில் ‘பகோடா’ என்ற கதாபாத்திரத்தில் நடித்தவர் தமிழ் என்பது குறிப்பிடத்தக்கது. கதாநாயகி ஆசையாக வாங்கிய ஒரு ஜோடி காலணி காணாமல் போய்விட, அதை கதாநாயகன் தேடிப் பிடித்து அவரிடம் ஒப்படைப்பதுதான் இப்படத்தின் கதையாம். இதை சுவாரசியமான திரைக்கதை மூலம் சொல்லப்போகிறார்களாம்.

சூர்யா: நடிகனாவதே என் லட்சியம்

நடிப்பில் அதிக கவனம் செலுத்தி வரும் முன்னாள் இயக்குநர் எஸ்.ஜே.சூர்யா தற்போது ‘ஸ்பைடர்’, ‘மெர்சல்’ என இரண்டு படங்களிலும் வில்லனாக நடித்து ரசிகர்களை மிரட்ட தயா ராகி வருகிறார். தயாரிப்பாளர், இயக்குநர், இசை அமைப்பாளர் என இப்படி பன்முக திறன் உடைய அவர், அண்மையில் அளித்த பேட்டி ஒன்றில் நடிகனாவதே தன் லட்சியம் என்று கூறியுள்ளார். “ஸ்பைடர், மெர்சல் என இரண்டு படங்களிலும் கிடைத்த வில்லன் வாய்ப்பு எல்லாமே தானாக அமைந்ததுதான். “இப்படி எல்லாம் நடக்க வேண்டும் என பல ஆண்டு களாகப் போராடியிருக்கிறேன். அந்தப் போராட்டங்களுக்கு இப் போதுதான் பலன் கிடைக்க துவங்கி உள்ளது. “என் லட்சியமே நடிப்பதுதான்.

Pages