You are here

இந்தியா

சென்னையில் அனைத்துலக அறிவியல் மாநாடு

சென்னை: எதிர்வரும் 13ஆம் தேதி சென்னை, அண்ணா பல் கலைக்கழகத்தில் அனைத்துலக அறிவியல் மாநாடு நடைபெற இருப்பதாக மத்திய அறிவியல், தொழில்நுட்பத் துறை அமைச்சர் ஹர்ஷவர்தன் தெரிவித்துள்ளார். சென்னையில் செய்தியாளர்களி டம் பேசிய அவர், மக்களிடையே அறிவியல் மனப்பான்மையை வளர்க்கும் நோக்கத்திலும் அறி வியல் தொழில்நுட்பத்துறையில் இந்தியாவின் பங்களிப்பை எடுத் துக்காட்டவும் இம்மாநாடு நடத் தப்படுவதாகக் கூறினார்.

டெங்கி பலி எண்ணிக்கை: அரசு கணக்கிடவில்லை என கனிமொழி புகார்

கோவை: தமிழகத்தில் இதுவரை டெங்கி காய்ச்சலால் எத்தனை பேர் பலியாகி உள்ளனர் என்பது குறித்து தமிழக அரசு கணக்கிடவில்லை என்று திமுக மகளிரணிச் செயலர் கனிமொழி கூறியுள்ளார். கோவையில் செய்தியாளர்களிடம் பேசிய அவர், டெங்கி காய்ச்சலால் ஏற்படும் உயிர் இழப்புகள் அதிகமாகி வருவதாகக் கவலை தெரிவித்தார். “உண்மை நிலவரம் என்ன என்பதை இந்த அரசு வெளியே சொல்லாமல் மூடிமறைக்கிறது. டெங்கி காய்ச்சல் குறித்து விழிப் புணர்வு ஏற்படுத்துவதில்கூட அரசு அக்கறை காட்டவில்லை. காய்ச்சலைப் பரப்பும் கொசுக்களை ஒழிப்பதற்கான முன்னேற்பாட்டுப் பணிகளும் மேற்கொள்ளப்படவில்லை,” என்றார் கனிமொழி.

கோத்ரா ரயில் எரிப்பு சம்பவம்: 11 பேரின் மரண தண்டனை

ஆயுள் தண்டனையாக குறைப்பு இந்தியாவின் குஜராத் மாநிலத்தில் 2002ஆம் ஆண்டு நிகழ்ந்த கோத்ரா ரயில் எரிப்பு சம்பவத்தில் 11 பேரின் மரண தண்டனையை ஆயுள் தண்டனையாகக் குறைத்து குஜராத் உயர் நீதிமன்றம் உத்தர விட்டுள்ளது. கோத்ரா ரயில் நிலையத்தில் 2002 பிப்ரவரி 27ஆம் தேதி சபர்மதி விரைவு ரயிலின் ஒரு பெட்டி தீ வைத்துக் கொளுத்தப் பட்டது. இச்சம்பவம் தொடர்பான வழக்கை விசாரித்த சிறப்பு விசா ரணை நீதிமன்றம் 2011 மார்ச் 1ஆம் தேதி 31 பேர் மீதான குற் றத்தை உறுதி செய்தது; 63 பேரை விடுவித்தது.

சீன மருந்துப் பொருட்களை குறைக்க இந்தியா திட்டம்

புதுடெல்லி: இந்தியாவுக்கும் சீனா வுக்கும் இடையே நிலவி வரும் அண்மைய பதற்றமான சூழ் நிலையில் மருந்துகள், மருத்துவப் பொருட்களுக்கு சீனாவை நம்பி யிருக்கும் நிலையை குறைத்துக் கொள்ள வேண்டும் என்று இந்திய அரசாங்கம் வலியுறுத்தி உள்ளது. சுகாதார அமைச்சு மருந்து தரக் கட்டுப்பாட்டாளர்களுடன் இணைந்து சீனாவை அதிக அளவில் சார்ந்திருக்கும் நிலை யைக் குறைப்பதற்கு உகந்த தொடர் நடவடிக்கைகளை எடுக்க திட்டம் தீட்டி வருவதாகவும் நல்ல தரமான மருந்துகள் மட்டுமே இந்தியச் சந்தைக்குள் நுழையும் வகையில் தொடர்ச்சியான ஒழுங்குமுறை சோதனைகளை உறுதிப்படுத்த நடவடிக்கைகளை எடுத்து வருவதாகவும் ஊடகங்கள் தகவல் வெளியிட்டுள்ளன.

முதல்வரின் புகைப்படத்துக்கு செருப்பு மாலை போட்ட பாஜகவினர் கைது

விசாகப்பட்டினம்: விசாகப்பட்டினத்தில் கேரள முதல்வர் பினராயி விஜயன் படத்துக்குச் செருப்பு மாலை அணிவித்து கண்டனம் தெரிவித்த பாஜக சட்ட மேலவை உறுப்பினர் மாதவன் உள்பட 10க்கும் மேற்பட்டோரை போலிசார் கைது செய்துள்ளதாக தகவல் வெளியாகி உள்ளது. சமூக வலைத்தளத்தில் உ.பி. முதல்வர் யோகி ஆதித்ய நாத்தை விமர்சனம் செய்து பதிவிட்டிருந்தார் பினராயி விஜயன். இந்நிலையில் ஆந்திர மாநிலம், விசாகப்பட்டினத்தில் உள்ள கம்யூனிஸ்ட் கட்சி அலுவலகம் முன்பு திரண்ட பாஜகவினர் பிரனாயி விஜயனுக்குக் கண்டனம் தெரிவிக்கும் வகையில் அவரது படத்திற்கு செருப்பு மாலை அணிவித்தனர்.

டீக்கடை முன்பு மோடியின் தம்பி பங்கஜ்பாய் மோடி

பிரதமர் நரேந்திர மோடியின் தந்தை தாமோதர் தாஸ் முல்சந்த் மோடி வத்நகர் ரயில்வே நிலையம் அருகில் சில ஆண்டுகளுக்கு முன்பு இந்த டீக்கடையை வைத்து நடத்தினார். இந்தக் கடை அகமதாபாத்தில் இருந்து 110 கிலோ மீட்டர் தொலைவில் உள்ளது. அலங் கரிக்கப்பட்ட கடையின் எதிரில் மோடியின் தம்பி பங்கஜ்பாய் மோடி உள்ளார். (படம்: ஏஎஃப்பி) பிரதமர் மோடி தனது சொந்த ஊரான வத்நகருக்கு நேற்று காலை ஹெலிகாப்டரில் வந்து சேர்ந்தார். கார் மூலம் தான் படித்த பள்ளிக்குச் சென்ற மோடி, பள்ளி வளாகத் தில் இறங்கியவுடன் தரையில் கிடந்த மண்ணை எடுத்து மூன்று முறை நெற்றியில் பூசிக்கொண்டார்.

தமிழகத்தில் டெங்கி பாதிப்பு அதிகரிப்பு

தமிழ்நாட்டில் டெங்கிக் காய்ச்சல் பரவலும் அந்நோயால் உயிரிழப் போர் எண்ணிக்கையும் அதிகரித் துள்ளன. தமிழ்நாட்டில் பல்வேறு காய்ச்சலுக்கு இதுவரை 85 பேர் பலியாகி உள்ளதாக மாநில சுகாதாரத் துறை செயலாளர் ராதாகிருஷ்ணன் நேற்று தெரிவித்தார். இதில் டெங்கி காய்ச்சலால் 35 பேர் இறந்துள்ள தாகவும் 10,000க்கும் மேற்பட்டோர் சிகிச்சை பெற்று குணமடைந்துள்ள தாகவும் அவர் கூறினார். இந்நிலையில், தமிழக முதல் அமைச்சரின் விரிவான இலவச மருத்துவக் காப்பீட்டுத் திட்டத்தின் கீழ் டெங்கி சேர்க்கப்படாதற்கு தமிழக அரசிடம் சென்னை உயர் நீதிமன்றம் விளக்கம் கேட்டுள்ளது.

எரிவாயு குழாய் பதிக்கும் திட்டம்: வைகோ கடும் எதிர்ப்பு

சென்னை: மத்திய பாஜக அரசுக்கு அடிபணிந்து தமிழ கத்தை வஞ்சிக்கும் திட்டங்க ளுக்கு தமிழக அரசு ஒருபோதும் துணை போகக்கூடாது என மதிமுக பொதுச்செயலர் வைகோ தெரிவித்துள்ளார். தமிழகத்தில் கெயில் நிறு வனத்தின் எரிவாயு குழாய் பதிக் கும் திட்டத்தைச் செயல்படுத்த அனுமதிக்கக் கூடாது என தமிழக அரசை அறிக்கை ஒன்றின் வழி அவர் வலியுறுத்தி உள்ளார்.

பாஜகவை வளர்க்க முயற்சிக்கும் கிரண்பேடி: இந்திய கம்யூனிஸ்ட் சாடல்

புதுவை: பாஜகவைப் புதுவையில் வளர்க்க வேண்டும் என்ற நோக்கத்துடன் புதுவை ஆளுநர் கிரண் பேடி செயல்படு வதாக இந்திய கம்யூனிஸ்ட் மாநிலச் செயலர் ஆர். விஸ்வ நாதன் குற்றம் சாட்டியுள்ளார். நேற்று செய்தியாளர்களிடம் பேசிய அவர், முன் எப்போதும் இல்லாத வகையில் புதுவையில் டெங்கி காய்ச்சல் பாதிப்பு 3 மடங்கு உயர்ந்துள்ளதாகத் தெரிவித்தார். மாநில அரசின் மெத்தனம் தான் இதற்கு முக்கிய காரணம் என்று குறிப்பிட்ட அவர், ஆளுநரா, அமைச்சர்களா என யார் சொல்லுக்கு கட்டுப்படுவது எனத் தெரியாமல் புதுவை அதிகாரிகள் திண்டாட்டத்துக்கு ஆளாகி உள்ளதாகக் கூறினார்.

கார்த்தி: தமிழகத்தில் அரசாங்கம் என்பதே இல்லை

சென்னை: தமிழகத்தில் தற் போது அரசாங்கம் என்பதே இல்லை என முன்னாள் மத்திய அமைச்சர் ப.சிதம்பரத்தின் மகன் கார்த்தி சிதம்பரம் கூறியுள்ளார். சென்னையில் செய்தியாளர் களிடம் பேசிய அவர், தமிழகத் தில் புதிதாகப் பொறுப்பேற்றுள்ள ஆளுநர் நல்ல காரியம் செய்ய வேண்டுமென நினைத்தால் உடனடியாக சட்டப்பேரவையைக் கலைக்க வேண்டும் என்றார். “தமிழகத்தில் பொதுத் தேர் தல் நடத்தப்பட வேண்டும். கட்சி யிலும் மக்கள் மத்தியிலும் ஆதரவே இல்லாதவர்கள்தான் தற்போது ஆட்சியை நடத்துகின் றனர். தமிழக அரசில் பாஜக நேரடியாக தலையிட்டாலும், குறுக்கு வழியில் தலையிட்டாலும் அவர்களுக்கு இங்கு செல்வாக்கு என்பதே இல்லை,” என்றார் கார்த்தி.

Pages