You are here

இந்தியா

திமுக வேட்பாளர்கள் மனுத்தாக்கல்

திமுக வேட்பாளர்கள் மனுத்தாக்கல்

மாநிலங்களவைத் தேர்தலில் போட்டியிடும் திமுக வேட்பாளர்கள் ஆர்.எஸ்.பாரதியும் டி.கே.எஸ்.இளங்கோவ னும் நேற்று தங்கள் வேட்பு மனுக்களைத் தாக்கல் செய்தனர். நேற்று காலை இருவரும் தமிழக சட்டப்பேரவைச் செயலரும் தேர்தல் அதிகாரியுமான ஜமாலுதீனிடம் மனுக்களை தாக்கல் செய்தபோது திமுக பொருளாளர் மு.க.ஸ்டாலின், கனிமொழி எம்பி, முன்னாள் அமைச்சர்கள் துரைமுருகன், டி.ஆர்.பாலு ஆகியோர் உடன் இருந்தனர். படம்: சதீஷ்

ஒரு தொகுதியில் கூட தேர்தல் வைப்புத்தொகையை இழக்காத திமுக

சென்னை: நடந்து முடிந்த சட்டப்பேரவைத் தேர்தலில் திமுக மட்டுமே ஒரு தொகுதியில் கூட தேர்தல் வைப்புத் தொகையை இழக்கவில்லை. அக்கட்சி 174 தொகுதிகளில் போட்டியிட்டு 89 தொகுதிகளில் வென்றது. எனினும் மீதமுள்ள தொகுதிகளில் இரண்டாம் இடத்தைப் பிடித்ததால் திமுக வேட்பாளர்கள் வைப்புத் தொகையை தக்க வைத்துக் கொண்டனர். தேமுதிக வேட்பாளர்களில் ஒரே ஒருவரைத் தவிர, மற்ற வேட்பாளர்கள் வைப்புத் தொகையை இழந்தனர். அக்கட்சித் தலைவர் விஜயகாந்த் கூட வைப்புத் தொகையை இழந்தார். அதிமுக வேட்பாளர்கள் இருவர் வைப்புத் தொகையை இழந்தனர்.

உடலில் 366 நாடுகளின் கொடிகள்

இந்தியாவைச் சேர்ந்த ஹர் பர்காஷ் ரி‌ஷி

உடல் முழுவதும் 366 நாடுகளின் கொடிகள் இந்தியாவைச் சேர்ந்த ஹர் பர்காஷ் ரி‌ஷி (படம்), வயது 74, தனது உடல் முழுவதும் 366 நாடுகளின் கொடிகளைப் பச்சைக் குத்தி கின்னஸ் சாதனைப் படைத்துள்ளார். அவரது பற்கள் அனைத்தும் அகற்றப்பட்டுள்ளதால் 50 எரியும் மெழுகுவத்திகளை ஒரே சமயத்தில் தனது வாயில் வைத்து சாகசம் செய்து காட்டுகிறார். இருபதுக்கும் மேற்பட்ட உலகச் சாதனைகளை கையில் வைத்திருக்கும் இவர், தன்னை ‘கின்னஸ் ரி‌ஷி’ என்றே அழைத்துக்கொள்கிறார்.

என் ஆட்சியில் ஊழல் இல்லை - மோடி

இந்தியப் பிரதமர் நரேந்திர மோடி. கோப்புப்படம்: ஏஎஃப்பி

வா‌ஷிங்டன்: இந்தியாவில் மத்திய அரசாங்கத்தை அமைத்து இரண்டு ஆண்டுகளைப் பூர்த்தி செய்துள்ள பாரதிய ஜனதா கட்சியின் ஆட்சியில் ஊழல் இல்லை என்று பிரதமர் மோடி தெரிவித்துள்ளார். ‘த வால் ஸ்டிரீட் ஜர்னல்’ பத்திரிகைக்கு அளித்த பேட்டி யில் திரு மோடி இவ்வாறு கூறி யிருக்கிறார். “பொருளியல் வளர்ச்சிக்கு நிறைய சீர்திருத்தங்களைச் செய் துள்ளேன். முந்தைய ஆட்சி யாளர்களால் செய்ய இயலாத சீர் திருத்தங்களை நான் அமல் படுத்தியுள்ளேன். ஆனால் இன்ன மும் பெரும் பணிகள் காத்திருக் கின்றன,” என்று அவர் குறிப் பிட்டார்.

நிலத்தை விற்று சொந்தமாக அணை கட்டிய விவசாயி

மும்பை: பல ஆண்டுகளாகப் பருவமழை பொய்த்து வருவதால் இந்தியாவின் மகாராஷ்டிரா மாநிலத்தில் வேளாண்மையும் விளைச்சலும் குறைந்து, விவ சாயிகள் தற்கொலை செய்து கொள்ளும் போக்கு அதிகரித்து வருகிறது. எப்போதாவது பெய்யும் மழை யும் சில சமயங்களில் விவசாயத் திற்குக் கைகொடுக்காது, ஏற் கெனவே விளைந்திருக்கும் பயிர் களை சேதப்படுத்தி அழித்து விடுவதால் கடன் வாங்கி விளை வித்த விவசாயிகளின் நிலைமை பரிதாபத்திற்குரியதாகி விடு கிறது.

2 மணி நேரம் காத்துக்கிடந்த ‘குடிமகன்கள்’

தமிழக அரசுக்குச் சொந்தமான மதுக்கடை

தமிழக அரசுக்குச் சொந்தமான மதுக்கடைகள் இனி காலை 12 மணிக்குதான் திறக்கப்படும் என முதல்வர் ஜெயலலிதா அறிவித்துள்ளார். இதை அறியாத குடிகாரர்கள் பலர் நேற்று முன்தினம் வழக்கம்போல் காலை 10 மணிக்கே மதுக்கடைகளுக்கு வந்து ஏமாற்றமடைந்தனர். பலர் பூட்டிக்கிடக்கும் மதுக்கடைகளுக்கு வெளியே 2 மணி நேரம் காத்துக் கிடந்தனர். படம்: ஊடகம்

பேரவை உறுப்பினராகப் பதவியேற்ற ஜெயலலிதா

ஜெயலலிதா நேற்று சட்டப் பேரவை உறுப்பினராகப் பதவியேற்றுக் கொண்டார்.

சென்னை: தமிழக முதல்வர் ஜெயலலிதா நேற்று சட்டப் பேரவை உறுப்பினராகப் பதவி யேற்றுக் கொண்டார். இதைய டுத்து அதிமுக, திமுக, காங் கிரஸ் உறுப்பினர்களும் சட்டப் பேரவை உறுப்பினர்களாகப் பதவியேற்றனர். தமிழக சட்டப்பேரவைக்கு கடந்த 16ஆம் தேதி நடைபெற்ற தேர்தலில் அதிமுக தனிப்பெரும் கட்சியாக உருவெடுத்து, ஆட் சியைத் தக்க வைத்துக் கொண் டது. இதையடுத்து அக்கட்சிப் பொதுச்செயலர் ஜெயலலிதா மீண்டும் முதல்வராகத் தேர்வு பெற்றார்.

தமிழில் எழுதப் படிக்கத் தெரியாதவர் தமிழக அமைச்சராகப் பொறுப்பேற்பு

 தமிழக அமைச்சரவையில் இடம்பெற்றுள்ள பால கிருஷ்ண ரெட்டி தமிழில் எழுதப் படிக்கத் தெரியாதவர்

சென்னை: தமிழக அமைச்சரவையில் இடம்பெற்றுள்ள பால கிருஷ்ண ரெட்டி தமிழில் எழுதப் படிக்கத் தெரியாதவர் என ஊடகத் தகவல்கள் தெரி விக்கின்றன. இம்முறை அவர் ஓசூர் தொகுதியில் போட்டியிட்டு வெற்றி பெற்றுள்ளார். அதிமுக பலவீனமாக உள்ள தொகுதி களில் ஓசூரும் ஒன்று. இந் நிலையில் அங்கு போட்டியிட்டு வெற்றி பெற்ற பாலகிருஷ்ண ரெட்டி அமைச்சர் பதவி பரி சாகக் கிடைத்துள்ளது. நேற்று அவர் அமைச்சராகப் பதவியேற்றுக் கொண்டார். அவ ருக்கு கால்நடை பராமரிப்புத் துறை ஒதுக்கப்பட்டுள்ளது. முன்னதாக அவர் ஓசூர் நகராட்சித் தலைவராகப் பதவி வகித்துள்ளார்.

திமுக பொருளாளர் ஸ்டாலினுக்கு முதல் நாள் வாழ்த்து, மறுநாள் வணக்கம் கூறிய ஜெயலலிதா

பதவியேற்பு நிகழ்வில் பங்கேற்றார் ஸ்டாலின்.

சென்னை: சட்டப்பேரவையில் திமுக பொருளாளர் மு.க.ஸ்டாலினுக்கு முதல்வர் ஜெயலலிதா வணக்கம் தெரிவித்தது பேரவை உறுப்பினர்களை ஆச்சரியப்பட வைத்தது. 15ஆவது சட்டப்பேரவையின் முதல் கூட்டத் தொடர் நேற்று தொடங்கியது. இதையடுத்து புதிதாக தேர்ந்தெடுக் கப்பட்ட உறுப்பினர்கள் எம்எல்ஏக்க ளாகப் பதவியேற்றுக் கொண்டனர். இதற்காக நேற்று காலை பேரவைக்கு வந்தார் முதல்வர் ஜெய லலிதா. அப்போது எதிர்க்கட்சி உறுப் பினர்களுக்கான பகுதியில் மு.க.ஸ்டா லின் அமர்ந்திருந்தார். அவரைக் கண்டதும் முதல்வர் ஜெயலலிதா வணக்கம் தெரிவித்தார். இதையடுத்து ஸ்டாலினும் மரியாதை நிமித்தமாக முதல்வருக்கு வணக்கம் தெரிவித்தார்.

மருத்துவ நுழைவுத் தேர்வு அவசர சட்டத்துக்கு அதிபர் ஒப்புதல்

புதுடெல்லி: மருத்­துவ நுழைவுத் தேர்வு தொடர்­பான அவ­ச­ரச் சட்­டத்­துக்கு ஒப்­பு­தல் தெரி­வித்து குடி­ய­ர­சுத் தலைவர் பிரணாப் முகர்ஜி அச்­சட்­டத்­தில் இன்று (செவ்­வாய்க்­கிழமை) கையெழுத்­திட்­டார். இதனால், மருத்­துவ பொது நுழைவுத் தேர்வு ஓராண்­டுக்கு ஒத்­திவைக்­கப்­படு­கிறது. தமி­ழ­கத்­தில் தேர்வு இருக்­காது: தமி­ழ­கத்­தில் இந்த ஆண்டு அரசு மருத்­து­வக் கல்­லூ­ரி­களில் தேர்வு இருக்­காது. பிளஸ் 2 மதிப்­பெண் அடிப்­படை­யில் தமி­ழ­கத்­தில் கலந்தாய்வு மூலம் மாணவர் சேர்க்கை நடை­பெ­றும். இருப்­பி­னும், தனியார் மருத்­துவ கல்­லூ­ரி­களில் நுழைவுத் தேர்வு மூலம் மாணவர் சேர்க்கை நடை­பெ­றும்.

Pages