You are here

இந்தியா

பட்டம் விடும் திருவிழா: பொதுமக்கள் குதூகலம்

வட மாநிலங்களில் பட்டம் விடும் திருவிழா கோலாகலமாக நடைபெற்றது. புனே உட்பட பல்வேறு நகரங்களிலும் நரேந்திர மோடி, ‘பாகுபலி’ திரைப்படத்தின் படங்கள் கொண்ட பட்டங்களின் விற்பனை படு ஜோராக நடைபெற்றது. நரேந்திர மோடி, பாகுபலி, பேட்மேன், ஆங்கிரி பேர்ட், ஸ்பைடர் மேன் பட்டங்களும் குழந்தைகளை வெகுவாகக் கவர்ந்தன. பொங்கல் பண்டிகையை வட மாநிலங்களில் பட்டம் பறக்கவிட்டு கொண்டாடுகின்றனர்.

பெட்ரோல் விலை: தலைவர்கள் கண்டனம்

சென்னை: பெட்ரோல், டீசல் மீதான கலால் வரி உயர்த்தப்பட்ட தற்கு திமுக தலைவர் மு.கருணா நிதி கடும் கண்டனம் தெரிவித் துள்ளார். இது தொடர்பாக வெளியிட்ட அறிக்கையில், கடந்த ஆண்டில் மட்டும் 5 முறைக்கு மேல் கலால் வரி மத்திய அரசால் உயர்த்தப் பட்டதாக அவர் சுட்டிக்காட்டி உள்ளார்.

திருவள்ளுவர் நாளையொட்டி ஒரு ரூபாய்க்கு தேநீர் விற்ற பெரியவர்

தஞ்சாவூர்: திருவள்ளுவர் நாளை முன்னிட்டு பெரியவர் ஒருவர் தனது கடையில் ஒரு ரூபாய்க்கு தேநீர் விற்பனை செய்தார். அவர் கடந்த பல ஆண்டுகளாக இவ்வாறு செய்து வருவது தெரியவந்துள்ளது. பேராவூரணியை சேர்ந்தவர் தங்கவேலனார் என்ற அம்முதியவர் அதே பகுதியில் தேநீர் கடை நடத்தி வருகிறார். தமிழ்ப் பற்றாளரான இவர் திருக்குறள் மீது மிகுந்த பற்றுக் கொண்டவர்.

இதனால் தன்னுடைய பெயருக்கு முன்பு திருக்குறள் தங்கவேலனார் என்று சேர்த்துக் கொண்டதாகத் தெரிவிக்கிறார். தனது தேநீர்க் கடையின் முன்பு பலகையில் தினமும் ஒரு திருக்குறளை எழுதி அதற்கான விளக்கத்தையும் எழுதி வைக்கிறார்.

ஜல்லிக்கட்டுத் தடையை எதிர்த்து தென்தமிழகத்தில் கொந்தளிப்பு

ஜல்லிக்கட்டு தடையைக் கண்டித்து மதுரை மாவட்டத்தில் நேற்று ஐந்தாவது நாளாகப் போராட்டம் நடத்தப்பட்டது. மத்திய அரசு வழங்கிய அனுமதி நீடித்திருந்தால் அலங்கா நல்லூரில் இன்று ஜல்லிக்கட்டு நடத்தப்பட வேண்டியது. தடை காரணமாக அப்பகுதி மக்கள் பெரும் சோகத்தில் மூழ்கியதோடு பல்வேறு போராட்டங்களை நடத்தி வருகின்றனர்.

மும்பையில் நடந்த பொங்கல் விழாக் கொண்டாட்டம்

மும்பையில்  கூட்டுப் பொங்கல்

தைப் பொங்கலான வெள்ளிக்கிழமையன்று மும்பையில் அங்கு வாழும் தமிழர்கள் ஒன்றிணைந்து கூட்டுப் பொங்கல் வைத்து கொண்டாடி வழிபட்டனர்.

படம்: ஏஎஃப்பி

ஜல்லிக்கட்டு கிராமங்களில் பதற்றம்; போலிஸ் குவிப்பு

மதுரை: உச்ச நீதிமன்றத் தடையால் இந்த ஆண்டும் தமிழகத்தில் ஜல்லிக்கட்டுப் போட்டி நடத்த முடியாத நிலை ஏற்பட்டுள்ளது. பொங்கலன்று (நேற்று) அவனி யாபுரம், மாட்டுப்பொங்கலன்று (இன்று) பாலமேடு, நாளை அலங்கா நல்லூர் என்று வரிசையாக ஜல்லிக்கட்டு நடப்பது வழக்கம்.

மத்திய அரசு அனுமதியளித்து பிறப்பித்த உத்தரவால் வாடிவாசல், பார்வையாளர் மேடை அமைப்பது உட்பட பல பணிகள் அதிகாரிகள் முன்னிலையில் தீவிரமாக நடந் தன. உச்ச நீதிமன்றத் தடையால் அனைத்துப் பணிகளும் உடனே நிறுத்தப்பட்டன. ஜல்லிக்கட்டு நடை பெறும் பகுதிகளில் மூன்று நாட் களாக மறியல், உண்ணாவிரதம், கடையடைப்பு என போராட்டங்கள் தீவிரமாக நடந்து வருகின்றன.

ஐந்து லட்சம் பயணிகளால் சென்னையில் கடும் நெரிசல்

சென்னை: பொங்கல் பண்டிகை கொண்டாட்டம் நேற்று தொடங்கியது. நான்கு நாள் பண்டிகையான பெங்கல் திருநாளை முன்னிட்டு சென்னையில் இருந்து ஏராள மானோர் கடந்த 9ஆம் தேதியில் இருந்தே தங்கள் சொந்த ஊருக்கு புறப்படத் தொடங்கிவிட்டனர். இதனால், கோயம்பேடு பேருந்து நிலையம், ஆம்னி பேருந்து நிலை யம், எழும்பூர், சென்ட்ரல் ரயில் நிலையங்களில் மக்கள் கூட்டம் அலைமோதியது.

தமிழகத்தில் நான்கு ஆண்டுகளில் 9,948 கொலைகள்

2016-01-15 06:00:00 +0800

சென்னை: தமிழகத்தில் கொலைகளும் கொள்ளைச் சம்பவங்களும் பெருகிவிட்டதாக பாமக நிறுவனர் டாக்டர் ராமதாஸ் குற்றம்சாட்டி உள்ளார். இது தொடர்பாக வெளியிட்ட அறிக்கையில், கடந்த 2011 முதல் 2015ஆம் ஆண்டு வரையில் 9,948 படுகொலைகளும் ஒரு லட்சம் கொள்ளை, திருட்டு நிகழ்வுகளும் நடந்துள்ளதாக அவர் பட்டியலிட்டுள்ளார்.

“மதுரையில் அமைச்சரின் அலுவலகத்தில் வெடிகுண்டுகள் வீசப்பட்டதற்கான காரணம் என்னவாக இருந்தாலும், சட்டம் ஒழுங்கு முறையாகப் பராமரிக்கப் படவில்லை என்பதையே இந்த நிகழ்வு வெளிப்படுத்துகிறது. கொலை, கொள்ளைச் சம்பவங் களைக் கட்டுப்படுத்த காவல்துறை எந்தவித நடவடிக்கையும் எடுக்க வில்லை.

பலமான கூட்டணி: தமிழிசை நம்பிக்கை

தமிழிசை சௌந் தரராஜன்

சென்னை: தமிழக சட்டப்பேரவைத் தேர்தலையொட்டி தமிழக பாஜக பலமானதொரு கூட்டணியை அமைக்கும் என அக்கட்சியின் மாநிலத் தலைவர் தமிழிசை சௌந் தரராஜன் தெரிவித்தார். சென்னையில் செய்தியாளர்க ளிடம் பேசிய அவர், இந்தக் கூட்ட ணியானது கடந்த நாடாளுமன்றத் தேர்தலுக்காக அமைக்கப்பட்ட கூட்டணியை விட பலமானதாக இருக்கும் எனவும் கூறினார்.

வாசன்: பேரவைத் தேர்தலுக்காக வெற்றிக் கூட்டணி அமைப்போம்

ஜி.கே.வாசன்

சென்னை: எதிர்வரும் சட்டப்பேரவைத் தேர்தலில் தமாகா வெற்றிக் கூட்டணியை அமைக்கும் என அக்கட்சித் தலைவர் ஜி.கே.வாசன் தெரிவித்தார். சென்னையில் நடைபெற்ற அக்கட்சிப் பொதுக்கூட்டத்தில் பேசிய அவர், தமிழக மீனவர் பிரச்சினை தொடர் கதையாக உள்ளது என்றார்.

“பல ஆண்டுகளாக நீடிக்கும் மீனவர் பிரச்சினைக்கு தீர்வு காண இலங்கையிடம் எந்தப் பேச்சுவார்த்தையும் நடத்தப்படவில்லை. இந்தப் பிரச்சினையில் மத்திய அரசுக்கு மாநில அரசு அழுத்தம் கொடுக்க வேண்டும். காணாமல் போகும் மீனவர்களைக் கண்டுபிடிக்க ஹெலிகாப்டரை தமிழக அரசு வழங்க வேண்டும்,” என்றார் வாசன்.

Pages