You are here

இந்தியா

தமிழகத்தில் நுரையீரல் புற்றுநோய் நோயாளிகளின் எண்ணிக்கை அதிகரிப்பு

சென்னை: நுரையீரல் புற்றுநோயால் பாதிக்கப்படுபவர்களின் எண்ணிக்கை தமிழகத்தில் அதிகரித்து வருவதாக பிரபல புற்றுநோய் மருத்துவரான வி.சாந்தா கவலை தெரிவித்துள்ளார். சென்னையில் நடைபெற்ற புகையிலை கட்டுப்பாடு குறித்த விழிப்புணர்வுக் கருத்தரங்கில் பேசிய அவர், புகையிலைப் பொருட்களைப் பயன்படுத்துவதால் புற்றுநோய், இதய நோய், சுவாசக் கோளாறு, வாதம் ஆகிய நோய்கள் ஏற்படுகிவதாகக் கூறினார். “நுரையீரல் புற்றுநோய் தாக்கத்தில் 9ஆவது இடத்தில் இருந்த தமிழகம் இன்று முதலிடத்தை நோக்கிச் செல்கிறது. புகைபிடிப்பதுதான் இதற்கு முக்கியக் காரணம். “பள்ளி மாணவர்களிடம் நாம் புகையிலையின் தீங்குகளை உணர்த்த வேண்டும்.

செய்தித்துறை விதிமீறல்: கருணாநிதி குற்றச்சாட்டு

சென்னை: தமிழக அரசின் செய்தித்துறை அதிகாரிகள் விதிமுறைகளை மீறிச் செயல் பட்டிருப்பதாக திமுக தலைவர் கருணாநிதி குற்றம்சாட்டி உள்ளார். இது தொடர்பாக தேர்தல் ஆணையம் உரிய நடவடிக்கை எடுக்குமா? என அவர் வெளி யிட்ட அறிக்கையில் கேள்வி எழுப்பியுள்ளார். தேர்தலுக்கு முன்னர் ‘வாக்காளர்களுக்கு வேண்டு கோள்’ என்ற தலைப்பில் முதல்வர் ஜெயலலிதா அறிக்கை வெளியிட்டிருந்தார்.

தேர்தல் ஆணையத்துக்கு கடிதம் எழுதிய விவகாரம்: ஆளுநர் ரோசய்யா விளக்கம்

சென்னை: அரவக்குறிச்சி, தஞ்சாவூர் தொகுதிகளுக்கான தேர்தலை நடத்துவது தொடர் பாக தேர்தல் ஆணையத்துக்கு கடிதம் எழுதியது ஏன்? என்பது குறித்து தமிழக ஆளுநர் ரோசய்யா விளக்கம் அளித் துள்ளார். இது தொடர்பாக செய்தியா ளர்களிடம் பேசிய அவர், தேர் தலை நடத்தக் கோரி தமக்கு கோரிக்கைகள் வந்ததாலேயே, அவ்வாறு கடிதம் எழுதியதாகத் தெரிவித்தார். அரவக்குறிச்சி, தஞ்சாவூர் தொகுதிகளில் பரவலாக வாக்காளர்களுக்குப் பணப்பட்டு வாடா நடந்திருப்பதாக எழுந்த புகாரையடுத்து, அத்தொகுதி களுக்கான தேர்தலை காலவரை யின்றி ஒத்தி வைத்துள்ளது தேர்தல் ஆணையம்.

பெருகிவரும் கொத்தடிமை, ஆள்கடத்தல்: அடியோடு ஒழிக்க இந்தியா புதிய திட்டம்

பெருகிவரும் கொத்தடிமை, ஆள்கடத்தல்: அடியோடு ஒழிக்க இந்தியா புதிய திட்டம்

இந்தியாவில் நவீன அடிமைகள் எண்ணிக்கை பெருகிவருவதாக வும் தற்போது 18 மில்லியனுக்கு மேற்பட்ட மக்கள் அடிமை வாழ்வு வாழ்வதாகவும் ‘வாக் ஃப்ரீ பவுண்டேஷன்’ என்னும் மனித உரிமை அமைப்பு தெரிவித்து உள்ளது. இந்தியாவின் மொத்த மக்கள் தொகையில் கிட்டத்தட்ட 1.4 விழுக்காட்டினர் கொத்தடிமைகள் என்று அந்த அமைப்பு நடத்திய கணக்கெடுப்பு தெரிவிக்கிறது. கொத்தடிமைகளாக வைத்து வேலைவாங்குவது, பிச்சை எடுக்கச் சொல்லி கட்டாயப் படுத்துவது, பாலியல் தொழிலில் தள்ளப்படுவது போன்றவற்றுக் காகப் பயன்படுத்தப்படுவோரின் எண்ணிக்கை உயர்ந்து உலகள விலான கொத்தடிமைப் பட்டியலில் இந்தியா நான்காம் இடத்தைப் பிடித்துள்ளது.

ஆயுதக்கிடங்கு தீயில் சிக்கி 20 இந்திய ராணுவத்தினர் பலி

இந்தியாவின் ஆயுதக்கிடங்கு.

நாக்பூர் அருகில் உள்ள இந்தியாவின் மிகப்பெரிய ஆயுதக் கிடங்கு நேற்று திடீர் என்று தீப் பற்றி எரிந்ததில் 20 ராணுவத்தினர் மாண்டனர். மகாராஷ்டிர மாநிலம் நாக்பூரில் இருந்து 110 கிலோ மீட்டர் தூரத் தில் உள்ள புல்காவான் என்னும் இடத்தில் இரவில் பற்றி எரிந்த தீயை அணைக்க தீயணைப் பாளர்கள் பல மணிநேரம் போரா டினார்கள். நேற்றுக் காலை 6.15 மணி யளவில் தீ கட்டுக்குள் கொண்டு வரப்பட்டபோதிலும் சுற்றியுள்ள ஆயிரக்கணக்கான கிராம மக்கள் அவரவர் வீட்டிலிருந்து வெளி யேற்றப்பட்டதாக ஷைலேஷ் நேவால் எனப்படும் வட்டார ராணுவ அலு வலர் ‘ராய்ட்டர்ஸ்’ செய்தி நிறு வனத்திடம் தெரிவித்தார்.

12ஆம் வகுப்பை தாண்டாத 15 தமிழக அமைச்சர்கள்

கோப்புப்படம்

சென்னை: தமிழக அமைச்சரவையில் இடம்பெற்றுள்ள 15 பேர் பனிரெண்டாம் வகுப்பைத் தாண்டாதவர்கள் எனத் தெரிய வந்துள்ளது. முதல்வர் ஜெயலலிதாவையும் சேர்த்து தமிழக அமைச்சரவையில் 33 பேர் இடம்பெற்றுள்ளனர். இவர்களைப் பற்றிய விவரங்களை தமிழ் நாடு எலெக்‌ஷன் வாட்ச், ஜனநாயக சீர்திருத்த சங்கம் ஆகிய அமைப்புகள் அறிக்கையாக வெளியிட்டுள்ளன. அமைச்சர்களில் 18 பேர் பட்டப்படிப்பும், பட்டமேற்படிப்பும் முடித்துள்ளனர். இவர்களில் 8 பேர் முதுகலை பட்டப் படிப்பும், நான்கு பேர் தொழிற்கல்வி பட்டப்படிப்பும் முடித்தவர்கள் என அறிக்கையில் கூறப்பட்டுள்ளது.

காலில் விழுந்த ‘எம்எல்ஏ-’யின் பாதம் தொட்ட கிரண் பேடி

புதுவை ஆளுநர் கிரண் பேடி

புதுவை: பதவியேற்பு விழாவின் போது தனது காலில் விழுந்த பெண் ‘எம்எல்ஏ’யிடம் பிறர் காலில் விழுவது தவறு என அறிவுறுத்தினார் புதுவை ஆளுநர் கிரண் பேடி. இதை யடுத்து பெண் எம்எல்ஏ காலில் கிரண் பேடியும் விழுந்ததால் பரபரப்பு ஏற்பட்டது. புதுவை ஆளுநராக கிரண் பேடி நேற்று முன்தினம் பொறுப் பேற்றார். அவர் பதவியேற்பு நிகழ்வில் அரசு உயரதிகாரிகள், அம்மாநில முக்கிய பிரமுகர்கள், சட்டப்பேரவை உறுப்பினர்கள் உள்ளிட்ட பலர் பங்கேற்றனர். பதவியேற்புக்குப் பின் ஆளுநர் கிரண் பேடிக்கு அவர்கள் பூங் கொத்து கொடுத்து சால்வை அணிவித்து வாழ்த்து கூறினர்.

தமிழகம்: கொத்தடிமைகளாகப் பணியாற்றிய 318 பேர் மீட்பு

தமிழ்நாட்டில் மீட்கப்பட்ட வடமாநிலக் குடும்பங்கள்.

தமிழகத்தில் செங்கல் சூளையில் கொத்தடிமைகளாகப் பணியாற்றிய 88 குழந்தைகள் உட்பட 318 பேரை அதிகாரிகள் மீட்டனர். திருவள்ளூர் மாவட்டம், புதுக் குப்பத்தில் உள்ள ஒரு செங்கல் சூளையில் ஒடிசா மாநிலத்தைச் சேர்ந்த அந்தத் தொழிலாளர்கள் நாள் ஒன்றுக்கு 12 மணி நேரம் வரை வேலை செய்ய கட்டாயப் படுத்தப்பட்டதாகவும் ஆனால் 12 ரூபாய் மட்டுமே ஊதியமாகத் தரப் பட்டதாகவும் அதிகாரிகள் கூறினர்.

ஏமாற்றி திருமணம் செய்த மலேசிய இளையர் கைது

திருச்சி: திருமணம் செய்து ஏமாற்றியதாக பெண் அளித்த புகாரின் பேரில் மலேசிய இளை யர் திருச்சி விமான நிலை யத்தில் கைதானார். மலேசியாவைச் சேர்ந்த 36 வயதான மகேஸ்வரன் என்ற அந்த இளையர் சில ஆண்டு களுக்கு முன்னர் சென்னை வந்துள்ளார். அச்சமயம் தியாக ராய நகரைச் சேர்ந்த பெண்ணை அவர் திருமணம் செய்து கொண்டார். பிறகு மனைவியை மலேசியா அழைத்துச் செல்ல உரிய ஏற்பாடுகளைச் செய்வ தாகக் கூறிய அவர், மலேசியா திரும்பியதுடன் அப்பெண்ணை தொடர்புகொள்ளவே இல்லை எனக் கூறப்படுகிறது.

கொதிகலன் வெடித்து 12 பேர் பலி

மும்பை: தொழிற்சாலையில் கொதிகலன் வெடித்த விபத்தில் 12 தொழிலாளர்கள் பரிதாபமாக உயிரிழந்தனர். நூற்றுக்கும் மேற்பட்டவர்கள் படுகாயத்துடன் சிகிச்சை பெற்று வருவதாக மும்பைத் தகவல்கள் தெரிவிக்கின்றன. தானே மாவட்டத்தில் இயங்கி வரும் அத்தொழிற்சாலையில் வெள்ளிக்கிழமை ஒரு எரிவாயுத் தோம்பு திடீரென வெடித்தது. அதனை அடுத்து மற்ற தோம்புகளும் வெடித்துச் சிதறியதில் தொழிற்சாலையின் ரசாயன கொதிகலனும் வெடித்தது. இதில் தொழிற்சாலைக் கட்டடம் தரைமட்டமானது. இடுபாடுகளில் ஏராளமானோர் சிக்கினர். இந்த விபத்தில் 12 பேர் பலியான நிலையில், 100க்கும் மேற்பட்டோர் படுகாயமடைந்தனர்.

Pages