You are here

இந்தியா

புதுக்கோட்டை மாவட்ட மஞ்சுவிரட்டுகளில் 146 மாடுபிடி வீரர்கள் காயம்

படம்: தகவல் ஊடகம்

புதுக்கோட்டை மாவட்டம் ஆவூர், மூக்கம்பட்டி, காக்காபெருமேடு மற்றும் அரியலூர் மாவட்டம் கரைவெட்டி பகுதிகளில் நேற்று முன்தினம் நடைபெற்ற மஞ்சுவிரட்டுப் போட்டிகளில்  காளைகள் முட்டி 146 பேர் காயமடைந்தனர். ஆவூரில் பல்வேறு மாவட்டங்களைச் சேர்ந்த 631 காளைகள் அவிழ்த்து விடப்பட்டன. இவற்றை அடக்க களமிறங் கிய 185 மாடுபிடி வீரர்களில் 41 பேர் காளைகள் முட்டியதில் காயமடைந்தனர். இதேபோல, மூக்கம்பட்டி, கரைவெட்டி, காக்காபெருமேடு பகுதிகளில் நடைபெற்ற ஜல்லிக்கட்டில் பலர் காயமடைந்தனர். படம்: தகவல் ஊடகம்

அடாவடியில் ஈடுபட்ட பாஜக பிரமுகரைக் கைது செய்த பெண் போலிஸ்

உரிய ஆவணங்கள் இல்லாமல் வாகனம் ஓட்டி, அபராதம் விதிக் கப்பட்டதால் அடாவடியில் ஈடுபட்ட பாஜக தொண்டர் ஒருவரை சிரேஷ்தா தாகூர் என்ற மூத்த போலிஸ் அதிகாரி கைது செய்துள்ளார். மேற்கு உத்தர பிரதேசத்தில் உள்ள புலண்ட்ஷரில் வெள்ளிக்கிழமை நடந்த இந்தச் சம்பவத்தின் காணொளி சமூக வலைத் தளங்களில் வெளியிடப் பட்டுள்ளது.

இந்தியாவில் தொழில் தொடங்க அமெரிக்க நிறுவனங்களுக்கு நரேந்திர மோடி அழைப்பு

இந்தியாவில் தொழில் தொடங்க முன்வருமாறு அமெரிக்க நிறு வனங்களுக்கு இந்தியப் பிரதமர் நரேந்திர மோடி அழைப்பு விடுத்துள்ளார். அமெரிக்காவுக்கு அதிகாரத் துவப் பயணம் மேற்கொண்டுள்ள மோடி, ஆப்பிள் நிறுவனத்தின் டிம் குக், கூகல் நிறுவனத்தின் சுந்தர் பிச்சை, மைக்ரோசாஃப்ட் நிறுவனத்தின் சத்யா நாதெல்லா, மாஸ்டர்கார்ட் நிறுவனத்தின் அஜய் பங்கா உள்பட 20 முக்கிய அமெரிக்கத் தொழில் அதிபர்களை ஞாயிற்றுக்கிழமை சந்தித்துப் பேசினார். “இந்தியாவில் கடந்த மூன்று ஆண்டுகளாகக் கடைப்பிடிக்கப் பட்டுவரும் பொருளாதாரக் கொள்கைகளால் இந்தியாவில் பெருமளவில் அன்னிய நேரடி முதலீடு வந்துள்ளது.

தமிழகத்தில் போதைப் புழக்கம், கடத்தல் அதிகரிப்பு

தமிழ் நாட்டில் முன்னெப்போதும் இல்லாத அளவுக்கு சட்டவிரோத போதைப் பொருள் விற்பனையும் போதைப் பொருள் புழக்கமும் அதிகரித்துள்ளன. கடந்த ஆறு ஆண்டுகளில் இல்லாத அளவுக்கு, மிக அதிகமாக இந்த ஆண்டின் முதல் ஆறுமாத காலத்தில் தமிழ் நாடு முழுவதும் 115 கிலோ கிராம் ஹெராயினை அமலாக்க அமைப்புகள் கைப்பற்றியுள்ளன. இதே காலகட்டத்தில் 86 கிலோ கிராம் எஃபிட்ரின் கைப் பற்றப் பட்டது. இது 2016ல் கைப் பற்றப் பட்ட அளவைவிட மூன்று மடங்கு அதிகமாகும். அதேபோல் எம்பிடமின் போதைப் பொருள் பறிமுதலும் சென்ற ஆண்டைவிட 25% இவ்வாண்டு கூடியுள்ளது.

சென்னை: 6 மாதங்களில் 420 சங்கிலி, கைபேசி பறிப்பு சம்பவங்கள்

சென்னை: கடந்த சில மாதங்களாக சென்னையில் குற்றச்செயல்கள் அதிகரித்து வருவதாக எதிர்க்கட்சியினர் சாடியுள்ளனர். இந்நிலையில் கடந்த 6 மாதங்களில் சென்னையில் மட்டும் 420 சங்கிலி, கைபேசி பறிப்புச் சம்பவங்கள் நடந்துள்ளதாக தகவல்கள் தெரிவிக்கின்றன. குறிப்பாக 55 வயதுக்கு மேற்பட்ட பெண்களைக் குறிவைத்தே சங்கிலிப் பறிப்புத் திருடர்கள் சுற்றி வருகிறார்கள். இதேபோல் முதியவர்களின் கவனத்தை திசை திருப்பி பணம், நகை, கைபேசிகளை சுருட்டுவதும் தெரியவந்துள்ளது. இத்தகைய திருடர்களை அடையாளம் கண்டுள்ளதாகவும், அனைவரும் அடுத்தடுத்து கைது செய்யப்படுவர் என்றும் போலிசார் தெரிவித்துள்ளனர்.

சென்னையில் காணாமல் போன 719 பேர் கண்டுபிடிப்பு

சென்னை: நடப்பாண்டில் மட்டும் சென்னையில் 1064 பேர் காணாமல் போனதாக காவல்துறை தெரிவித்துள்ளது. அவர்களில் 719 பேர் இதுவரை கண்டுபிடிக்கப்பட்டுள்ளனர். சென்னையில் காணாமல் போனவர்களைக் கண்டுபிடிக்கும் நோக்கில் மாநகரில் உள்ள 12 காவல் மாவட்டங்களிலும் தனிப்படைகள் அமைக்கப்பட்டன. இந்தத் தனிப்படை போலிசார் மேற்கொண்ட தீவிர நடவடிக்கையில் பலனாக கடந்த ஆண்டுகளில் காணாமல் போன 452 பேர் மீட்கப்பட்டுள்ளனர். தவிர, நடப்பாண்டில் காணாமல் போனவர்களில் 719 பேர் கண்டுபிடிக்கப்பட்டுள்ளனர்.

‘பெட்டகப் பொருட்கள் திருட்டு போனால் வங்கி பொறுப்பேற்காது’

புதுடெல்லி: பெட்டகங்களில் வாடிக்கையாளர்கள் வைக்கும் பொருட்கள் சேதமடைந்தாலோ அல்லது திருட்டு போனாலோ அதற்கு வங்கி பொறுப்பு ஏற்காது என்று ரிசர்வ் வங்கி கூறி உள்ளது. தகவல் அறியும் உரிமைச் சட்டத்தின்கீழ் இந்த அதிர்ச்சி தரும் தகவல் தெரியவந்துள்ளது. “எதற்கும் பொறுப்பேற்காத வங்கிகளிடம் நம் பொருட்களையும் கொடுத்து அதனைப் பாதுகாக்க பணமும் ஏன் கொடுக்கவேண்டும்,” என்று மக்கள் இப்போது கேள்வி எழுப்பியுள்ளனர். இதுபோன்ற பொறுப்பற்ற கொள்கைகளைப் பின்பற்றும் வங்கிகள் மீது கடும் நடவடிக்கை எடுக்கவேண்டும் என்றும் மக்கள் கோரிக்கை விடுத்துள்ளனர்.

இந்தியில் கடப்பிதழ்: மத்திய அரசின் அறிவிப்புக்கு கடும் எதிர்ப்பு

கவிஞர் வைரமுத்து

சென்னை: இந்திய கடப்பிதழ்கள் இனி இந்தி மொழியில் வழங்கப்படும் என மத்திய அரசின் அறிவிப்புக்கு தமிழகத்தில் பலத்த எதிர்ப்பு கிளம்பியுள்ளது. திமுக செயல் தலைவர் மு.க.ஸ்டாலின், பாமக நிறுவனர் ராமதாஸ், கவிஞர் வைரமுத்து உள்ளிட்ட பலரும் தங்கள் கண்டனத்தை பதிவு செய்துள்ளனர். இது தொடர்பாக ஸ்டாலின் வெளியிட்டுள்ள அறிக்கையில், இந்தியில் கடப்பிதழ் என்ற அறி விப்பு தமிழக மக்களின் உணர்வு களைக் கொச்சைப்படுத்தும் செயல் என தெரிவித்துள்ளார்.

வீடுகள், வீட்டு மனைகள் வாங்க புதிய விதிகள் அறிவிப்பு

சென்னை: தமிழகத்தில் வீடுகள், வீட்டு மனைகள் வாங்க புதிய கட்டுப்பாடுகள் கொண்டு வரப்பட் டுள்ளன. கட்டட மனை விற்பனை (முறைப்படுத்துதலும் மேம்படுத்து தலும்) விதிகள் 2017 என்ற பிரி வின்கீழ் பல்வேறு விதிகளை உரு வாக்கி அறிவித்துள்ளது தமிழக அரசு. இனி இந்த விதிகளைப் பின்பற்றியே கட்டுமான, விற்பனை நடவடிக்கைகளை மேற்கொள்ள இயலும் என அரசு திட்டவட்டமாக அறிவித்துள்ளது. ரியல் எஸ்டேட் ஒழுங்கு படுத்துதல் சட்டத்தை மத்திய அரசு கடந்த மே முதலாம் தேதி யன்று செயல்பாட்டுக்கு கொண்டு வந்தது. இதையடுத்து பல்வேறு மாநிலங்களும் அச்சட்டத்தைப் பின்பற்றத் தயாராகி வருகின்றன.

பன்னீர்செல்வத்துடன் சந்திப்பு: சகோதரர் என்கிறார் தம்பிதுரை

நாடாளுமன்ற துணை சபாநாயகர் தம்பிதுரை

சென்னை: முன்னாள் முதல்வர் பன்னீர்செல்வம் தமது சகோதரரைப் போன்றவர் என நாடாளுமன்ற துணை சபாநாயகர் தம்பிதுரை (படம்) தெரிவித்துள்ளார். புதுடெல்லியில் நேற்று முன்தினம் அவர் பன்னீர்செல்வத்தைச் சந்தித்துப் பேசினார். அதன் பின்னர் செய்தியாளர்களைச் சந்தித்த அவர், அதிமுகவில் அணிகள் ஏதுமில்லை என்றார். “அதிமுகவில் அனைவருமே சகோதரர்களைப் போல் பழகி வருகிறோம். எல்லோருமே ஓரணியாகத்தான் இருக்கிறோம். அதிமுக என்பது மாபெரும் மக்கள் இயக்கம். அதைக் கட்டிக்காக்கும் வகையில் அனைவரும் ஒன்றுபட்டு செயல்படுகிறோம்,” என்றார் தம்பிதுரை.

Pages