You are here

உல‌க‌ம்

மியன்மாரில் கொல்லப்பட்ட 6,700 ரோஹிங்யா மக்கள்

படம்: ராய்ட்டர்ஸ்

டாக்கா: மியன்மாரின் ராக்கைன் மாநிலத்தில் கடந்த ஆகஸ்ட் மாதம் வன்முறை வெடித்தபோது அந்த ஒரு மாதத்தில் மட்டும் ரோஹிங்யா மக்களில் குறைந்தது 6,700 பேர் கொல்லப்பட்டதாக எம்எஸ்எஃப் எனும் ஓர் அமைப்பு கூறுகிறது. கடந்த ஆகஸ்ட் 25ஆம் தேதிக்கும் செப்டம்பர் 24ஆம் தேதிக்கும் இடைப்பட்ட காலத்தில் கொல்லப்பட்டவர்களில் 730 பேர் சிறுவர்கள் என்றும் அந்த அமைப்பு தெரிவித்தது. மியன்மாரிலிருந்து தப்பிச் சென்று பங்ளாதே‌ஷில் தஞ்சம் அடைந்துள்ள அகதிகள் பற்றிய ஆய்வில் இந்த உண்மை தெரிய வந்ததாக அந்த அமைப்பு குறிப்பிட்டுள்ளது.

டிரம்ப்பின் அறிவிப்பால் மத்திய கிழக்கில் கிறிஸ்மஸ் கொண்டாட்ட உற்சாகம் இல்லை

படம்: ஏஎஃப்பி

ஜெருசலம்: ஜெருசலத்தை இஸ்ரே லின் தலைநகராக அங்கீகரிப்ப தாக அமெரிக்க அதிபர் டோனல்ட் டிரம்ப் அறிவித்தது முதல் அதற்கு எதிர்ப்பு தெரிவித்து பல இடங்களில் ஆர்ப்பாட்டங்கள் நடந்துவருகின்றன. குறிப்பாக முஸ்லிம் நாடுகளில் ஆர்ப்பாட்டங்கள் நீடிக்கும் வேளையில் இஸ்ரேல் வசம் உள்ள மேற்குக்கரை பகுதியில் தொடர்ந்து ஆர்ப்பாட்டங்கள் நடந்து வருகின்றன. வழக்கமாக கிறிஸ்மஸ் கொண்டாட்டம் களைகட்டியிருக்கும் இடங்களில் இந்த ஆண்டு கொண்டாட உற்சாகமே இல்லை என்று மேற்குக்கரை பகுதியில் வசிக்கும் கிறிஸ்துவர்கள் கூறுகின்றனர்.

சீனாவில் தாக்கப்பட்ட இரு தென்கொரிய செய்தியாளர்கள்

சோல்: தென்கொரிய அதிபர் மூன் ஜே இன் சீனாவுக்கு பயணம் மேற்கொண்டுள்ள வேளையில் அவருடன் சென்றிருந்த செய்தியாளர்களில் இருவரை சீன பாதுகாப்பு அதிகாரிகள் அடித்துத் தாக்கியதாக தகவல்கள் கூறு கின்றன. சீனாவில் திரு மூன் கலந்து கொண்ட ஒரு நிகழ்ச்சி பற்றிய தகவல்களை சேகரிப்பதற்காகச் சென்ற தென்கொரிய பத்திரிகை யாளர்கள் 14 பேரையும் சீன அதிகாரிகள் உள்ளே அனுமதிக்க வில்லை என்று கூறப்பட்டது.

‘வடகொரியாவுடன் பேச்சுநடத்த சரியான நேரம் இதுவல்ல’

வா‌ஷிங்டன்: வடகொரியாவுடன் பேச்சு நடத்துவதற்கு இது சரியான நேரமல்ல என்று வெள்ளை மாளிகை தெரிவித்துள்ளது. வடகொரியாவின் செயலில் முன்னேற்றம் இருந்தால் மட்டுமே அந்நாட்டுடன் பேச்சு நடத்த முடியும் என்று வெள்ளை மாளிகை தேசிய பாதுகாப்பு மன்றத்தின் பேச்சாளர் கூறியதாக ராய்ட்டர்ஸ் தகவல் தெரிவித்தது. முன்னதாக அமெரிக்க வெளியுறவு அமைச்சர் ரெக்ஸ் டில்லர்சன், எந்தவிதமான முன் நிபந்தனையும் இல்லாமல் வட கொரியாவுடன் பேச்சைத் தொடங்க அமெரிக்கா தயாராக இருப்பதாகக் கூறியிருந்தார்.

அலபாமா தேர்தலில் தோல்வி; அதிபர் டிரம்ப்புக்கு பின்னடைவு

படம்: ராய்ட்டர்ஸ்

வா‌ஷிங்டன்: அலபாமா செனட் உறுப்பினர் பதவிக்கான தேர்தலில் ஜனநாயகக் கட்சி வேட்பாளர் டக் ஜோன்ஸ், குடியரசுக் கட்சியைச் சேர்ந்த ராய் மோரை தோற்கடித்தது மட்டுமல்லாமல் அதிபர் டோனல்ட் டிரம்ப்பின் அரசியலுக்கும் பெரும் பின்னடைவை ஏற்படுத்தியுள்ளார். இந்த வெற்றியின் மூலம் 25 ஆண்டுகளுக்குப் பிறகு ஜன நாயகக் கட்சியினர் அலபாமா செனட் உறுப்பினர் பதவியை கைப்பற்றியுள்ளனர். திரு டக் ஜோன்சின் எதிர்பாராத வெற்றி அதிபர் டோனல்ட் டிரம்ப் புக்கு அவமானத்தை ஏற்படுத்தி யுள்ளது. செவ்வாய்க்கிழமை இரவு வாக்குகள் எண்ணப்பட்டன.

கிழக்கு ஜெருசலத்தை பாலஸ்தீன தலைநகரமாக அங்கீகரிக்க கோரிக்கை

படம்: ராய்ட்டர்ஸ்

இஸ்தான்புல்: கிழக்கு ஜெருசலத்தை பாலஸ்தீனத்தின் தலைநகரமாக அங்கீகரிப்பதற்கு உலகின் மற்ற நாடுகளையும் ஊக்கமூட்டும் முயற்சிகளையும் இஸ்லாமிய ஒத்துழைப்பு நாடுகள் மேற்கொள்ள வேண்டும் என்று துருக்கிய வெளியுறவு அமைச்சர் நேற்று அறைகூவல் விடுத்தார். இஸ்தான்புல்லில் நடைபெற்ற இஸ்லாமிய ஒத்துழைப்பு நாடுகளின் வெளியுறவு அமைச்சர்கள் பங்கேற்ற கூட்டத்தில் கலந்துகொண்ட பிறகு அவர் பேசினார்.

துருக்கி அதிபர் எர்டோகனுடன் குவைத் அரசர் ஜாபர் அல்-அஹமட் அல்-சாபா, ஜோர்தான் மன்னர் அப்துல்லா, பாலஸ்தீன அதிபர் அப்பாஸ். படம்: ராய்ட்டர்ஸ்

சிலாங்கூர் தீ விபத்தில் நால்வர் பலி; கொல்லப்பட்டிருக்கலாம் என சந்தேகம்

படம்: சிலாங்கூர் தீ அணைப்பு, மீட்பு துறை

பந்திங்: தஞ்சோங் செப்பாட் பகுதியில் நேற்று காலை வீடு ஒன்று தீக்கிறையானதில் இரு முதியோர்கள், இரு சிறுவர்கள் உட்பட நால்வர் உயிரிழந்தனர். இந்தச் சம்பவம் குறித்த விசாரணையில் தீ விபத்தில் பலி யானவர்களின் உடலில் வெட்டுக் காயம் கண்டறியப்பட்டுள்ளது எனவும் உயிரிழந்தவர்கள் தாக் கப்பட்டோ அல்லது கொலை செய்யப்பட்டோ இருக்கலாம் என வும் காவல்துறையினர் சந்தேகிக் கின்றனர். நேற்று ஏற்பட்டதாகக் கூறப் படும் இந்த தீ விபத்துத் தொடர் பான தகவல் காலை 6.08 மணியளவில் தீயணைப்பு வீரர் களுக்குத் தெரிவிக்கப்பட்டது.

ஜப்பான் புல்லட் ரயிலில் விரிசல்; கடைசி நேரத்தில் விபத்து தவிர்க்கப்பட்டது

கோப்புப் படம்: இணையம்

தோக்கியோ: ஜப்பானின் அதிவேக புல்லட் ரயிலில் விரிசல் கண்டு பிடிக்கப்பட்டது என்றும் இதனால் பெரும் அசம்பாவிதம் தவிர்க்கப் பட்டது என்றும் அந்நாட்டின் அதிகாரிகள் தெரிவித்தனர். ஜப்பானின் ரயில்வேதுறைக்கு அடையாளமாக விளங்கும் புல்லட் ரயிலில் தடம் புரளச் செய்யும் அளவுக்கு விரிசல் காணப்பட்டதாக வும் அவர்கள் கூறினர். தெற்கு ஜப்பானில் உள்ள ரயில் நிலையத்தில் புல்லட் ரயிலிலிருந்து ஏதோ எரிந்த வாடை வீசியதால் ரயில்வே துறை அதிகாரிகளுக்கு சந்தேகம் ஏற்பட்டது. ரயிலிலிருந்து வித்தியாசமான சத்தம் எழுந்ததாகவும் கூறப்படு கிறது. இந்நிலையில் நாகோயா ரயில் நிலையத்தில் புல்லட் ரயில் நிறுத் தப்பட்டு சோதனையிடப்பட்டது.

ஐஎஸ் தாக்குதல்களால் ஈர்க்கப்பட்ட சந்தேக நபர்

படம்: ஏஎஃப்பி

நியூயார்க்: நியூயார்க்கின் மேன்ஹாட்டன் பகுதியில் உள்ள பேருந்து முனையத்திற்கு அருகே குழாய் வெடிகுண்டை வெடிக்கச் செய்த சந்தேக நபர், ஐரோப்பாவில் கிறிஸ்மஸ் மார் கெட்டுகளைக் குறிவைத்து ஐஎஸ் பயங்கரவாதிகள் நடத்திய தாக்குதலால் ஈர்க்கப்பட்டவன் என்பது விசாரணையில் தெரிய வந்துள்ளதாக போலிசார் கூறினர். ஈராக், சிரியா ஆகிய நாடுகளில் ஐஎஸ் பயங்கரவாதி களின் இலக்குகளைக் குறி வைத்து அமெரிக்க விமானங்கள் தாக்குதல் நடத்தி வருவதற்குப் பதிலடியாக இத்தாக்குதலை நடத்தியதாக பிடிபட்ட அந்த சந்தேக நபர் போலிசாரிடம் கூறியதாக அதிகாரிகள் கூறி யுள்ளனர்.

சாபாவில் வெள்ளப்பெருக்கு

கோத்தா கினாபாலு: சாபா மாநிலத்தின் கோத்தா பெலூட் மாவட்டத்தில் ஏற்பட்ட வெள்ளப்பெருக்கைத் தொடர்ந்து 129 கிராம மக்கள் தங்கள் இருப்பிடத்தை விட்டு வெளியேற்றம் செய்யப்பட்டுள்ளனர். இந்த வெள்ளப்பெருக்கு சுங்கை காடாமாயான் ஆற்று நீர் கரை புரண்டதால் ஏற்பட்டுள்ளது. வெள்ள நீர் தற்சமயம் வடியத் தொடங்கியிருந்தாலும் பொதுத் தற்காப்புத்துறை அதிகாரிகள் இச்சம்பவம் குறித்து விழிப்பு நிலையில் இருப்பதாகவும் நிலைமையை அணுக்கமாக கண்காணித்து வருவதாகவும் தெரிவிக்கப்பட்டது. இதனால் சில சாலைகள் போக்குவரத்துக்கு மூடப்பட்டன.

Pages