இந்தியா

அதிமுக தலைவி ஜெயலலிதாவுக்கு எதிரான பெங்களூரு வழக்கு விசாரணையில் நேற்று பெரும் திருப்பம் ஏற்பட்டது.

அதிமுக தலைவியும்  தமிழக முதல்வருமான  செல்வி ஜெயலலிதா ஓர் அப்பாவி என்று சசிகலா சாட்சியம் அளித்ததாகத் தெரிவிக்கப்பட்டுள்ளது.

ஜெயலலிதாவும் அவரின் தோழியான சசிகலாவும்  சட்ட விரோதமாக 66 கோடி ரூபாய் சொத்துக்களைக் குவித்ததாகத் தொடுக்கப்பட்டுள்ள வழக்கு விசாரணை பெங்களூரு சிறப்பு நீதிமன்றத்தில் நடந்துவருகிறது.

அந்த வழக்கின் 2வது குற்றவாளியான சசிகலா நேற்று  நீதிமன்றத்தில் ஆஜரானார்.

 சசியுடன் இளவரசியும் சுதாகர னும் முன்னிலை ஆனார்கள். வழக்கில் தெரிவிக்கப்படும் ஜெயா பப்ளிகேஷன்ஸ் நிறுவனத்தின் வங்கிக் கணக்கைத் தான் மட்டுமே நிர்வகித்து வந்ததாகவும் நிறுவனத் தில் ஜெயலலிதா வெறும் பங்காளி தான் என்றும் சசிகலா சாட்சியம் அளித்தார்.

“இந்த நிறுவனத்தை நான்தான் நிர்வகித்து வந்தேன். இதில் நடந்தவை  எவையும் ஜெயலலிதாவுக்குத் தெரியாது.

“இதில் அவ்வளவாக அவர் நாட்டம் காட்டியதில்லை. இதற்கு நான்தான் முழுப்பொறுப்பாக இருந் தேன். சொத்து வாங்கிய விவரம் அவருக்குத் தெரியாது,” என்று சசிகலா சாட்சியம் அளித்ததாகத் தெரிவிக்கப்பட்டது.

இந்த வழக்கில் ஜெயலலிதா முதல் குற்றவாளி. இரண்டாவது குற்றவாளி சசிகலா. இவர் முதன் முதலாக வாக்குமூலம் அளித்தது நேற்றுதான் என்பது குறிப்பிடத் தக்கது.  சசிகலா மிக நிதானமாக பதில் அளித்தார். சில கேள்விகளுக்கு எழுதி வைத்திருந்ததைப் பார்த்து பதில் கூறினார்.
சில கேள்விகள் கேட்டபோது பதில் அளித்த சசிகலா, கண்ணீர் சிந்தி அழுதார்.

சேலம் மத்திய சிறையில் ஆயுள் தண்டனை அனுபவித்து வரும் கைதி ரவி பிரான்சிஸ் என்பவர் மீதான ஏற்கனவே விசாரிக்காமல் கிடப்பில் இருந்தது. அந்த வழக்கை விசாரிப்பதற்காக நீதிமன்றத்திற்கு அழைத்துச் செல்ல இருக்கும் நிலையில், அந்தக் கைதி, “ஏற்கனவே ஆயுள் கைதியாக இருக்கும் என்மீது இன்னொரு வழக்கு விசாரணை வேண்டாம். தயவுசெய்து என்னை விட்டுவிடுங்கள்,” என்று எவ்வளவோ மன்றாடியிருக்கிறார்.

ஆனால் சிறை அதிகாரிகளும் போலிஸ்காரர்களும் அவர் கூறியதைப் பொருட்படுத்தாமல் நீதிமன்றத்திற்கு அழைத்துச் செல்ல முற்பட்டனர். “எவ்வளவோ மன்றாடியும் என்னை விட மறுக்கிறீர்கள். சரி பரவாயில்லை. நான் கோர்ட்டுக்கு வருகிறேன்,” என்று கூறிய அவர், தமது உடைகளைக் களைந்து கோவணத்துடன் காட்சி தந்தார்.

“கோர்ட்டுக்கு அழைத்துச் செல்வதில் நீங்கள் பிடிவாதமாக இருந்தால் நான் இப்படித்தான் வருவேன், என்னை அழைத்துச் செல்லுங்கள்,” என்று அதிகாரிகளுக்கு அவர் அதிர்ச்சி வைத்தியம் கொடுத்தார்.
இதனையடுத்து சிறையின் மேலதிகாரிகள் ரவியிடம் சமாதானப் பேச்சுவார்த்தை நடத்தியதன் பேரில் ஆடை அணிந்து நீதிமன்றம் செல்ல ஒப்புக்கொண்டார் ரவி.

சென்னை: திமுகவின் மூத்த தலைவர் வீரபாண்டி ஆறுமுகத் திற்கும் கட்சியின் பொருளாளர் ஸ்டாலினுக்கும் இடையே நேரடி மோதல் வெடித்துள்ளதாகவும் வீரபாண்டியை கட்சியை விட்டே நீக்கும்படி திமுக தலைவர் கருணாநிதியை திரு ஸ்டாலின் கேட்டுக் கொண்டதாகவும் தமிழக நாளேடுகள் தெரிவிக்கின்றன.

திமுகவின் இளைஞர் அணியைச் சீரமைத்து பலப்படுத்தும் முயற்சியில் திரு ஸ்டாலின் இறங்கியுள்ளார். இளையர்களை கட்சியில் சேர்த்துக் கொள்வதற்கு வயது வரம்பிற்கான புதிய விதிகளை நடப்புக்குக் கொண்டுவந்ததோடு தானே நேரடியாகச் சென்று கட்சியில் சேர விரும்பும் இளையரை மாவட்டம் வாரியாக நேர்காணல் கண்டு அதன் பின் கட்சியில் சேர்க்க ஒப்புதல் வழங்கும் பணியில் இறங்கியுள்ளார் திரு ஸ்டாலின்.

இதற்காக, ஒவ்வொரு மாவட்டமாகச் சென்றுவரும் திரு ஸ்டாலின், சேலம் மாவட்ட இளைர் அணிக்கு நிர்வாகி களைத் தேர்வு செய்யும்போது வீரபாண்டி ஆறுமுகத்திற்கும் அவருக்கும் ஏற்பட்ட மனக்கசப்பு பின்னர் இருவரும் நேரடியாகவே மோதிக்கொள்ளும் அளவுக்குப் போய்விட்டதாகக் கூறப்படுகிறது.

முழு விவரம் 15.2.2012 தமிழ் முரசில்

புதுடெல்லி: மலேசியாவுக்கு போதை மருந்து கடத்த முயன்ற இரண்டு பெண் பயணிகளை வருவாய் புலனாய்வுத் துறையினர் கைது செய்தனர்.

அவர்களிடமிருந்து ‘கேட்டமின்’ எனப்படும் போதை மருந்து பறிமுதல் செய்யப்பட்டது.
தேவிகா, ஷமீம் பேகம் என்ற இரண்டு பயணிகளும் டெல்லி அனைத்துலக விமான நிலையத்துக்கு சனிக்கிழமை வந்தனர். மலேசியா செல்லும் விமானத்தில் அவர்கள் புறப்படத் தயராக இருந்தபோது,  சந்தேகத்தின் பேரில் அவர்களின் உடைமைகள் சோதிக்கப்பட்டன. அதில், ஆறு கிலோ எடையுள்ள கேட்டமின் என்ற தடை செய்யப்பட்ட போதை மருந்து இருப்பது கண்டுபிடிக்கப்பட்டது.

முழு விவரம் 14.2.2012 தமிழ் முரசில்