You are here

உலகக் கிண்ண காற்பந்துப் போட்டிக்குத் தகுதி பெற்ற ஈரான்

  • படம்: ஏஎஃப்பி

டெஹ்ரான்: ரஷ்யாவில் அடுத்த ஆண்டு நடைபெறவுள்ள உலகக் கிண்ண காற்பந்துப் போட்டிக்கு ஆசியப் பிரிவிலிருந்து ஈரான் தகுதி பெற்றுள்ளது. அடுத்த ஆண்டு நடைபெறும் இந்தப் போட்டிக்குத் தகுதி பெறும் முதல் ஆசியக் குழு எனும் பெருமை ஈரானைச் சேரும். பிரேசிலை அடுத்து ஈரான் உலகக் கிண்ணப் போட்டியில் தமது இடத்தை உறுதி செய்துள்ளது. நேற்று முன்தினம் ஈரான் தலைநகர் டெஹ்ரானில் நடைபெற்ற ஆட்டத்தில் உஸ்பெகிஸ் தானைச் சந்தித்த ஈரான் 2=0 எனும் கோல் கணக்கில் வெற்றி பெற்று உலகக் கிண்ணப் போட்டிக்கு முன்னேறியது. கொண்டாட்டத்தில் மூழ்கிய ஈரானிய வீரர்கள். படம்: ஏஎஃப்பி